ខ្លាចនៅព្រៅដូច Lee Minho ពេក! Jung Hae In សួរគ្រូទាយថា ពេលណាខ្លួនបានរៀបការ

កាលពីពេលថ្មីៗនេះ តារាសម្ដែងប្រុសដ៏ល្បីល្បាញ Jung Hae In បានបង្ហាញវត្តមាននៅក្នុងកម្មវិធី Yongtaro ដែលបង្ហោះនៅលើ Youtube ហើយបានទម្លាយរឿងរៀបការដ៏គួរឲ្យភ្ញាក់ផ្អើល។ ជាមួយគ្នានេះដែរ ក្នុងពិធីករកម្មវិធីនោះ Lee Yong-jin ជាអ្នកបើកសន្លឹកបៀរទាយជោគវាសនា ហើយ Hae In​ បានសួរពាក់ព័ន្ធជាមួយនឹងរឿងអនាគត់របស់ខ្លួន។

Jung Hae In បានសួរថា ” ខ្ញុំចង់ដឹងថា តើខ្ញុំនឹងបានរៀបការដែរឬទេ? ខ្ញុំតែងតែគិតអំពីរឿងនេះ ខ្ញុំពិតជាចង់រៀបការណាស់ ប៉ុន្ដែខ្ញុំមិនទាន់ច្បាស់ថាពេលណាគឺជាពេលវេលាសាកសម។ បើសិនជារៀបការយូរពេក នោះខ្ញុំនឹងមានអាយុចាស់ឆ្ងាយពីកូនៗរបស់ខ្ញុំពេក។”

ក្រោយមក ពិធីករដែលបានបើកសន្លឹកបៀរទស្សន៍ទាយនោះ បាននិយាយថា តារាប្រុសរូបនេះ អាចនឹងបានរៀបការ នៅពេលដែលឈានចូលទៅដល់វ័យ៤០ឆ្នាំ។ តាមមើលទៅលើទឹកមុខរបស់ Hae In បានបង្ហាញការភ្ញាក់ផ្អើលបន្ដិច រំភើបបន្ដិច ព្រោះតែចម្លើយមួយនេះ។

គួរបញ្ជាក់ឲ្យដឹងដែរថា បច្ចុប្បន្ននេះ Jung Hae In មានអាយុ៣៦ឆ្នាំហើយ ដូចនេះ មិនយូរទៀតទេ រូបលោកនឹងឈានដល់វ័យ ដែលគេបានទស្សន៍ទាយថា នឹងអាចរកឃើញគូព្រេងហើយ។ យ៉ាងណាមិញ តួឯកប្រុសរូបសង្ហារនេះ នៅមិនទាន់រកឃើញម្ចាស់បេះដូងនៅឡើយនោះទេ៕