លីវ ជីលី ៖ ពាក្យថា «ទំនួលខុសត្រូវ» សំខាន់ណាស់ ជាពិសេសគឺដើម្បីខ្មែរ

កញ្ញា លីវ ជីលី អតីតបវរកញ្ញា Miss Grand Cambodia ២០២០ បានរម្លឹកអតីតកាលគ្រាដែលតំណាងឲ្យកម្ពុជាចេញទៅប្រកួតនៅលើឆាកអន្តរជាតិដោយនាងបញ្ជាក់ថា ពាក្យថា «ទំនូលខុសត្រូវ» សំខាន់ណាស់ ជាពិសេសគឺដើម្បីខ្មែរ។

កញ្ញា លីវ ជីលី ដូចដែលមហាជន និងអ្នកគាំទ្របានដឹងហើយថា ក្រោយក្លាយជាម្ចាស់មកុដ Miss Grand Cambodia ២០២០ ក្រោយមកនាងក៏បានចូលរួមប្រកួតកម្មវិធី Miss Supranational Cambodia ២០២៣ហើយទីបំផុតកាលពីថ្ងៃទី០១ ខែមេសាឆ្នាំ ២០២៣ នាងក៏បានសម្រេចក្តីស្រមៃរបស់ខ្លួនថែមទៀត គឺដណ្តើមបានជ័យជំនះដោយឈ្នះមកុដនៅក្នុងការប្រកួតមួយនេះ។

បវរកញ្ញា លីវ ជីលី បន្ទាប់ពីឈ្នះមកុដទាំង២ខាងលើកន្លងទៅនាងទទួលបានឱកាសក្លាយជាតំណាងកម្ពុជា ដើម្បីចេញទៅប្រកួតនៅលើឆាកអន្តរជាតិ និងបាននាំយកប្រទេសកម្ពុជាទង់ជាតិរបស់កម្ពុជា វប្បធម៌និងអរិយធម៌ដ៏ស្រស់ផូរផង់របស់កម្ពុជាទៅបង្ហាញនៅលើឆាកអន្តរជាតិ ឲ្យពិភពលោកបានស្គាល់កាន់តែច្បាស់ផងដែរ។

ដោយឡែករឿងដែលចាប់អារម្មណ៍ពេលនេះ លីវ ជីលី បាននិយាយពីឆន្ទ:ដោយរម្លឹកថា ពេលនេះបងប្អូនយល់ហើយ ពាក្យថា «ទំនូលខុសត្រូវ» សំខាន់ណាស់ជាពិសេស គឺពាក្យថាដើម្បីខ្មែរមិនចង់រម្លឹកតែនៅតែនឹកកាល ២០២០ ទៅទាំងគ្មានសង្ឃឹម តែវាជាទំនូលខុសត្រូវរបស់នាង ទោះអត់សូវមានសម្លៀកបំពាក់ អត់ចេះជិះយន្តហោះ ដើរក៏មិនសូវស្ទាត់។

ស្រីស្អាត លីវ ជីលី បានឲ្យដឹងបន្ថែមទៀតថា អ្វីគ្រប់យ៉ាង គឺដើម្បីមុខមាត់ប្រទេសខ្ញុំសំខាន់ជាងខ្ញុំទៀតព្រោះមានប្រជាជនរាប់លាននាក់ មិនអាចធ្វើឲ្យបាក់មុខដោយសារតែយើងម្នាក់បានទេពេលនោះលែងគិតរឿងផ្ទាល់ខ្លួនហើយ គឺគិតជាតិជាធំ៕ អត្ថបទ៖​ ចាន់រ៉ា