ព័ត៌មានជាតិ
មន្ត្រីជាន់ខ្ពស់ ប.ស.ស ៖ កូរ៉េ នឹងបន្តសហការកាន់តែជិតស្និទ្ធបន្ថែមទៀត លើការអនុវត្តគម្រោងប្រព័ន្ធស្ដារនីតិសម្បទានៅកម្ពុជា
មន្ត្រីជាន់ខ្ពស់បេឡាជាតិសន្តិសុខសង្គម(ប.ស.ស.) បានអះអាងថា ភាគីកូរ៉េ នឹងបន្តកិច្ចសហការកាន់តែជិតស្និទ្ធបន្ថែមទៀត លើការជំរុញឱ្យកាន់តែប្រសើរឡើង នៃប្រព័ន្ធស្ដារនីតិសម្បទានៅកម្ពុជា ការអភិវឌ្ឍធនធានមនុស្ស ការកសាងសមត្ថភាពមន្ត្រី និងបុគ្គលិកជំនាញ ប.ស.ស ផងដែរ។
នៅក្នុងជំនួបពិភាក្សាការងារជាមួយគណៈប្រតិភូ នៃអង្គភាពសុខុមាលភាព និងសំណងគ្រោះថ្នាក់ការងារ នៃសាធារណរដ្ឋកូរ៉េ (COMWEL) ដឹកនាំដោយលោក Lee Seung Wook ប្រធាននាយកដ្ឋានស្រាវជ្រាវ នៃវិទ្យាស្ថានស្រាវជ្រាវសុខុមាលភាពការងារ កាលពីថ្ងៃទី ១៩ វិច្ឆិកា នៅទីស្នាក់ការកណ្តាល ប.ស.ស. លោក ប៉ែន នរៈវុធ អគ្គនាយករង ប.ស.ស. តំណាង លោក ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. នៃក្រសួងការងារ និងបណ្ដុះបណ្ដាលវិជ្ជាជីវៈ បានបន្តថា ជំនួបនេះធ្វើឡើងដើម្បីរៀបចំកិច្ចប្រជុំបូកសរុបការងារស្ដីពី ផែនការមេ នៃគម្រោងជំនួយអភិវឌ្ឍន៍ផ្លូវការ (ODA) ព្រមទាំងប្រមូលធាតុចូល និងឯកសារពាក់ព័ន្ធ ដើម្បីរៀបចំស្នើសុំគម្រោងជំនួយអភិវឌ្ឍន៍ផ្លូវការថ្មី (New ODA Project)។
នៅក្នុងជំនួបនោះ លោក Lee Seung Wook បានបង្ហាញពីទំនុកចិត្តលើ ប.ស.ស. នៃក្រសួងការងារ និងបណ្ដុះបណ្ដាលវិជ្ជាជីវៈ ក្នុងការអនុវត្តគម្រោងជំនួយអភិវឌ្ឍន៍ផ្លូវការ (ODA) ស្ដីពី “កម្មវិធីពិគ្រោះយោបល់គោលនយោបាយសម្រាប់ការបង្កើតប្រព័ន្ធស្តារនីតិសម្បទា នៅកម្ពុជា” ដែលមានរយៈពេល ៣ ឆ្នាំ (២០២២-២០២៤) ព្រមទាំងប្ដេជ្ញាបន្តគាំទ្រការអនុវត្តសកម្មភាព នៃផែនការមេ ដើម្បីធ្វើឱ្យប្រព័ន្ធស្ដារនីតិសម្បទា នៅកម្ពុជា មានភាពកាន់តែប្រសើរឡើង។
ជាមួយគ្នានេះ លោកអគ្គនាយករង ប.ស.ស. បានសម្តែងនូវកិច្ចស្វាគមន៍យ៉ាងកក់ក្ដៅចំពោះដំណើរទស្សនកិច្ចរបស់គណៈប្រតិភូអង្គភាព COMWEL និងអបអរសាទរចំពោះភាពជោគជ័យ នៃការអនុវត្តគម្រោងកន្លងមករវាងអង្គភាពទាំងពីរ។
ទន្ទឹមនេះ លោកអគ្គនាយករង ជឿជាក់ថា ភាគីទាំងពីរ នឹងបន្តកិច្ចសហការកាន់តែជិតស្និទ្ធបន្ថែមទៀត លើការជំរុញឱ្យកាន់តែប្រសើរឡើង នៃប្រព័ន្ធស្ដារនីតិសម្បទាកម្ពុជា ការអភិវឌ្ឍធនធានមនុស្ស ការកសាងសមត្ថភាពមន្ត្រី និងបុគ្គលិកជំនាញ ប.ស.ស ផងដែរ។
