ព័ត៌មានអន្ដរជាតិ
នាយករដ្ឋមន្ត្រីអ៊ីស្រាអែលរងការគំរាមធ្វើឃាត ខណៈរដ្ឋមន្ត្រីការពារជាតិសង្ស័យកើតពីខាងក្នុងប្រទេស
នាយករដ្ឋមន្ត្រីអ៊ីស្រាអែល បេនចាមីន ណេតាន់យ៉ាហ៊ូ (Benjamin Netanyahu) ដែលកំពុងដឹកនាំសង្គ្រាមប្រឆាំងនឹងក្រុមសកម្មប្រយុទ្ធជាច្រើនដែលគាំទ្រដោយអ៊ីរ៉ង់ និងមានការប្រឆាំងនៅក្នុងស្រុកផងនោះ បានរងការគំរាមធ្វើឃាតជាថ្មីម្តងទៀត។
មន្ត្រីកំពូលៗរបស់អ៊ីស្រាអែលបានចេញមុខប្រកាសបន្តបន្ទាប់អំពីឧបទ្ទវហេតុនៃការគប់គ្រាប់បែកចូលសួនច្បារក្នុងបរិវេណផ្ទះរបស់នាយករដ្ឋមន្ត្រីអ៊ីស្រាអែលកាលពីយប់ថ្ងៃទី១៦ខែវិច្ឆិកា ដោយហាក់បង្ហាញពីចេតនារបស់អ្នកក្នុងប្រទេស។
តាមសេចក្តីរាយការណ៍របស់រ៉យទ័រ គ្រាប់បែកពីរគ្រាប់ត្រូវបានបាញ់សំដៅទៅផ្ទះនាយករដ្ឋមន្ត្រីអ៊ីស្រាអែល Benjamin Netanyahu នៅក្រុង Caesarea ភាគខាងជើងប្រទេសអ៊ីស្រាអែល កាលពីថ្ងៃទី១៦ខែវិច្ឆិកា ហើយបានធ្លាក់ចូលក្នុងសួនច្បារ ប៉ុន្តែរហូតដល់ពេលនេះ គ្មានក្រុមអមិត្តណាមួយរបស់អ៊ីស្រាអែលប្រកាសទទួលខុសត្រូវឡើយ។
រដ្ឋមន្ត្រីការពារជាតិអ៊ីស្រាអែល Israel Katz បាននិយាយថាឧប្បត្តិហេតុបានឆ្លងកាត់ «បន្ទាត់ក្រហមទាំងអស់» នៅក្នុងការប្រកាសតាមបណ្តាញសង្គម X នៅថ្ងៃទី១៧ខែវិច្ឆិកា។
លោកបាននិយាយថា៖ «វាមិនអាចទៅរួចទេសម្រាប់នាយករដ្ឋមន្ត្រីអ៊ីស្រាអែលដែលរងការគំរាមកំហែងពីប្រទេសអ៊ីរ៉ង់ និងក្រុមសកម្មប្រយុទ្ធដែលជាបរិវារអ៊ីរ៉ង់ដែលព្យាយាមធ្វើឃាតរូបលោក ឲ្យឱ្យក្លាយជាការគំរាមកំហែងដូចគ្នាពីក្នុងប្រទេស»។
លោកក៏បានអំពាវនាវឲ្យស្ថាប័នសន្តិសុខ និងតុលាការចាត់វិធានការចាំបាច់។
ប្រធានាធិបតីអ៊ីស្រាអែល លោក Isaac Herzog បានថ្កោលទោសឧប្បត្តិហេតុនេះនៅក្នុងការបង្ហោះនៅលើគេហទំព័រ X ហើយបាននិយាយថា ការស៊ើបអង្កេតកំពុងដំណើរការ។
រដ្ឋមន្ត្រីសន្តិសុខជាតិអ៊ីស្រាអែល លោក Itamar Ben-Gvir ក៏បាននិយាយនៅលើ X ថា៖«ការញុះញង់ប្រឆាំងនឹងនាយករដ្ឋមន្រ្តី Benjamin Netanyahu ឆ្លងកាត់ខ្សែទាំងអស់។ ការគប់គ្រាប់បែកចូលផ្ទះគាត់យប់នេះកំពុងឆ្លងកាត់ខ្សែក្រហមមួយទៀត»។
កាលពីខែតុលា យន្តហោះគ្មានមនុស្សបើកត្រូវបានបាញ់បង្ហោះឆ្ពោះទៅកាន់គេហដ្ឋានរបស់នាយករដ្ឋមន្ត្រីនៅ Caesarea ដោយមិនបង្កគ្រោះថ្នាក់អ្វីឡើយ។ នៅភាគខាងជើង កងកម្លាំងអ៊ីស្រាអែលបានធ្វើការបាញ់ប្រហារជាមួយក្រុមហេសបូឡាប្រដាប់អាវុធរបស់ប្រទេសលីបង់ចាប់តាំងពីខែតុលា ឆ្នាំ២០២៣។ មិនមានការអះអាងទទួលខុសត្រូវភ្លាមៗចំពោះឧប្បត្តិហេតុថ្ងៃទី១៦ខែវិច្ឆិកានោះទេ៕
