រដ្ឋមន្រ្តីក្រសួងអប់រំប្រាប់ឱ្យរៀបចំស្ថិតិគ្រូបង្រៀននៅភ្នំពេញដើម្បីត្រៀមចាក់វ៉ាក់សាំងការពារជំងឺកូវីដ១៩

ស្របពេលដែលជំងឺកូវីដ១៩បានបន្តឆ្លងចូលក្នុងសហគមន៍ គ្រូបង្រៀននៅភ្នំពេញទាំងអស់ទាំងសាលារដ្ឋ និងសាលាឯកជនត្រូវបានណែនាំឱ្យត្រៀមចាក់វ៉ាក់សាំងការពារជំងឺកូវីដ១៩។

រដ្ឋមន្រ្តីក្រសួងអប់រំ យុវជន និងកីឡា លោក បណ្ឌិត ហង់ ជួនណារ៉ុន មានប្រសាសន៍ថា៖ «សម្តេចអគ្គសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានសម្រេចឱ្យគ្រូនៅភ្នំពេញទាំងអស់ចាក់វ៉ាក់សាំងការពារជំងឺកូវីដ១៩។ ដូច្នេះសូមរៀបចំស្ថិតិគ្រូតាមខណ្ឌ និងតាមសាលា ទាំងនៅសាលារដ្ឋ និងសាលាឯកជននៅថ្ងៃនេះ ដើម្បីត្រៀមទៅចាក់វ៉ាក់សាំងការពារជំងឺកូវីដ១៩។»

យោងតាមក្រសួងសុខាភិបាល គិតត្រឹមថ្ងៃទី១៥ ខែមីិនា ឆ្នាំ២០២១ ប្រទេសកម្ពុជាមានករណីវិជ្ជមានកូវីដ១៩សរុបចំនួន១,៣២៥នាក់ហើយ ក្នុងនោះអ្នកឆ្លងថ្មីមានចំនួន២០នាក់។

អត្ថបទ៖ វ៉ាត វិន