ព័ត៌មានអន្ដរជាតិ
ឥទ្ធិពលមហាអំណាចកំពុងធ្វើឱ្យជម្លោះនយោបាយនៅហ្សកហ្ស៊ីក្លាយជាជម្ងឺរុំារ៉ៃ
ការតវ៉ាប្រឆាំងលទ្ធផលបោះឆ្នោតសភានៅទីក្រុងប៊ីលីស៊ី (Tbilsi) ប្រទេសហ្សកហ្ស៊ី (Georgia) ស្ថិតនៅតំបន់កូកាសអស់រយៈពេលជិត១សប្តាហ៍ បានផ្ទុះឡើងកាន់តែតានតឹងនឹងឈានទៅចោទប្រកាន់គ្នារវាងរុស្ស៊ីនិងភាគីអឺរ៉ុប ក្រោយនាយករដ្ឋមន្ត្រីប្រទេសនេះផ្អាកការចរចាចូលសហភាពអឺរ៉ុប ខណៈពេលដែលមន្ត្រីកាន់អំណាចបានចោទប្រកាន់ថា អ្នកចូលរួមតវ៉ាដ៏ច្រើនជាជនបរទេស រួមទាំងប្រជាជនរុស្ស៊ីដែលប្រឆាំងរដ្ឋាភិបាល។
ការផ្ទុះការតវ៉ានេះកើតឡើងក្រោយសភាអឺរ៉ុបច្រានចោលលទ្ធផលបោះឆ្នោតដែលរៀបចំឡើងកាលថ្ងៃទី២៦ខែតុលា ដោយសំអាងថា «មានភាពមិនប្រក្រតី» ព្រមទាំងទាមទារឲ្យរៀបចំការបោះឆ្នោតឡើងវិញ ក៏ប៉ុន្តែរដ្ឋាភិបាលបដិសេធបំពេញតាមដំណោះស្រាយនោះ ព្រមទាំងផ្អាកការចរចាចូលសហភាពអឺរ៉ុបរយៈពេលរហូតដល់៤ឆ្នាំ។
ក្រុមមន្ត្រីនៃបក្សកាន់អំណាចរបស់ប្រទេសហ្សកហ្ស៊ី បានចោទប្រកាន់បាតុករប្រឆាំងរដ្ឋាភិបាលនៅទីក្រុងប៊ីលីស៊ី ចំនួនច្រើនរហូតដល់១ភាគ៣នៃអ្នកតវ៉ា ជាជនបរទេសដែលបង្កឲ្យមានភាពតានតឹងនៅក្នុងប្រទេស។
សារព័ត៌មាន RT របស់រុស្ស៊ី បានដកស្រង់សម្តីរបស់លោក Mamuka Mdinaradze លេខាធិការប្រតិបត្តិនៃគណបក្ស Georgian Dream party ដែលកាន់អំណាចនៃប្រទេសហ្សកហ្ស៊ី ដោយចោទប្រកាន់ក្រុមបាតុកររាប់ពាន់ប្រឆាំងរដ្ឋាភិបាលក្នុងនោះប្រមាន១ភាគ៣នៃពួកគេជាជនបរទេស។
ចលនាប្រឆាំងរដ្ឋាភិបាលហ្សកហ្ស៊ីដែលស្ថិតនៅតំបន់កូកាស (Caucasus) ខាងត្បូង បានផ្ទុះឡើងក្រោយ នាយករដ្ឋមន្ត្រីហ្សកហ្ស៊ី លោក Irakli Kobakhidze បានប្រកាសពន្យាពេលចរចាចូលជាសមាជិកសហភាពអឺរ៉ុបរយៈពេល៤ឆ្នាំរហូតដល់ឆ្នាំ២០២៨ បន្ទាប់ពីសភាអឺរ៉ុបបានចេញសេចក្តីសម្រេចមួយច្រានចោលលទ្ធផលបោះឆ្នោតរដ្ឋសភាកាលខែតុលាកន្លងទៅ។
នាយករដ្ឋមន្ត្រីហ្សកហ្ស៊ី ដែលត្រូវបានក្រុមអ្នកតវ៉ាចោទប្រកាន់ថា «ទទួលរងឥទ្ធិពលពីរុស្ស៊ី»បានច្រានចោលការអនុវត្តតាមសេចក្តីសម្រេចរបស់សភាអឺរ៉ុបដោយចោទប្រកាន់អឺរ៉ុបថា «គំរាមកំហែងនិងបំភ្លើសជាប្រចាំ» ដែលភ្ជាប់រដ្ឋាភិបាលដឹកនាំដោយគណបក្ស Georgia Dream មានទំនោរទៅរករុស្ស៊ី។
