ព័ត៌មានអន្ដរជាតិ

លោក Yoon ដែលប្តេជ្ញាប្រយុទ្ធដល់ទីបញ្ចប់នោះ សន្យាចុះចេញ ក្រោយសភាទម្លាក់

បានផុស

២ ខែ មុន

នៅ

ថ្ងៃសៅរ៍ ១៤ ធ្នូ ២០២៤

ដោយ

ប្រធានាធិបតីកូរ៉េខាងត្បូង Yoon Suk Yeol ប្រកាសភ្លាមៗតាមកញ្ចក់ទូរទស្សន៍ថា លោកនឹងចាកចេញពីអំណាច បន្ទាប់ពីសភាបានបោះឆ្នោតដករូបលោកចេញពីអំណាច ប៉ុន្តែលោក បានជំរុញឱ្យបញ្ចប់ «នយោបាយជ្រុលហួសហេតុនិងការប្រឈមមុខគ្នា»។

លោក Yoon ពេលថ្លែងសុំទោសប្រជាជនកូរ៉េខាងត្បូងលើកដំបូងកាលថ្ងៃសៅរ៍សប្តាហ៍មុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបាននិយាយក្នុងសុន្ទរកថាតាមទូរទស្សន៍ថា៖«ទោះបីពេលនេះខ្ញុំត្រូវដើរចេញមួយរយៈក៏ដោយ ប៉ុន្តែដំណើរឆ្ពោះទៅអនាគត»។

កាលថ្ងៃព្រហស្បតិ៍ ពេលចេញថ្លែងតាមទូរទស្សន៍ជាលើកទី២ លោក Yoon Suk Yeol បានប្តេជ្ញាប្រយុទ្ធដល់ទីបញ្ចប់ និងបានចោទប្រកាន់សភាដែលដឹកនាំដោយបក្សប្រជាធិបតេយ្យធ្វើឲ្យកូរ៉េខាងត្បូងធ្លាក់ចូលទៅក្នុងវិបត្តិជាតិ។

លោក Yoon Suk Yeol ក្នុងឋានៈជាប្រធានាធិបតីកូរ៉េខាងត្បូង បានប្រកាសប្រើច្បាប់អាជ្ញាសឹកដ៏គួរឲ្យភា្ញក់ផ្អើលកាលពីរាត្រីថ្ងៃទីអង្គារទី៣ខែធ្នូនេះ ដោយប្រុងចាប់ខ្លួនមេបក្សប្រឆាំង ប្រធានរដ្ឋសភា និង មេបក្សរបស់លោកផង ដោយចោទប្រកាន់ថា អ្នកទាំងនោះជាកម្លាំងប្រឆាំងរដ្ឋ និងជាអ្នកគាំទ្រកូរ៉េខាងជើង។

ការប្រកាសច្បាប់អាជ្ញាសឹករបស់លោក Yoon Suk Yeol បានកើតឡើងភ្លាមៗ ក្រោយរដ្ឋសភាបានច្រានចោលសំណើរច្បាប់ថវិកាជាតិសម្រាប់ការចំណាយនៅឆ្នាំ២០២៥ ដោយកាត់បន្ថយការចំណាយពីផែនការរបស់រដ្ឋរហូតដល់ទៅជិត៣ពាន់លានដុល្លារ ដែលធ្វើឲ្យ លោក Yoon ខឹងសម្បារដោយចោទសភាមើលងាយសំណើរខ្លួន។ សភាកូរ៉េខាងត្បូងដែលដឹកនាំដោយគណបក្សប្រឆាំង បានគ្រប់ដណ្តប់សភាស្ទើរទាំងស្រុងក្រោយឈ្នះឆ្នោតយ៉ាងច្រើនលើសលប់រហូតដល់ទៅ១៩២ ទល់នឹងបក្សកាន់អំណាចដែលទទួលបានសំឡេងត្រឹមតែ១០៨ប៉ុណ្ណោះ។