ព័ត៌មានជាតិ
រោងម៉ាស៊ីនកិនស្រូវមួយនៅស្រុកថ្មគោល សម្រុកទិញស្រូវផ្ការំដួល ឲ្យតម្លៃ ១ ៣៦០ រៀល ក្នុង១គីឡូសើម
ឧកញ៉ា ឡាយ ឈុនហួ ម្ចាស់រោងម៉ាស៊ីនកិនស្រូវ «City Rice Import Export» ដែលជារោងម៉ាស៊ីនធំជាងគេនៅក្នុងស្រុកថ្មគោល ខេត្តបាត់ដំបង បានឱ្យ«កម្ពុជាថ្មី»ដឹងថា បច្ចុប្បន្ននេះ រោងម៉ាស៊ីនកំពុងសម្រុកបញ្ជាទិញស្រូវប្រភេទផ្ការំដួលលេខ១ ចន្លោះពី ១ ៤០០ ទី ១ ៦០០តោន ក្នុង ១ ថ្ងៃ សម្រាប់កិននាំចេញឆ្លើយតបឱ្យទាន់តម្រូវការទីផ្សារអន្តរជាតិ។
ឧកញ៉ា ឡាយ ឈុនហួ បានមានប្រសាសន៍ឱ្យដឹងថា សព្វថ្ងៃខាងក្រុមហ៊ុនបានកំពុងមានតម្រូវការខ្ពស់លើការនាំចេញអង្ករទៅទីផ្សារខាងក្រៅ។ ដូច្នេះដើម្បីអាចឆ្លើយតបឱ្យទាន់ទៅនិងតម្រូវការនៃការនាំចេញ បច្ចុប្បន្នរោងម៉ាស៊ីនបានប្រមូលទិញស្រូវតែមួយប្រភេទប៉ុណ្ណោះ គឺស្រូវផ្ការំដួល ដោយក្នុងមួយថ្ងៃទិញចូលចន្លោះពី ១ ៤០០ ទៅ ១ ៦០០ តោន ក្នុងតម្លៃ ១៣៦០រៀលក្នុង ១គីឡូសើម ដែលកសិករដឹកមកដល់រោងម៉ាស៊ីនផ្ទាល់ ឬស្មើនឹង ១ ៣៦០ ០០០ ក្នុង ១ តោនសើម ជាស្រូវប្រភេទលេខ១។ ស្រូវទាំងនេះ ភាគច្រើនខាងរោងម៉ាស៊ីនធ្វើការប្រមូលទិញពីតាមបណ្តាខេត្តចំនួន ៤ ដូចជា បាត់ដំបង ពោធិ៍សាត់ បន្ទាយមានជ័យ និងខេត្តសៀមរាប។
ឧកញ៉ាបានសង្កត់ធ្ងន់បន្ថែមថា «បច្ចុប្បន្នដោយសារតែក្រុមហ៊ុនមានតម្រូវការនាំចេញខ្ពស់ទៅលើប្រភេទស្រូវផ្ការំដួល ហេតុដូចនេះហើយទើបខាងរោងម៉ាស៊ីន ធ្វើការប្រមូលទិញតែស្រូវមួយប្រភេទនេះប៉ុណ្ណោះដើម្បីបង្កើនល្បឿននៃការទិញចូល»។
លោកបន្តថា «កាលណារោងម៉ាស៊ីនទិញចូលច្រើនប្រភេទពេក ជាហេតុធ្វើឱ្យមានការបែងចែកឡនិងទីកន្លែងច្រើន នោះក៏ជាបញ្ហាដែលធ្វើឱ្យការប្រមូលទិញមានភាពយឺតយ៉ាវផងដែរ»។
យ៉ាងណាមិញ ពាក់ព័ន្ធទៅការផ្គត់ផ្គង់វិញ ឧកញ៉ាបានគូសបញ្ជាក់ថា «សព្វថ្ងៃយើងក៏ឃើញមានក្រុមហ៊ុនផ្សេងៗបានប្រមូលទិញនូវប្រភេទស្រូវផ្សេងៗដែរ ហើយទីផ្សារស្រូវទាំងនោះក៏ទទួលបានតម្លៃលើទីផ្សារល្អ ដូច្នេះខាងរោងម៉ាស៊ីនរបស់យើងក៏មិនបានចុះអន្តរាគមន៍ទៅលើប្រភេទស្រូវទាំងអស់នោះដែរ គឺរោងម៉ាស៊ីនផ្តោតលើការទិញចូលប្រភេទផ្ការំដួលមួយមុខប៉ុណ្ណោះ»។
ស្របពេលជាមួយគ្នានេះដែរ ម្ចាស់រោងម៉ាស៊ីនកិនស្រូវរូបនេះ ក៏បានអះអាងបន្ថែមថា សម្រាប់ទីផ្សារនាំចេញដោយសារតែបច្ចុប្បន្នក្រុមហ៊ុនមានទីផ្សារច្រើនទៅកាន់ប្រទេសនៅក្នុងតំបន់អាស៊ី និងអឺរ៉ុប ដូច្នេះហើយខាងរោងម៉ាស៊ីនគឺនៅមិនទាន់សម្លឹងមើលទីផ្សារផ្សេងទៀតនៅឡើយទេ ក្រៅតែពីខំពង្រីកទីផ្សារដែលកំពុងដើរបានល្អនាពេលបច្ចុប្បន្ននេះឱ្យដល់កម្រិតអតិបរមាសិន។