សេចក្តីរាយការណ៍របស់ RT បានឲ្យដឹងថា ក្រុមអ្នកតវ៉ាបានប្រើហិង្សាប្រឆាំងសមត្ថកិច្ចអនុវត្តច្បាប់ រួមទាំងសកម្មភាព អុជកាំជ្រួច ការគប់ស្រា និងការដុតកង់ឡាននៅមុខរដ្ឋសភាជាដើម ខណៈសមត្ថកិច្ចបង្ក្រាបបាតុកម្មបានបាញ់ឧស្ម័នបង្ហូរទឹកភ្នែក បាញ់ទឹកដើម្បីបំបែកហ្វូងបាតុករ។
រហូតមកដល់ពេលនេះ បាតុករប្រមាណ២០០ត្រូវបានចាប់ខ្លួន ហើយ កម្លាំងសមត្ថកិច្ចជាង១០០នាក់ក៏បានរងរបួសផងដែរ។ ថ្លែងក្នុងសន្និសីទសារព័ត៌មាន លោក Mdinaradze បានអះអាងថា ក្នុងចំណោមបាតុករដែលបានឃុំខ្លួន មានជនជាតិរុស្ស៊ីភាគច្រើន មានប្រជាជនអាមេរិក អង់គ្លេស និងហូឡង់។
ប្រទេសហ្សកហ្ស៊ីស្ថិតនៅស្ថិតនៅតំបន់កូកាសខាងត្បូងមានព្រំដែនជាប់ជាមួយប្រទេសរុស្ស៊ី និងមានប្រជាជន៣,៧លាននាក់ បានរៀបចំការបោះឆ្នោតសភាកាលពីថ្ងៃទី២៦ខែតុលា ដោយគណបក្ស Georgia Dream ទទួលបានជ័យជម្នះជាមួយការគាំទ្រជាង៥៤%។ គណបក្សនេះបង្កើតឡើងដោយលោក Bidzina Ivanishvili ដែលជាសេដ្ឋីមានទំនាក់ទំនងយ៉ាងជិតសិទ្ធជាមួយរុស្ស៊ី។
យោងការផ្សាយរបស់ Aljazeera គណបក្សដែលគាំទ្ររុស្ស៊ី បានច្រានចោលលទ្ធផលបោះឆ្នោតដែលប្រកាសដោយគណៈកម្មាធិការរៀបចំការបោះឆ្នោតហ្សកហ្ស៊ី និងប្រកាសពីការធ្វើបាតុកម្ម ដោយប្រធានាធិបតី Salome Zourabichvili ប្រទេសនេះបានក្លាយជាប្រទេសរងគ្រោះដោយសារប្រតិបត្តិការពិសេសរបស់រុស្ស៊ី។
ចលនាតវ៉ានយោបាយកើតឡើងនៅប្រទេសហ្សកហ្ស៊ីនាពេលនេះ ត្រូវបានមេដឹកនាំហ្សកហ្ស៊ីភ្ជាប់ទៅនឹងការធ្វើបដិវត្តន៍ពណ៌ដែលកើតឡើងនៅប្រទេសអ៊ុយក្រែនកាលឆ្នាំ២០១៣។
យោង RT ទីក្រុងមូស្គូក៏បានប្រៀបធៀបការតវ៉ាប្រឆាំងរដ្ឋាភិបាលនៅហ្សកហ្ស៊ីទៅនឹងការតវ៉ានៅ Maidan ក្នុងប្រទេសអ៊ុយក្រែនដែលឈានទៅទម្លាក់រដ្ឋាភិបាលដែលស្និទ្ធទីក្រុងមូស្គូក្រោយមិនតវ៉ារឿងរុស្ស៊ីកាត់យកតំបនគ្រីមាកាលឆ្នាំ២០១៤។ អ្នកនាំពាក្យវិមានក្រឹមឡាំង លោក Dmitry Peskov បញ្ជាក់ថា ភាពចលាចលបង្ហាញ «សញ្ញានៃការប៉ុនប៉ងធ្វើបដិវត្តពណ៌ទឹកក្រូច (Orange Revolution)»។
យោងគេហទំព័រសហភាពអឺរ៉ុប Europeaninterest អគ្គលេខាធិការក្រុមប្រឹក្សាអឺរ៉ុប លោក Alain Berset បាននិយាយតាមទូរស័ព្ទជាមួយប្រធានាធិបតីហ្សកហ្ស៊ី លោកស្រី Salome Zourabichvili និងនាយករដ្ឋមន្ត្រី Irakli Kobakhidze កាលថ្ងៃពុធ ដោយអំពាវនាវឲ្យភាគីទាំងពីរទប់ស្កាត់អំពើហិង្សាដែលកំពុងពុះកញ្ជ្រោលឡើងនេះ។
