ព័ត៌មានអន្ដរជាតិ
អ្នកជំនាញ៖ ឥណ្ឌូណេស៊ីអាចទាញប្រយោជន៍ពីជម្លោះពាណិជ្ជកម្មចិន-អាមេរិក ដោយយកគំរូតាមវៀតណាម
ឥណ្ឌូណេស៊ីអាចទាញយកប្រយោជន៍ពីសង្គ្រាមពាណិជ្ជកម្មរវាងមហាអំណាចសហរដ្ឋអាមេរិក និងចិន ដែលអាចកាន់តែតានតឹងនៅពេលលោក ដូណាល់ ត្រាំ វិលត្រឡប់ទៅកាន់អំណាចវិញ ដោយអាចរៀនតាមគំរូរបស់វៀតណាមផងដែរ។ នេះបើតាមការចុះផ្សាយរបស់កាសែតរដ្ឋឥណ្ឌូណេស៊ី Antara ដោយស្រង់សម្ដីអ្នកជំនាញម្នាក់។
លោក ត្រាំ សន្យាថានឹងដាក់ពន្ធ ៦០ ភាគរយ លើគ្រប់មុខទំនិញនាំចូលអាមេរិកពីចិន។ សេដ្ឋវិទូ លោកស្រី Esther Sri Astuti បានលើកឡើងថា ផែនការនេះអាចផ្តល់ឱ្យឥណ្ឌូណេស៊ីក្លាយជាប្រភពទំនិញជំនួសសម្រាប់ទីផ្សារសហរដ្ឋអាមេរិក ជាពិសេសក្នុងវិស័យអេឡិចត្រូនិក។ ប៉ុន្តែ វាអាចធ្វើទៅបាន លុះត្រាតែឥណ្ឌូណេស៊ីបង្កើនការប្រកួតប្រជែងនៃទំនិញរបស់ខ្លួន។
លោកស្រី Esther បាននិយាយកាលពីពុធថា៖ «ឥណ្ឌូណេស៊ីត្រូវការកាត់បន្ថយថ្លៃដើមផលិតកម្មរបស់ខ្លួន ហើយ [លក់ទំនិញរបស់ខ្លួន] ក្នុងតម្លៃប្រកួតប្រជែងជាងមុន ដូច្នេះពួកគេអាចប្រកួតប្រជែងនៅទីផ្សារពិភពលោក»។
លើសពីនេះ ឥណ្ឌូណេស៊ីគួរតែពង្រីកវិសាលភាពពាណិជ្ជកម្មរបស់ខ្លួន ដោយការចុះហត្ថលេខាលើកិច្ចព្រមព្រៀងពហុភាគីផ្សេងៗ។ បើគ្មានកិច្ចព្រមព្រៀងបែបនេះទេ ឥណ្ឌូណេស៊ីគ្រាន់តែបានត្រឹមឈរមើលគេក្នុងសេដ្ឋកិច្ចពិភពលោកប៉ុណ្ណោះ។
លោកស្រី Esther បានបន្តដោយបានលើកយកវៀតណាមជាឧទាហរណ៍ថា វៀតណាមជាប្រទេសមួយដែលទទួលបានអត្ថប្រយោជន៍ច្រើនបំផុតពីសង្គ្រាមពាណិជ្ជកម្មរវាងអាមេរិក និងចិនក្នុងឆ្នាំ ២០១៩។ វាក៏ដោយសារតែប្រទេសនេះមានទីតាំងយុទ្ធសាស្ត្រ និងកិច្ចព្រមព្រៀងពហុភាគីផ្សេងៗដ៏ធំ។ វៀតណាមបានប្រើខ្លួនជាផ្លូវដឹកជញ្ជូនទំនិញរបស់ចិន ទៅសហរដ្ឋអាមេរិក។ លោកស្រីអះអាងថា៖ «ដើមឡើយ ទំនិញរបស់ចិនត្រូវបានបញ្ជូនទៅវៀតណាម ហើយក្រោយមកនឹងត្រូវនាំចេញទៅកាន់សហរដ្ឋអាមេរិកជាមួយនឹងស្លាក «ផលិតនៅវៀតណាម»។
គេមើលឃើញថា ប្រទេសនានាទាំងក្នុង និងក្រៅតំបន់អាស៊ាន បានព្រមានពីផលប៉ះពាល់នៃសង្រ្គាមពាណិជ្ជកម្មរវាងអាមេរិក និងចិន និងគោលនយោបាយដំឡើងពន្ធរបស់លោក ត្រាំ។ ការណ៍នេះ បង្កការព្រមានឱ្យរដ្ឋាភិបាលរៀងៗខ្លួនត្រៀមខ្លួនចាប់ឱកាស និងកាត់បន្ថយហានិភ័យ តាមរយៈការចរចាជាមួយរដ្ឋបាល ត្រាំ និងការធ្វើពិពិធកម្មនាំចេញ និងផ្ដួចផ្ដើមកិច្ចព្រមព្រៀងពាណិជ្ជកម្មសេរីជាដើម៕
តម្លៃប្រេងកើនជាង ១ ភាគរយ ពេលបញ្ចប់ការជួញដូរថ្ងៃអង្គារ ក្នុងរដូវបុណ្យសកល
កម្ពុជា-ជប៉ុន ជំរុញការផ្តល់សេវាទឹកស្អាត និងការគ្រប់គ្រងទឹកកខ្វក់
ក្រុមការងារបច្ចេកទេសគណនេយ្យ នៃអគ្គនាយកដ្ឋានរតនាគារជាតិ មកស្វែងយល់ពីការអនុវត្តថវិការបស់ ប.ស.ស
អគ្គស្នងការរង ប្រាប់សន្តិសុខឯកជនរួមសហការជាមួយសមត្ថកិច្ច បង្ការទប់ស្កាត់និងបង្ក្រាបបទល្មើស
សៀវភៅប្រវត្តិលោកជំទាវ ពេជ ចន្ទមុន្នី របស់បណ្ឌិត ឆាយ សុផល បានចែកជាង ២ម៉ឺនច្បាប់ ក្នុងពិព័រណ៍សៀវភៅ
Update៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
ដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
ក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
អ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
ក្រោយភ្លៀង មេឃស្រឡះ! លោក ផាត់ ហ៊ន ត្រូវបានរដ្ឋមន្ត្រីក្រសួងព័ត៌មាន និងយុត្តិធម៌ ជួយឱ្យរួចផុតពីបណ្ដឹងព្រហ្មទណ្ឌ
-
ព័ត៌មានជាតិ៥ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៥ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
សន្តិសុខសង្គម១៨ ម៉ោង agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៤ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
នយោបាយ១ សប្តាហ៍ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
ព័ត៌មានជាតិ១ សប្តាហ៍ agoអាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
ព័ត៌មានអន្ដរជាតិ១ សប្តាហ៍ agoអ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី
-
ព័ត៌មានអន្ដរជាតិ៧ ថ្ងៃ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