សន្តិសុខសង្គម
ជនជាតិកូរ៉េម្នាក់ ភ័យពេក ក្រោយសមត្ថកិច្ចគោះទ្វារបន្ទប់ លោតតាមបង្អួចធ្លាក់ពីជាន់ទី ០៣ ស្លាប់
ជនសង្ស័យជាជនជាតិកូរ៉េម្នាក់ ភ័យស្លន់ស្លោ ក្រោយសមត្ថកិច្ចទៅដល់មុខបន្ទប់ ក៏បានលោតចេញតាមបង្អួច ជ្រុលធ្លាក់ពីជាន់ទី ០៣ ចុះក្រោម ស្លាប់តែម្ដង។
ហេតុការណ៍នេះដែរបានកើតឡើងកាលពីវេលាម៉ោង ១១ យប់ ថ្ងៃទី ១៥ ខែធ្នូ ឆ្នាំ ២០២៤ ស្ថិតនៅខាងមុខអគារដាយមិនវ័ន សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ ដោយឡែកជនរងគ្រោះ និងជនសង្ស័យ គឺមានសញ្ជាតិជាជនជាតិកូរ៉េដូចគ្នា។
យោងតាមប្រភពព័ត៌មានពីសមត្ថកិច្ចបានឲ្យដឹងថា ជនរងគ្រោះ និងជនសង្ស័យ បានណាត់គ្នា ពិភាក្សានិយាយការងាររកស៊ីនៅផ្ទះរបស់ជនសង្ស័យ។ ខណៈនោះ ជនសង្ស័យបានទារប្រាក់ពីជនរងគ្រោះ ប៉ុន្តែជនរងគ្រោះប្រាប់ថា ខ្លួនមិនមានប្រាក់នោះទេ។ ភ្លាមៗ ជនសង្ស័យ បានយកខ្នោះមកដាក់ដៃរបស់ជនរងគ្រោះបម្រុងចាប់ជំរិត។ សំណាងល្អ ខ្នោះដែលដាក់ដៃមានសភាពរលុង ធ្វើឲ្យភាគីរងគ្រោះមានឱកាសរត់ចេញមកក្រៅ ស្រែកឲ្យសន្តិសុខជួយ។ ស្របពេលនោះ ជនសង្ស័យ ក៏បានរត់មកតាមដែរ តែដោយសារឃើញមានសន្តិសុខបុរីមានគ្នាច្រើន ជនសង្ស័យបានរត់ចូលទៅក្នុងផ្ទះវិញបាត់តែម្ដង នៅជាន់ទី ០៣។
ប្រភពដដែលបន្តថា បន្ទាប់ពីមានការឆោឡោ សន្តិសុខខាងបុរី បានធ្វើការរាយការណ៍ទៅកាន់សមត្ថកិច្ចឲ្យជួយចុះអន្តរាគមន៍ និងស្រាវជ្រាវ រកឃើញថា ជនសង្ស័យគឺស្នាក់នៅក្នុងបុរីតែម្ដង។ ទើបសមត្ថកិច្ច ធ្វើការប្រមូលកម្លាំងភ្លាមៗ ដើម្បីចូលទៅឃាត់ខ្លួនជនសង្ស័យ ប៉ុន្តែអំឡុងសមត្ថកិច្ចទៅដល់មុខបន្ទប់ និងគោះទ្វារ ជនសង្ស័យក៏ភ័យស្លន់ស្លោ លោតចេញតាមបង្អួច គោលបំណងគ្រាន់តែពួនសម្ងំលាក់ខ្លួន តែជាអកុសល បានធ្លាក់ពីជាន់ទី ០៣ ចុះមកក្រោម បណ្ដាលឲ្យស្លាប់បាត់បង់ជីវិតតែម្ដង។
ក្រោយកើតហេតុ សមត្ថកិច្ចជំនាញចក្ខុ និងកោសល្យវិច័យ នៃស្នងការដ្ឋាននគរបាលរាជធានីភ្នំពេញ ចុះមកដល់ទីតាំង រួចធ្វើការត្រួតពិនិត្យសពខាងលើ។ បន្ទាប់ពីត្រួតពិនិត្យចប់ សាកសពខាងលើ ត្រូវបានសមត្ថកិច្ចយកទៅតម្កល់នៅឯវត្តទឹកថ្លា រង់ចាំសាច់ញាតិមកទទួលយកធ្វើបុណ្យតាមប្រពៃណី៕
អត្ថបទ ៖ រដ្ឋា
ជនជាតិកូរ៉េម្នាក់ ភ័យពេក ក្រោយសមត្ថកិច្ចគោះទ្វារបន្ទប់ លោតតាមបង្អួចធ្លាក់ពីជាន់ទី ០៣ ស្លាប់
ក្រុមហ៊ុនចំនួន ៣៤ ចូលរួមប្រឡងចៀរជ័រកៅស៊ូនៅខេត្តត្បូងឃ្មុំ
តុលាការកូរ៉េ កាត់ទោសឌីជេល្បីម្នាក់ ជាប់គុក ៨ ឆ្នាំ ពីបទបើកបរពេលស្រវឹង បង្កឲ្យមនុស្សស្លាប់
អ្នកជំនាញថៃ ព្រមានពីហានិភ័យសេដ្ឋកិច្ច ដោយសារសង្រ្គាមពាណិជ្ជកម្ម
ស្ពានឆ្លងទន្លេមេគង្គខេត្តក្រចេះ នឹងបើកឱ្យធ្វើដំណើរបណ្តោះអាសន្ននៅអំឡុងខែកញ្ញា ឆ្នាំ២០២៥ ខាងមុខនេះ
មនុស្សយ៉ាងច្រើនកុះករ បានមកចូលរួមទស្សនា ពិព័រណ៍យន្តហោះ និងបច្ចេកវិទ្យា នៅថ្ងៃចុងក្រោយនេះ
៤រឿងគួរឲ្យចាប់អារម្មណ៍ក្នុងពានរង្វាន់ AFF Cup ១២ប្រកួតកន្លងទៅ
ស្លូវ៉ាគី ប្រាប់ឲ្យអ៊ុយក្រែន ព្រមកាត់ដីឲ្យរុស្ស៊ី ដើម្បីដូរយកសន្តិភាព
រុស្ស៊ី គ្រោងបន្តកាត់យកទឹកដីបន្ថែមទៀត ដែលស្ថិតនៅជិតប្រទេសខ្លួន
លោក ត្រាំ និងលោក ណេតាន់យ៉ាហ៊ូ ពិភាក្សាគ្នាពីរឿងស៊ីរី និងការដោះលែងចំណាប់ខ្មាំងនៅហ្គាហ្សា
-
ព័ត៌មានអន្ដរជាតិ៦ ថ្ងៃ ago១១ខែ វៀតណាម រញ្ជួយដី ៤៥៨លើក
-
ចរាចរណ៍៥ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
ព័ត៌មានជាតិ៦ ថ្ងៃ agoសត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
សុខភាព៣ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ៥ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
បច្ចេកវិទ្យា១ សប្តាហ៍ agoផ្ទុះការភ្ញាក់ផ្អើលខ្លាំងចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ
-
ជីវិតកម្សាន្ដ១ សប្តាហ៍ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
ចរាចរណ៍៧ ថ្ងៃ agoមួយថ្ងៃទី៩ធ្នូនេះ មានអ្នកស្លាប់ដោយសារគ្រោះថ្នាក់ចរាចរណ៍៤នាក់ និងរបួស៧នាក់