ព័ត៌មានអន្ដរជាតិ

ប្រាក់ចំណេញរបស់ Singapore Airlines ធ្លាក់ចុះជិត ៦០ ភាគរយ

បានផុស

២ ខែ មុន

នៅ

ថ្ងៃអង្គារ ១២ វិច្ឆិកា ២០២៤

ដោយ

ក្រុមហ៊ុនអាកាសចរណ៍សិង្ហបុរី Singapore Airlines (SIA) បានកត់ត្រាពីការធ្លាក់ចុះនៃប្រាក់ចំណេញសុទ្ធសម្រាប់ត្រីមាសខែកក្កដា-កញ្ញា រហូតដល់ ៥៩ ភាគរយ ធៀបនឹងរយៈពេលដូចគ្នាកាលពីឆ្នាំមុន មកនៅត្រឹម ២៩០ លានដុល្លារសិង្ហបុរី (២១៦ លានដុល្លារអាមេរិក) ដោយសារតែកំណើននៃការប្រកួតប្រជែងខ្លាំង និងការចំណាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

SIA បាននិយាយក្នុងរបាយការណ៍ហិរញ្ញវត្ថុរបស់ខ្លួនថា ប្រាក់ចំណូលបានកើនឡើង ២ ភាគរយ ដល់ ៤,៨ ប៊ីលានដុល្លារសិង្ហបុរី នៅ «ត្រីមាសទី២» សម្រាប់ឆ្នាំហិរញ្ញវត្ថុរបស់ក្រុមហ៊ុន ដែលចាប់ផ្ដើមនៅខែមេសា។ ក្រុមហ៊ុនក៏បានកត់ត្រាពីកំណើននៃការចំណាយរហូតដល់ ១៤,៧ ភាគរយ ក្នុងត្រីមាសទី២ដដែលផងដែរ។

SIA បានលើកឡើងថា ប្រតិបត្តិការជើងហោះហើរនឹងបន្តមានការប្រកួតប្រជែង ខណៈខ្លួនកំពុងស្ទុះងើបឡើងវិញឆ្ពោះទៅរកកម្រិតមុនវិបត្តិកូវីដ១៩។

ទោះយ៉ាងណាក៏ដោយ SIA «នឹងនៅតែមានភាពរហ័សរហួន ដើម្បីសម្រួលដល់បណ្តាញអ្នកដំណើរ និងសមត្ថភាពរបស់ក្រុមហ៊ុន ឱ្យផ្គូផ្គងទៅតាមតម្រូវការ។

SIA ប្រតិបត្តិការយន្តហោះចំនួន ២០៥ គ្រឿង ដោយរួមបញ្ចូលទាំងយន្តហោះខ្នាតធំ Boeing 787-10 ចំនួន ៤ គ្រឿង ដែលក្រុមហ៊ុនបានបន្ថែមចូលនៅក្នុងត្រីមាសខែកក្កដា-កញ្ញា។ ក្រុមហ៊ុនដដែល ក៏បានពង្រីកជើងហោះហើរទៅកាន់គោលដៅពេញនិយមផ្សេងៗ ដូចជា ក្រុងហាណូយ ក្រុងហូជីមិញ ក្រុងចូហានណេសប៊ឺក ក្រុងមែលប៊ន កោះភូកេត និងក្រុងសេអ៊ូល ផងដែរ៕