កីឡា

កីឡារិនីខ្មែរ-កាណាដា ឈីវ សាលីណា ត្រៀមជួយកម្ពុជាជាថ្មីចុងខែនេះ

បានផុស

២ ខែ មុន

នៅ

ថ្ងៃសុក្រ ៨ វិច្ឆិកា ២០២៤

ដោយ

កីឡាការិនីបាល់ទាត់ខ្មែរ-កាណាដា ឈីវ សាលីណា ត្រូវបានកោះហៅចូលធ្វើតេស្តក្នុងក្រុមបាល់ទាត់ជម្រើសជាតិសាថ្មី បន្ទាប់ពីនាងបានចាកចេញពីប្រទេសកម្ពុជា ក្រោយចប់កីឡាស៊ីហ្គេម ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការកោះហៅចូលរួមធ្វើតេស្តជាថ្មីនេះដើម្បីជ្រើសរើសក្រុមបាល់ទាត់ជម្រើសជាតិនារីកម្ពុជាធ្វើដំណើរទៅប្រទេសឡាវសម្រាប់ការប្រកួតជើងឯកនារីអាស៊ាន AFF Women’s Cup ពីថ្ងៃទី២៣ ដល់ទី២៩ ខែវិច្ឆិកា ឆ្នាំ២០២៤។

ក្រុមនារីកម្ពុជាស្ថិតនៅពូលដ៏លំបាកគឺ B ជាមួយ ម៉ាឡេស៊ី និង ឥណ្ឌូណេស៊ី ខណៈពូល A ហាក់ស្រួលបន្តិចដោយមានម្ចាស់ផ្ទះឡាវ សិង្ហបុរី និង ទីម័រខាងកើត។ ការប្រកួតសន្សំពិន្ទុនេះ ជរើសរើសយកក្រុមលេខ១ និងលេខ២ ឡើងទៅវគ្គពាក់កណ្តាលផ្តាច់ព្រ័ត្រ ដើម្បីជ្រើសរើសយកក្រុមលំដាប់កំពូល៣ឡើងទៅកម្រិតទី១ AFF Women’s Championship ដែលមានក្រុមខ្លាំងហ្វីលីពីន ថៃ និង វៀតណាម។

និយាយពីកីឡាការិនីខ្មែរ-កាណាដា ឈីវ សាលីណា ជាកម្លាំងដ៏សំខាន់ម្នាក់បានជួយក្រុមបាល់ទាត់នារីជម្រើសជាតិកម្ពុជា ឡើងវគ្គពាក់កណ្តាលផ្តាច់ព្រ័ត្រ កីឡាស៊ីហ្គេម ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ កាលណោះ ក្រុមនារីកម្ពុជា ឈ្នះឡាវ ២-០, ឈ្នះសិង្ហបុរី ១-០ និងចាញ់ថៃ ០-៣។ យ៉ាងណា នៅវគ្គពាក់កណ្តាលផ្តាច់ព្រ័ត្រ ក្រុមនារីកម្ពុជាបានចាញ់វៀតណាម ០-៤។

ក្រោយចប់ព្រឹត្តិការណ៍កីឡាស៊ីហ្គេម ឈីវ សាលីណា បានវិលត្រឡប់ទៅប្រទេសកាណាដាវិញដោយបានចូលរួមជាមួយក្រុម CS MRO នៅលីគលំដាប់ទី៣។ កីឡាការិនីរូបនេះធ្លាប់លេងបាល់ទាត់តាំងពីអាយុ១២ឆ្នាំឲ្យក្រុមជាច្រើន ប៉ុន្តែជាក្រុមកម្រិតពាក់កណ្តាលអាជីព៕