ជីវិតកម្សាន្ដ

Hailey មានប្រតិកម្មបែបណា ពេល Selena និង Benny ភ្ជាប់ពាក្យកក្រើកវិស័យកម្សាន្ត

បានផុស

៣ ខែ មុន

នៅ

ថ្ងៃចន្ទ ១៦ ធ្នូ ២០២៤

ដោយ

កាលពីប៉ុន្មានថ្ងៃមុន Selena Gomez និង Benny Blanco បានប្រកាសភ្ជាប់ពាក្យរបស់ពួកគេជាសាធារណៈនៅលើបណ្តាញសង្គម។ ពួកគេធ្លាប់បានចែករំលែកថា សាងស្នេហ៍កាលពីមួយឆ្នាំមុន ហើយឥលូវនេះដល់ពេលដែលត្រូវមានចិញ្ចៀនភ្ជាប់ពាក្យ។

ដ្បិតថាយ៉ាងនេះក្ដី Selena ពីមុនមកធ្លាប់មានទំនាក់ទំនងស្នេហារយៈពេល៨ឆ្នាំជាមួយ Justin Bieber ពួកគេត្រូវបានគេចាត់ទុកថាជាគូស្នេហ៍ទាន់សម័យមួយ ប៉ុន្តែអ្វីគ្រប់យ៉ាងបានបញ្ចប់នៅពេលដែលអ្នកទាំងពីរបានសម្រេចចិត្តចាកចេញពីផ្លូវរៀងខ្លួន។ ក្រោយមក ក្នុងឆ្នាំ ២០១៩ តារាចម្រៀងកាណាដាបានសម្រេចចិត្តរៀបការជាមួយ Hailey និងមានកូនដំបូងឈ្មោះថា Jack Blues Bieber កាលពីខែសីហាកន្លងទៅនេះ។

ងាកមកកាន់ភរិយា Justin បន្ទាប់ពីបានដឹងថាអតីតគូស្នេហ៍ស្វាមីភ្ចាប់ពាក្យរូបនាងស្រាប់តែធ្វើឲ្យអ្នកគាំទ្រជាច្រើនមានការភ្ញាក់ផ្អើលជាខ្លាំង។ Hailey បានបញ្ចេញប្រតិកម្មចំពោះរូបភាពចិញ្ចៀនភ្ជាប់ពាក្យដ៏ប្រណិតរបស់ Selena បន្ទាប់ពីនាងបានប្រកាសភ្ជាប់ពាក្យជាមួយ Benny Blanco។

ទន្ទឹមគ្នានោះថែមទៀត មួយរយៈនេះមានការរំពឹងទុកអំពីពាក្យចចាមអារ៉ាមដែលគេសន្មត់ថា អ្នកទាំងពីរអាចនឹងមានទំនាក់ទំនងមិនល្អរវាងជាមួយគ្នា ។ វាផ្ទុះស្រលះមែនទែនទៅពួកគេបែរជាតាមដានគ្នាទៅមកលើ Instagram ។ ទោះបីជា Justin និង Selena ធ្លាប់មានទំនាក់ទំនងដែលបានបញ្ចប់នៅឆ្នាំ ២០១៨ ក៏ដោយ ក៏ពួកគេហាក់ដូចជារក្សាទំនាក់ទំនងគួរឲ្យគោរព។ ជាមួយគ្នានោះថែមទៀត ប្អូនស្រីរបស់ Justin ឈ្មោះ Jazmyn Bieber ក៏បានបង្ហាញការគាំទ្ររបស់នាងចំពោះការភ្ជាប់ពាក្យរបស់ Selena ដោយចូលចិត្តការបង្ហោះនេះ។ វាហាក់ដូចជាមានទំនាក់ទំនងល្អរវាងគ្រួសារទាំងពីរផងដែរ។

ដោយឡែក អ្វីដែលធ្វើឲ្យមនុស្សជាច្រើនចាប់អារម្មណ៍នោះគឺថា ចិញ្ចៀនភ្ជាប់ពាក្យដែល Selena បង្ហាញ ត្រូវបានគេនិយាយថា មានតម្លៃជាង ១ លានដុល្លារ។ យោងតាមសេចក្តីរាយការណ៍ពីកាសែត Daily Mail ចិញ្ចៀននេះមានត្បូងពេជ្រកាត់ដោយ marquise ដែលត្រូវបានគេស្គាល់ថាមានរាងមូល កណ្តាល និងគែមមុតស្រួចបន្តិច។ ចិញ្ចៀននេះមានខ្សែមាសពណ៌លឿង តុបតែងដោយត្បូងពេជ្រ ដែលផ្តល់ឲ្យគ្រឿងអលង្ការនូវរចនាប័ទ្មប្លែកពីគេ៕