សន្តិសុខសង្គម

នគរបាលផែនបង្ការពន្លត់អគ្គិភ័យ និងសង្គ្រោះ ត្រៀមលក្ខណៈរួចរាល់ ការពារសន្តិសុខសណ្ដាប់ធ្នាប់ក្នុងពិធីបុណ្យអុំទូក

បានផុស

២៤ នាទីutes មុន

នៅ

ថ្ងៃពុធ ១៣ វិច្ឆិកា ២០២៤

ដោយ

កាលពីព្រឹកថ្ងៃទី ១៣ ខែវិច្ឆិកា ឆ្នាំ ២០២៤ នេះ លោកវរសេនីយ៍ឯក ព្រហ្ម យ៉ន នាយការិយាល័យ នគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានដឹកនាំកម្លាំងជំនាញចំណុះ ការិយាល័យ នគរបាលបង្ការពន្លត់អគ្គិភ័យ និងសង្គ្រោះ ចូលរួមប្រជុំជួរ ដើម្បីត្រួតពិនិត្យ ឯកសណ្ឋាន សម្ភារៈ សម្រាប់ត្រៀមការពារព្រះរាជពិធីបុណ្យ អុំទូក បណ្តែតប្រទីប និងសំពះព្រះខែ អកអំបុក ប្រព្រឹត្តទៅនាថ្ងៃទី ១៤-១៥-១៦ ខែវិច្ឆិកា ឆ្នាំ ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះ លោកវរសេនីយ៍ឯក ព្រហ្ម យ៉ន នាយការិយាល័យ ក៏បានណែនាំដល់មន្ត្រីជំនាញពន្លត់អគ្គិភ័យទាំងអស់ ត្រូវតែយកចិត្តទុកដាក់ខ្ពស់ក្នុងកិច្ចប្រតិបត្តិការការពារ ក៏ដូចជាការការពារសុខសុវត្ថិភាពជូនប្រជាពលរដ្ឋផងដែរ ក្នុងឱកាសព្រះរាជពិធី ព្រោះមានពលរដ្ឋ ក៏ដូចជាភ្ញៀវជាតិ អន្តរជាតិ ជាច្រើន មកចូលរួមទស្សនា។

ទាក់ទងនឹងបញ្ហាសន្តិសុខសណ្ដាប់ធ្នាប់វិញ កម្លាំងសមត្ថកិច្ចចម្រុះទាំងអស់ សរុបចំនួនជាង ១ ម៉ឺន ៦ ពាន់នាក់ បានត្រៀមលក្ខណៈរួចរាល់ ១០០ ភាគរយហើយ ដើម្បីពង្រាយកម្លាំងចេញការពារសន្តិសុខសុវត្ថិភាព និងសម្រួលចរាចរណ៍ ជូនប្រជាពលរដ្ឋ ទាំងក្នុងបរិវេណទីតាំងប្រារព្ធពិធី និងក្រៅបរិវេណជាដើម៕

អត្ថបទ ៖ សុភា