ចរាចរណ៍

រថយន្ត PORCHE ពន្លះជាមួយ ព្រុស នៅផ្លូវបំបែកជាបួន រងរបួសនារីម្នាក់

បានផុស

១៤ វិនាទី មុន

នៅ

ថ្ងៃព្រហស្បតិ៍ ២៨ វិច្ឆិកា ២០២៤

ដោយ

បុរសម្នាក់ បើករថយន្តស៊េរីទំនើប ១ គ្រឿង ពន្លះគ្នាជាមួយរថយន្តព្រុសពេញទំហឹង នៅត្រង់ចំណុចផ្លូវបំបែកជាបួន បណ្ដាលឲ្យរថយន្តរងការខូចខាតទាំងសងខាង ដោយមិនទាន់អស់ល្បឿន ក៏ជ្រុលទៅបុកបង្គោលស្តុបទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះកើតឡើងកាលពីវេលាម៉ោង ៣ និង ៤០ នាទី ទៀបភ្លឺ ថ្ងៃទី ២៨ ខែវិច្ឆិកា ឆ្នាំ ២០២៤ ស្ថិតតាមបណ្ដោយផ្លូវព្រះមុនីវង្ស កែងព្រះអង្គឌួង ស្តុបបេកាសេ សង្កាត់ស្រះចក ខណ្ឌដូនពេញ រាជធានីភ្នំពេញ។

បើតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសម្នាក់ បើករថយន្តស៊េរីទំនើប ម៉ាក PORCHE ពណ៌ស ពាក់ផ្លាកលេខភ្នំពេញ 2BQ-8760 តាមបណ្ដោយផ្លូវ ព្រះអង្គឌួង ទិសដៅពីកើតទៅលិច ខណៈមកដល់ចំណុចកើតហេតុផ្លូវបំបែកជាបួនបានជ្រុលបុកពេញទំហឹងជាមួយរថយន្តមួយគ្រឿងទៀត ម៉ាកព្រុស ពាក់ផ្លាកលេខ ភ្នំពេញ 2BI-3306 បើកបរតាមបណ្ដោយផ្លូវព្រះមុនីវង្ស ទិសដៅពីជើងទៅត្បូងពេញទំហឹង បណ្ដាលឲ្យខូចខាតផ្នែកខាងស្ដាំរថយន្ត និងនារីម្នាក់ក្នុងរថយន្តព្រុសរងរបួសបញ្ជូនទៅកាន់មន្ទីរពេទ្យ។ ចំណែករថយន្តស៊េរីទំនើបមិនទាន់អស់ល្បឿន បានជ្រុលបុកបង្គោលស្តុបបន្ថែមទៀត។