លោកអគ្គនាយករង ប.ស.ស. បញ្ជាក់បន្ថែមថា សម្រាប់ជំនួយគម្រោងបន្ទាប់ ភាគីទាំងពីរ នឹងពិភាក្សាឱ្យបានគ្រប់ជ្រុងជ្រោយ ដើម្បីរៀបចំគម្រោងផែនការមេ ព្រមទាំងឯកសារទស្សនាទាន នៃគម្រោងថ្មីជូនរដ្ឋាភិបាល នៃសាធារណរដ្ឋកូរ៉េ នៅឆ្នាំ ២០២៥ ខាងមុខនេះ៕
អត្ថបទ ៖ សំអឿន
ក្រុមការងារអន្តរក្រសួង រៀបចំសេវាអេឡិចត្រូនិកសម្រាប់ធុរកិច្ចបើកកិច្ចប្រជុំជាលើកទី ២
លីវ ជីលី មោទនភាព ពេលឃើញទេសចរបរទេស មកទស្សនាកម្ពុជាច្រើន និងបានស្ញប់ស្ញែងបុព្វបុរសខ្មែរ (មានវីដេអូ)
កីឡាករ នុប តុលា បាត់បង់ជីវិតជាដំណឹងដ៏ក្រៀមក្រំបំផុតសម្រាប់បាល់ទាត់កម្ពុជា
មន្ត្រីជាន់ខ្ពស់ ប.ស.ស ៖ កូរ៉េ នឹងបន្តសហការកាន់តែជិតស្និទ្ធបន្ថែមទៀត លើការអនុវត្តគម្រោងប្រព័ន្ធស្ដារនីតិសម្បទានៅកម្ពុជា
អាមេរិក ទទួលស្គាល់មេបក្សប្រឆាំងនៅវ៉េណេស៊ុយអេឡា ជាប្រធានាធិបតីផ្លូវការ
Update៖ ឃាត់ខ្លួនម្ចាស់គ្លីនិកពីរនាក់ប្ដីប្រពន្ធ ករណីចាក់ថ្នាំប្រតិកម្មបណ្ដាលឲ្យស្ត្រីម្នាក់ស្លាប់
បេក្ខជនប្រកួតកម្មវិធីចម្រៀងរ៉េបម្នាក់ ចេញមុខសុំទោសក្រោយចម្លងប៉ារ៉ូលពីបទម្ចាស់ដើម Zedes (មានវីដេអូ)
Update៖ ករណីប្រទះឃើញសពស្ត្រីម្នាក់នៅឃុំចំបក់ សមត្ថកិច្ចសន្និដ្ឋានថាអាចមកពីប្រតិកម្មថ្នាំ ខណៈឃាត់ខ្លួនម្ចាស់គ្លីនិកមួយកន្លែងមកសួរនាំ
ប្រយ័ត្នចាញ់បោក! មានអ្នកក្លែងបន្លំ ប្រើឈ្មោះទូកង «នរិន្ទរង្សីពិជ័យចិត្របុត្រ» រៃអង្គាសលុយ
ឆ្លងចរន្តម៉ាស៊ីនត្រជាក់ ឆេះបន្ទប់ជាន់ទី ០១ ក្នុងផ្ទះល្វែង ០១ កន្លែង ខូចខាតស្ទើរទាំងស្រុង
-
ព័ត៌មានជាតិ៧ ថ្ងៃ agoមកស្គាល់ពីសាកលវិទ្យាល័យចំនួន៦ សម្រាប់សិស្សដែលទើបបញ្ចប់ការសិក្សាទី១២ អាចរើសជំនាញដែលសមស្រប
-
ព័ត៌មានជាតិ១ សប្តាហ៍ agoជើងហោះហើរនៅអាកាសយានដ្ឋានសៀមរាបអង្គរ កើនឡើងពី ២០ ជើង ទៅ ៥០ ជើងក្នុងមួយថ្ងៃ
-
ជីវិតកម្សាន្ដ២ ថ្ងៃ agoទិដ្ឋភាពពិធីបុណ្យសពអ្នកនាង អ៊ុំ គន្ធា មានភាពស្ងប់ស្ងាត់ពុំសូវឃើញអ្នកសិល្ប:ចូលរួម
-
ព័ត៌មានជាតិ៧ ថ្ងៃ agoទៅដល់ខេត្តក្រចេះរដូវនេះ! កុំភ្លេចសាករសជាតិសម្លត្រីឆ្កោក រដូវទឹកស្រកសំបូរត្រីចុះតាមព្រែកបឹង
-
ជីវិតកម្សាន្ដ២ ថ្ងៃ agoអ្នកសិល្បៈសម្តែងការសោកស្តាយចំពោះមរណភាព អ្នកនាង អ៊ុំ គន្ធា ខណៈសពនឹងត្រូវបូជាល្ងាចនេះ
-
ព័ត៌មានអន្ដរជាតិ២ ថ្ងៃ agoជាប្រវត្តិសាស្រ្ត! ព្យុះ៤ ត្រូវថតជាប់ក្នុងពេលតែមួយ នៅមហាសមុទ្រប៉ាស៊ីហ្វិក
-
ព័ត៌មានជាតិ៥ ថ្ងៃ agoរាជធានីខេត្តចំនួន ៣ ទទួលបានភ្ញៀវទេសចរច្រើនជាងគេ នៅថ្ងៃទី ១ នៃពិធីបុណ្យអុំទូក
-
សន្តិសុខសង្គម២ ថ្ងៃ agoឃាត់ខ្លួនមន្ត្រីនគរបាលម្នាក់ ក្រោយបាញ់ប្រហារប្ដីប្រពន្ធមួយគូរងរបួសធ្ងន់