វប្បធម៌ ជំនឿ

៤យ៉ាង តាមក្បួនគេថា នាំថាមពលអវិជ្ជមានចូលផ្ទះ

បានផុស

៤៩ វិនាទី មុន

នៅ

ថ្ងៃអង្គារ ១៧ ធ្នូ ២០២៤

ដោយ

ហុងស៊ុយផ្ទះគឺដូចជាការតុបតែងផ្ទះរបស់អ្នកដើម្បីធ្វើឲ្យមានសភាពរស់រវើក ដោយការរៀបចំរបស់របរផ្សេងៗយ៉ាងល្អឥតខ្ចោះ ដើម្បីឲ្យថាមពលក្នុងផ្ទះអាចហូរបានយ៉ាងល្អ។ ហុងស៊ុយល្អនឹងធ្វើឱ្ឲ្យម្ចាស់ផ្ទះមានអារម្មណ៍ធូរស្រាល រស់នៅមានផាសុខភាព ការងារកាន់តែកាក់កបនិងរលូនទៅមុខ។

ប៉ុន្តែយ៉ាងណាក៏ដោយ ផ្ងែកតាមជំនឿពីហុងស៊ុយនៅមានរឿងមួយចំនួនដែលគួរចៀសវាងដែលម្ចាស់នីមួយៗពុំគួរឡើយធ្វើដាច់ខាត។

១ វត្ថុដែលសល់ពីស្លាប់

វត្ថុដែលបន្សល់ពីអ្នកស្លាប់់ ដូចជាដើមឈើក្រៀមស្វិត ផ្កាក៏ដោយ វត្ថុទាំងនេះយោងទៅតាមគោលការណ៍ហុងស៊ុយ នឹងនាំមកនូវថាមពលអវិជ្ជមានចូលក្នុងផ្ទះ ដែលបណ្តាលឲ្យមានអារម្មណ៍មិនស្រួល និងសំណាងអាក្រក់។ ដូច្នេះហើយ វាមិនគួរមានវត្តមាននៅក្នុងផ្ទះនោះទេ។

២ សភាពផ្ទះរញ៉េរញ៉ៃបែកខ្ញែក

ដើម្បីធ្វើឲ្យផ្ទះមានបរិយាកាសភ្លឺស្អាត និងជួយបន្ធូរអារម្មណ៍ អ្នកគួរតែរៀបចំផ្ទះដើម្បីកុំឲ្យមានកន្លែងរញ៉េរញ៉ៃ។ វត្ថុដែលមិនប្រើ ឬខ្ចាត់ខ្ចាយ វានឹងរារាំងលំហូរនៃថាមពលល្អ ឬធ្វើឲ្យអ្នកផ្ទះមានអារម្មណ៍មិនស្រួល ហើយវាងាយស្រួលក្នុងការនាំភាពតានតឹងចូលផ្ទះ។ លើសពីនេះទៀត ការដាក់គ្រឿងសង្ហារឹមដែលមានទំហំធំពេក ឬការតុបតែងច្រើនពេក វានឹងធ្វើឲ្យបន្ទប់មើលទៅចង្អៀត និងមិនស្រួល។ កត្តាទាំមងនេះ ក៏វាអាចប៉ះពាល់ដល់សតិអារម្មណ៍របស់ក្រុមគ្រួសារផងដែរ។

៣ វត្ថុខូច

យោងទៅតាមគោលការណ៍ហុងស៊ុយ វត្ថុខូច មិនថាជាស៊ុមរូបភាព របស់របរដែលខ្ទេចខ្ទី ឬសូម្បីតែចានដែលបែកបាក ពួកវាគឺជានិមិត្តសញ្ញានៃភាពមិនល្អឥតខ្ចោះ និងថាមពលអវិជ្ជមានដែលប្រមូលផ្តុំនៅក្នុងជីវិត។ កាលបើលោកអ្នក ទុកវត្ថុទាំងនេះនៅក្នុងផ្ទះ វាដូចជាការបើកទ្វារស្វាគមន៍បញ្ហា និងឧបសគ្គចូលមកក្នុងជីវិតយ៉ាងរលូនដែរ។

៤ ដាក់កញ្ចក់ក្នុងទីតាំងខុស

ការដាក់កញ្ចក់ក៏អាចជាផលប៉ះពាល់ដល់ថាមពលនៅក្នុងផ្ទះដែរ ប្រសិនបើកញ្ចក់ត្រូវបានដាក់ក្នុងទីតាំងខុស វាអាចនាំមកនូវថាមពលអាក្រក់ឬរឿងអពមង្គល។ ជាពិសេស វាមានឥទ្ធិពលអវិជ្ជមានលើទ្រព្យសម្បត្តិ និងសុខុមាលភាពរបស់អ្នកផ្ទះ។ ចៀសវាងការដាក់កញ្ចក់ទល់មុខទូរទស្សន៍ បន្ទប់ទឹក ឬកន្លែងធ្វើការ ហើយមិនគួរមានកញ្ចក់នៅក្នុងបន្ទប់គេងដូចគ្នា៕