នាយករដ្ឋមន្ត្រីអ៊ីស្រាអែលរងការគំរាមធ្វើឃាត ខណៈរដ្ឋមន្ត្រីការពារជាតិសង្ស័យកើតពីខាងក្នុងប្រទេស
រុស្ស៊ីបង្កើនការដាក់សម្ពាធកាន់តែខ្លាំងលើអ៊ុយក្រែន ដោយបំផ្លាញហេដ្ឋារចនាសម្ព័ន្ធថាមពល
ពលរដ្ឋ ៧ លាននាក់ ដើរលេងបុណ្យអុំទូក ខណៈ ខេត្តក្រុង ៥ ជាគោលដៅទាក់ទាញទេសចរបំផុត
សត្វស្លាបនៅប្រទេសកម្ពុជាមានជាង ៦០០ ប្រភេទ ១៦ តំបន់ សំបូរសត្វស្លាបរស់នៅច្រើន
បញ្ចប់ពិធីបុណ្យអុំទូក មហាជនចូលរួម ៦ លាននាក់ ព្រឹកឡើងមិនមានសំរាមដូចមិនមានពិធីបុណ្យ
បញ្ចប់ពិធីបុណ្យអុំទូក មហាជនចូលរួម ៦ លាននាក់ ព្រឹកឡើងមិនមានសំរាមដូចមិនមានពិធីបុណ្យ
៣ ថ្ងៃពិធីបុណ្យអុំទូក សំរាមជាង ១ ម៉ឺនតោន បានប្រមូលដឹកចេញទៅកាន់ទីលានចាក់សំរាម
អាជ្ញាធរភ្នំពេញនឹងចាត់វិធានការក្ដៅ ចំពោះទីតាំងផ្ញើម៉ូតូដែលយកតម្លៃថ្លៃល្មើសបម្រាម
សត្វស្លាបនៅប្រទេសកម្ពុជាមានជាង ៦០០ ប្រភេទ ១៦ តំបន់ សំបូរសត្វស្លាបរស់នៅច្រើន
រដ្ឋអាជ្ញា វៀតណាម ប្រាប់តុលាការកុំឲ្យលើកលែងទោសប្រហារជីវិតអតីតសេដ្ឋិនីអចលនទ្រព្យ
-
ព័ត៌មានជាតិ៥ ថ្ងៃ agoជើងហោះហើរនៅអាកាសយានដ្ឋានសៀមរាបអង្គរ កើនឡើងពី ២០ ជើង ទៅ ៥០ ជើងក្នុងមួយថ្ងៃ
-
ព័ត៌មានជាតិ៤ ថ្ងៃ agoមកស្គាល់ពីសាកលវិទ្យាល័យចំនួន៦ សម្រាប់សិស្សដែលទើបបញ្ចប់ការសិក្សាទី១២ អាចរើសជំនាញដែលសមស្រប
-
ព័ត៌មានជាតិ៦ ថ្ងៃ agoរដ្ឋកំពុងសិក្សាផ្លូវជិះកង់ពីខេត្តកែប ដល់ខេត្តកោះកុង នៅតាមមាត់សមុទ្រ
-
ព័ត៌មានអន្ដរជាតិ៥ ថ្ងៃ agoការសិក្សាថ្មី! ភពអ៊ុយរ៉ានូស អាចឲ្យមនុស្សរស់នៅបាន
-
ព័ត៌មានអន្ដរជាតិ៦ ថ្ងៃ agoយន្តហោះBoeing ដឹកអ្នកដំណើរ២៤៩នាក់ ហោះបុកសត្វស្លាប បណ្តាលឲ្យឆេះម៉ាស៊ីន
-
ជីវិតកម្សាន្ដ១ សប្តាហ៍ agoចោទប្រកាន់មនុស្ស៣នាក់ ជាប់ពាក់ព័ន្ធការស្លាប់ Liam Payne អតីតក្រុម One Direction
-
ព័ត៌មានជាតិ២ ថ្ងៃ agoរាជធានីខេត្តចំនួន ៣ ទទួលបានភ្ញៀវទេសចរច្រើនជាងគេ នៅថ្ងៃទី ១ នៃពិធីបុណ្យអុំទូក
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់បញ្ជូនឃាតករទៅសម្លាប់លោកត្រាំជាការសងសឹកជូនឧត្តមសេនីយ៍ Qassem Soleimani