ស្រីភីម ស្រាយចម្ងល់ក្រោយមានគេសួរថាបានទៅសួរសុខទុក្ខអតីតស្វាមីឬអត់?

អ្នកនាង ស្រីភីម ដែលជាអតីតភរិយានាយ តាក់ស៊ី បានចេញមុខស្រាយចម្ងល់មហាជនអ្នកគាំ ទ្របន្ទាប់ពីមានការសួរនាំនិងខ្លះទៀតរិះគន់ថានាងមិ នបានទៅសួរសុខទុក្ខអតីតស្វាមីនាយ តាក់ស៊ី ដែលកំពុងសម្រាកព្យាបាលនៅមន្ទីពេទ្យ។

ឆ្លើយតបការសួរនាំរបស់ អ្នកគាំទ្រពាក់ព័ន្ធរឿងខាង លើអតីតតារាកំប្លែងស្រីភីម បានបញ្ជាក់ថានាងបាននាំកូនព្រមទាំងម្តាយទៅសួរសុខទុក្ខ នាយ តាក់ស៊ី អតីតស្វាមីតាំងពីថ្ងៃដំបូលម្ល៉េះ (ថ្ងៃទី១ចូលលាងឈា ម)ថែមទាំងមានថវិកាបន្តិចបន្តូចដើម្បីជូនដល់អតីតស្វាមីដើម្បីជួយសម្រួលបានខ្លះ។

អ្នកនាង ភីម បានបន្តទៀតថាក្រោយពីទៅលើកទី១ រួចហើយ នាងក៏បាននាំកូនទៅម្តងទៀតជាលើកទី២ ដើម្បីសួរសុខទុក្ខនិងផ្តល់កំលាំងចិត្តដល់អតីតស្វាមីដូច្នេះនាងបានស្នើឲ្យមហាជនឈប់ឆ្ងល់ទៀតទៅ និងបញ្ឈប់ការរិះគន់ឬគិតនូវភាពអវិជ្ជមានមកលើនាងថាមិនបានទៅសួរសុខទុក្ខនាយ តាក់ស៊ី។

ស្រីភីម បន្ថែមថាដោយសារតែអំឡុងពេលទៅសួរសុខទុក្ខនាយ តាក់ស៊ី ខ្លួនមិនបានថតរូបបង្ហោះទើបធ្វើ ឲ្យបងប្អូនខ្លះមិនដឹងនិងថែមទាំងរិះគន់មកលើនាងដោយគ្មានមូលហេតុ។ ម្យ៉ាងនាងចង់បានភាពស្ងប់ស្ងាត់ដោយមិនចង់ឲ្យមានភាពសើររើដល់ថ្នាក់ចុះផ្សាយនៅតាមសារព័ត៌មានផងដែរ។

តារាកំប្លែងនាយ តាក់ស៊ី ថ្មីៗនេះបានលើកក៏ដៃសំពះដង្ហើយសុំជំនួយសប្បុរសជនដើម្បីព្យាបាលជំងឺនិងដោះដូក្រលៀនសង្គ្រោះជីវិតខណ:ដែលការដូក្រលៀ នម្ខាងគឺត្រូវចំណាយលុយចំនួន៥ម៉ឺនដុល្លារ។លោកវេជ្ជបណ្ឌិតបានបញ្ជាក់ឲ្យដឹងថានាយ តាក់សុី មានជំរេីសចុងក្រោយពីរគឺ ទីមួយត្រូវលាងឈាមពេញមួយជីវិតមួយអាទិត្យចំនួនបីដងនិងជំរេីសទី២គឺត្រូវតែធ្វេីការវះកាត់ប្ដូរក្រលៀនថ្មី៕ អត្ថបទ៖ ចាន់រ៉ា