រយៈពេល ៨ ខែ ឆមាសទី១ ឆ្នាំ២០២៤ នេះ ក្រុមហ៊ុន «City Rice Import Export» បាននាំចេញអង្ករប្រមាណជិត ៥ ម៉ឺនតោន ទៅកាន់ទីផ្សារអន្តរជាតិដូចជា ប្រទេសនៅសហភាពអឺរ៉ុប ប្រទេសចិន ម៉ាឡេស៊ី សិង្ហបុរី ឥណ្ឌូណេស៊ី អូស្ត្រាលី ណូវេហ្សេឡង់ ចក្រភពអង់គ្លេស បណ្ដាប្រទេសក្នុងទ្វីបអាហ្វ្រិក និងកោះ New Caledonia ដែលគិតជាទឹកប្រាក់សរុបចំនួន ៣៣ លានដុល្លារអាមេរិក ខណៈបរិមាណនាំចេញមានការកើនឡើងប្រមាណ ១៦% បើប្រៀបធៀបទៅរយៈពេលដូចគ្នាកាលពីឆ្នាំ២០២៣៕
រោងម៉ាស៊ីនកិនស្រូវមួយនៅស្រុកថ្មគោល សម្រុកទិញស្រូវផ្ការំដួល ឲ្យតម្លៃ ១ ៣៦០ រៀល ក្នុង១គីឡូសើម
ឆ្លងចរន្តម៉ាស៊ីនត្រជាក់ ឆេះបន្ទប់ជាន់ទី ០១ ក្នុងផ្ទះល្វែង ០១ កន្លែង ខូចខាតស្ទើរទាំងស្រុង
អេក្វាទ័រប្រកាសដាក់ប្រទេសក្នុងគ្រាអាសន្ន៦០ថ្ងៃដើម្បីប្រយុទ្ធនឹងភ្លើងឆេះព្រៃ
លោក គួច ខេវិន ស្កាត់ជួបកូនភ្លោះ ៣នាក់ ដែលត្រូវឪពុកម្តាយបោះបង់ចោលតាំងពីអាយុ ៣ខែ (មានវីដេអូ)
លោក ស៊ី ប្រកាសពីវិធានការសេដ្ឋកិច្ច ដើម្បីជំរុញប្រទេសកំពុងអភិវឌ្ឍ នៅកិច្ចប្រជុំកំពូល G20
ទិដ្ឋភាពពិធីបុណ្យសពអ្នកនាង អ៊ុំ គន្ធា មានភាពស្ងប់ស្ងាត់ពុំសូវឃើញអ្នកសិល្ប:ចូលរួម
ផ្លូវជាតិលេខ ៤៨ (ស្រែអំបិល-កោះកុង) គ្រោងបញ្ចប់នៅចុងរដូវប្រាំងឆ្នាំ ២០២៥ ខណៈវឌ្ឍនភាពសម្រេចបានជាង ៦៨%
ឃាត់ខ្លួនក្រុមបងធំរហស្សនាម DP Zin (ដើមពោធិ៍) ក្រោយដេញកាប់យុវជន២នាក់បណ្តាលឲ្យស្លាប់ម្នាក់ និងរបួសធ្ងន់ម្នាក់
Lisa រងការរិះគន់ថា ប្រើខ្សែមិត្តប្រុសដើម្បីបង្ហាញខ្លួនលើក្របមុខ ជាមួយតារាហូលីវូដ
នាយករដ្ឋមន្ត្រី ស្នើរដ្ឋសភា ជ្រើសតាំងលោក ប្រាក់ សុខុន ជារដ្ឋមន្ត្រីក្រសួងការបរទេសវិញ
-
ព័ត៌មានជាតិ៦ ថ្ងៃ agoមកស្គាល់ពីសាកលវិទ្យាល័យចំនួន៦ សម្រាប់សិស្សដែលទើបបញ្ចប់ការសិក្សាទី១២ អាចរើសជំនាញដែលសមស្រប
-
ព័ត៌មានជាតិ១ សប្តាហ៍ agoជើងហោះហើរនៅអាកាសយានដ្ឋានសៀមរាបអង្គរ កើនឡើងពី ២០ ជើង ទៅ ៥០ ជើងក្នុងមួយថ្ងៃ
-
ជីវិតកម្សាន្ដ២២ ម៉ោង agoទិដ្ឋភាពពិធីបុណ្យសពអ្នកនាង អ៊ុំ គន្ធា មានភាពស្ងប់ស្ងាត់ពុំសូវឃើញអ្នកសិល្ប:ចូលរួម
-
ព័ត៌មានអន្ដរជាតិ១ សប្តាហ៍ agoការសិក្សាថ្មី! ភពអ៊ុយរ៉ានូស អាចឲ្យមនុស្សរស់នៅបាន
-
ជីវិតកម្សាន្ដ១ ថ្ងៃ agoអ្នកសិល្បៈសម្តែងការសោកស្តាយចំពោះមរណភាព អ្នកនាង អ៊ុំ គន្ធា ខណៈសពនឹងត្រូវបូជាល្ងាចនេះ
-
ព័ត៌មានអន្ដរជាតិ១ សប្តាហ៍ agoយន្តហោះBoeing ដឹកអ្នកដំណើរ២៤៩នាក់ ហោះបុកសត្វស្លាប បណ្តាលឲ្យឆេះម៉ាស៊ីន
-
ព័ត៌មានជាតិ៦ ថ្ងៃ agoទៅដល់ខេត្តក្រចេះរដូវនេះ! កុំភ្លេចសាករសជាតិសម្លត្រីឆ្កោក រដូវទឹកស្រកសំបូរត្រីចុះតាមព្រែកបឹង
-
ព័ត៌មានជាតិ៤ ថ្ងៃ agoរាជធានីខេត្តចំនួន ៣ ទទួលបានភ្ញៀវទេសចរច្រើនជាងគេ នៅថ្ងៃទី ១ នៃពិធីបុណ្យអុំទូក