បើទោះបីចាញ់ឆ្នោត យោង Aljazeera ប្រធានាធិបតីហ្សកហ្ស៊ី លោកស្រី Salome Zourabichvili បានបង្ហាញជំហរមិនចុះចេញពីអំណាចដែលនឹងត្រូវធ្វើឡើងនៅប៉ុន្មានថ្ងៃបន្ទាប់នេះ៕
ដោយ រ៉ាន់ រើយ
ឥទ្ធិពលមហាអំណាចកំពុងធ្វើឱ្យជម្លោះនយោបាយនៅហ្សកហ្ស៊ីក្លាយជាជម្ងឺរុំារ៉ៃ
អាមេរិក និងអង់គ្លេស បង្រ្កាបលើបណ្ដាញលាងលុយសកលនៅ ៣០ ប្រទេស ដែលរុស្ស៊ីប្រើ
ប្រធានាធិបតីកូរ៉េខាងត្បូង ប្រឈមទោសប្រហារជីវិត
ទណ្ឌិត២០០នាក់ ត្រូវបានផ្ទេរពីពន្ធនាគារខេត្តកំពង់ស្ពឺ ទៅមណ្ឌលអប់រំកែប្រែទី៤ ដើម្បីរំដោះភាពចង្អៀតណែន
ម្ចាស់កសិដ្ឋាននៅមណ្ឌលគិរី៖ ចិញ្ចឹមជ្រូកកណ្ដុរ ងាយស្រួលរកទីផ្សារ និងទទួលបានចំណូលខ្ពស់
ទឹកជំនន់នៅភាគខាងត្បូងថៃ រឹតតែធ្ងន់ ឯមនុស្សស្លាប់ កើនច្រើនឡើងៗ
កូនស្រីអតីតកីឡាករបាល់ទាត់ Franck បង្ហោះរូបស្រាត ផ្គើននឹងការព្រមានឪពុក
ស្ត្រីចំណាស់ម្នាក់រងរួបសន្លប់ស្ដូកស្ដឹង ក្រោយពីត្រូវក្រុមជនសង្ស័យឆក់ខ្សែ ក ដួលបោកក្បាល
ទីក្រុង២នៅអាស៊ីអាគ្នេយ៍ ស្ថិតក្នុងចំណោមទីក្រុង មានខ្យល់ពុលគ្រោះថ្នាក់បំផុត លើពិភពលោក
គ្រឹះស្ថានធនាគារ និងហិរញ្ញវត្ថុ ទម្លាក់អត្រាការប្រាក់បញ្ញើ ដើម្បីឱ្យសេដ្ឋកិច្ចដំណើរការ
-
សេដ្ឋកិច្ច៧ ថ្ងៃ agoព្រលានយន្តហោះអន្តរជាតិតេជោសាងសង់បាន ៩២% ចំណាយថវិកាអស់ជាង ១,៣ ពាន់លានដុល្លារ
-
ព័ត៌មានជាតិ៦ ថ្ងៃ agoEmirates នឹងតភ្ជាប់កម្ពុជាទៅកាន់១៤៨ គោលដៅក្នុង៨០ ប្រទេសនៅលើសកលលោក
-
ព័ត៌មានជាតិ៥ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
សេដ្ឋកិច្ច៤ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
សន្តិសុខសង្គម១ សប្តាហ៍ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានអន្ដរជាតិ៤ ថ្ងៃ agoវៀតណាម អនុម័តគម្រោងផ្លូវរថភ្លើងល្បឿនលឿនតម្លៃ ៦៧ពាន់លានដុល្លារ
-
ជីវិតកម្សាន្ដ៥ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ព័ត៌មានជាតិ៣ ថ្ងៃ agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន