សន្តិសុខសង្គម

សង្ស័យឆ្លងចរន្តអគ្គិសនីបង្កជាអគ្គិភ័យឆាបឆេះផ្ទះលក់ចាប់ហួយមួយកន្លែង ទាំងព្រលឹម

បានផុស

៣ ខែ មុន

នៅ

ថ្ងៃសុក្រ ២២ វិច្ឆិកា ២០២៤

ដោយ

ផ្ទះលក់ចាប់ហួយមួយកន្លែង សង្ស័យឆ្លងចរន្តអគ្គិសនី ត្រូវបានអគ្គិភ័យឆាបឆេះទាំងព្រឹកព្រលឹម ខូចខាតសម្ភារៈខាងក្នុងស្ទើរតែទាំងស្រុង បង្កឲ្យមានការភ្ញាក់ផ្អើលដល់មន្ត្រីជំនាញពន្លត់អគ្គិភ័យចេញរថយន្តមកអន្តរាគមន៍បាញ់ពន្លត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ៥ និង ៤០ នាទី ទៀបភ្លឺ ថ្ងៃទី ២២ ខែវិច្ឆិកា ឆ្នាំ ២០២៤ ស្ថិតតាមបណ្ដោយផ្លូវ ២០៥ កែងផ្លូវ ៣៣៨ សង្កាត់ទួលស្វាយព្រៃទី ២ ខណ្ឌបឹងកេងកង រាជធានីភ្នំពេញ។

បើតាមប្រភពពីអ្នករស់នៅខាងក្នុងផ្ទះបានប្រាប់ឲ្យដឹងថា មុនកើតហេតុគេឃើញមានផ្សែងលាយឡំអណ្ដាតភ្លើង ភ្លាមៗ គាត់បានរត់ទៅយកបំពង់ពន្លត់អគ្គិភ័យមកបាញ់ពន្លត់ តែមិនអាចគ្រប់គ្រងបាន ដោយសារមានផ្សែងច្រើន លាយឡំនឹងអណ្ដាតភ្លើងឆាបឆេះសន្ធោសន្ធៅទៅហើយ។ ភ្លាមៗ នោះ គាត់ក៏ប្រញាប់រាយការណ៍ជូនសមត្ថកិច្ចជំនាញអគ្គិភ័យ ដើម្បីមកជួយអន្តរាគមន៍ឲ្យទាន់ពេលវេលា ជៀសវាងបង្កការរាលដាល។

ក្នុងប្រតិបត្តិការបាញ់ពន្លត់ខាងលើនេះ កម្លាំងសមត្ថកិច្ចជំនាញ ប្រើប្រាស់រថយន្តពន្លត់អគ្គិភ័យរបស់ស្នងការនគរបាលរាជធានីភ្នំពេញ ចំនួន ២ គ្រឿង ដើម្បីពន្លត់ទប់ស្កាត់មិនឲ្យមានការរីករាលដាលដល់ផ្ទះប្រជាពលរដ្ឋ៕

អត្ថបទ ៖ ម៉េង