ព័ត៌មានជាតិ

ប្លង់គោលប្រើប្រាស់ដី ថ្នាក់រាជធានីខេត្តចំនួន ៤ បានប្រកាសដាក់ឲ្យប្រើប្រាស់ជាផ្លូវការ

បានផុស

២៥ វិនាទី មុន

នៅ

ថ្ងៃពុធ ២៧ វិច្ឆិកា ២០២៤

ដោយ

ក្រសួងរៀបចំដែនដី នគរូបនីយកម្ម និងសំណង់ បានរៀបចំនិងដាក់ឱ្យប្រើប្រាស់ជាផ្លូវការនូវផែនការនិងប្លង់គោលប្រើប្រាស់ដីថ្នាក់រាជធានីខេត្តចំនួន ៤, ថ្នាក់ក្រុង ស្រុក ខណ្ឌ និងទីប្រជុំជន ចំនួន ២៧ និងថ្នាក់ឃុំ សង្កាត់ចំនួន ២២៣។ នេះបើតាមលោក សាយ សំអាល់ ឧបនាយករដ្ឋមន្រ្តី និងជារដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ ថ្លែងនៅក្នុងសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារបន្តឆ្នាំ ២០២៥។

ជាមួយគ្នានេះ ក៏ត្រៀមស្នើសុំការសម្រេចដាក់ឱ្យប្រើប្រាស់ជាផ្លូវការ ផែនការនិងប្លង់គោលប្រើប្រាស់ដីថ្នាក់រាជធានីខេត្តចំនួន ៧, ថ្នាក់ក្រុង ស្រុក ខណ្ឌ និងទីប្រជុំជន ចំនួន ១១ និងថ្នាក់ឃុំ សង្កាត់ចំនួន ១៧។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាយ សំអាល់ បានបន្តថា ក្រសួងក៏កំពុងសិក្សារៀបចំកសាងផែនការ និងប្លង់គោលប្រើប្រាស់ដីថ្នាក់រាជធានីខេត្តចំនួន ៣, ថ្នាក់ក្រុង ស្រុក ខណ្ឌ និងទីប្រជុំជន ចំនួន ៣៥ និងថ្នាក់ឃុំ សង្កាត់ ចំនួន ៣៦ ព្រមទាំងបានបញ្ចប់ការងារកសាងផែនទីព្រំប្រទល់រដ្ឋបាលបានចំនួន ២៣ រាជធានី-ខេត្ត។

លោក សាយ សំអាល់ បានលើកពីទស្សនាទានរួមរបស់ក្រសួងរៀបចំដែនដី នគរូបនីយកម្ម និងសំណង់ទៅលើការងាររៀបចំដែនដី គឺការរៀបចំទឹកដីកម្ពុជាឱ្យស្របតាមសក្តានុពលអំណោយផលរបស់ភូមិសាស្ត្រជាក់ស្តែងរបស់ប្រទេស ដើម្បីរក្សាបាននូវដំណើររបស់កម្ពុជា សម្រាប់ជាឧត្តមប្រយោជន៍របស់ប្រជាជនគ្រប់រូប និងតជំនាន់។

ផ្អែកលើទស្សនាទាននេះ ក្រសួងនឹងរៀបចំផែនការប្រើប្រាស់ដីផ្សារភ្ជាប់របៀងនិងប៉ូលសេដ្ឋកិច្ចទាំង ៨ ឱ្យកាន់តែមានភាពជាក់ស្តែងនិយម និងប្រកបដោយសុក្រិតភាពខ្ពស់ តាមរយៈការកំណត់តំបន់និងធនធានដែលមានស្រាប់ ការសិក្សាស្វែងយល់ឱ្យកាន់តែស៊ីជម្រៅអំពីសក្តានុពល និងភាពប្រទាក់ក្រឡាគ្នានៃតំបន់មួយទៅតំបន់មួយទៀត ក៏ដូចជាបញ្ហាប្រឈមនានា ដើម្បីប្រើប្រាស់ធនធានដីឱ្យចំគោលដៅ ឱ្យអស់សក្ដានុពល និងប្រកបដោយចីរភាព៕