ព័ត៌មានជាតិ

រូបសំណាកបង្កង នឹងលេចចេញជារូបរាងនាពេលឆាប់ៗក្នុងខេត្តតាកែវដើម្បីបង្ហាញជាខេត្តល្បីឈ្មោះ បង្កងធម្មជាតិ

បានផុស

៤ years មុន

នៅ

ថ្ងៃសុក្រ ១២ មីនា ២០២១

ដោយ

លោក អ៊ូច ភា អភិបាលនៃគណៈអភិបាលខេត្តតាកែវ បានអះអាងថា រដ្ឋបាលខេត្តតាកែវ នឹងកសាងរូបសំណាកបង្កងដ៏ធំមួយនៅផ្លូវចូលទៅទីរួមខេត្តតាកែវ ត្រង់ចំណុចបឹងអូរចំបក ដែលស្ថិតនៅភូមិខ្សឹង សង្កាត់រកាក្នុង ក្រុងដូនកែវ ខេត្តតាកែវ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការកសាងរូបសំណាកបង្កងនៅត្រង់ចំណុចផ្លូវចូលទៅទីរួមខេត្តតាកែវនេះ ព្រោះថាខេត្តតាកែវ គឺជាខេត្តដែលមានម្ហូបល្បីឈ្មោះ គឺបង្កងធម្មជាតិ ហើយជាខេត្តដែលល្បីទូទាំងប្រទេសផងដែរ។ ម្យ៉ាងទៀតបងប្អូនប្រជាពលរដ្ឋដែលពួកគាត់ធ្វើដំណើរឆ្លងកាត់ ឬទៅលេងខេត្តតាកែវ គឺនឹកឃើញម្ហូបមុនគេ គឺបង្កងធម្មជាតិដែលមានរស់ជាតិឆ្ងាញ់ពិសារ និងពងទាកូន ។

លោកអភិបាលខេត្តតាកែវបន្ថែមទៀតថា រដ្ឋបាលខេត្តមានគម្រោងកសាងរូបសំណាកបង្កងនេះ តាំងពីយូរណាស់ហើយ ដោយបានចាក់ដីលុបបឹងអូរចំបក់មួយផ្នែក សម្រាប់កសាងរូបសំណាក់បង្កង ប៉ុន្តែបច្ចុប្បន្នរដ្ឋបាលខេត្តកំពុងកៀងគរសប្បុរសជន ដើម្បីចូលរួមឧបត្ថម្ភគាំទ្ររៀបចំសាងសង់ ដូចមានក្នុងគម្រោងប្លង់ជូនភ្ជាប់ ហើយម្យ៉ាងទៀត រដ្ឋបាលខេត្តក៏មានគម្រោងកសាងរូបសំណាកពងទាកូនផងដែរ ៕

អត្ថបទ ៖ រ៉ាវុទ្ធ