ព័ត៌មានជាតិ
ពលរដ្ឋ និងអ្នកទេសចរ លែងលំបាកចរាចរណ៍លើកំណាត់ផ្លូវសិរីកា ហើយ ខណៈកំពុងអ៊ុតកៅស៊ូប្រភេទ AC
ប្រជាពលរដ្ឋរស់នៅក្រុងខេមរភូមិន្ទ ព្រមទាំងអ្នកទេសចរគ្រប់ទិសទី លែងលំបាកធ្វើដំណើរលើកំណាត់ផ្លូវសិរីកា ទៀតហើយ ខណៈកំពុងមានការអ៊ុតកៅស៊ូប្រភេទ AC លើកកម្ពស់គុណភាពផ្លូវថ្នល់ ដើម្បីសុវត្ថិភាពបើកបរ។
អំណឹះតទៅ កំណាត់ផ្លូវសិរីកា ស្ថិតក្នុងសង្កាត់ស្ទឹងវែង ក្រុងខេមរភូមិន្ទ ដែលធ្លាប់តែមានជង្ហុកជ្រៅលំបាកធ្វើដំណើរមិនថាតែរដូវប្រាំង ឬវស្សាទេ បច្ចុប្បន្នកំពុងត្រូវបានអ៊ុតជាកៅស៊ូប្រភេទ AC ដើម្បីបង្កលក្ខណៈងាយស្រួលដល់ការធ្វើដំណើរទៅមកប្រកបដោយសុវត្ថិភាពហើយ។
អ្នកស្រី ប៊ុត យៀត ជាអ្នកលក់ទឹកអំពៅ និងអ្នកស្រី ម៉ារី ជាពលរដ្ឋរស់នៅភូមិឆ្មាបាត់ សង្កាត់ស្ទឹងវែង លើកឡើងថា នៅពេលមានផ្លូវស្អាតល្អងាយស្រួលធ្វើដំណើរយ៉ាងដូច្នេះ ពួកគាត់សប្បាយរីករាយណាស់ ដោយសង្ឃឹមថាការលក់ដូរកាន់តែដាច់ច្រើនជាងមុន និងធ្វើដំណើរមិនជួបគ្រោះថ្នាក់អ្វីឡើយ។
តំណាងប្រជាពលរដ្ឋទាំង ២ នាក់ អះអាងនៅថ្ងៃទី ១៧ ខែធ្នូ ឆ្នាំ ២០២៤ នេះ ទៀតថា កន្លងទៅ កំណាត់ផ្លូវសិរីកា ប្រវែងជាង ២ គីឡូម៉ែត្រនេះ លំបាកធ្វើដំណើរខ្លាំង ពិសេសរដូវវស្សាមានទឹកដក់លិចច្រើនកន្លែង ហើយពួកគាត់ក៏ធ្លាប់ស្នើសុំឱ្យរដ្ឋបាលខេត្ត ក្រុង និងមន្ទីរពាក់ព័ន្ធ ជួយជួសជុលកែលម្អឱ្យបានល្អប្រសើរផងដែរ ប៉ុន្តែបានដូចក្តីបំណងរបស់ពួកគាត់ហើយ។
ទន្ទឹមនោះ ពលរដ្ឋ ក៏ស្នើសុំដល់អ្នកប្រើប្រាស់ទាំងអស់ មេត្តាបើកបរប្រកបដោយភាពប្រុងប្រយ័ត្នខ្ពស់ និងចូលរួមគោរពច្បាប់ចរាចរណ៍ឱ្យបានខ្ជាប់ខ្ជួនបំផុត ដើម្បីបញ្ចៀសគ្រោះថ្នាក់តាមដងផ្លូវពេលបានផ្លូវស្អាតហើយ។ កុំបើកបរលើសល្បឿនកំណត់ កុំវ៉ាជែងក្នុងស្ថានភាពប្រថុយប្រថាន និងសេពគ្រឿងស្រវឹង ជាដើម…។
លោក អន ដាវុធ ប្រធានមន្ទីរសាធារណការ និងដឹកជញ្ជូនខេត្តកោះកុង បានឱ្យដឹងថា ក្រុមការងាររបស់លោកទទួលខុសត្រូវអ៊ុតកៅស៊ូលើកំណាត់ផ្លូវសិរីកាដែលរងខូចខាតមានប្រវែងជាង ១ គីឡូម៉ែត្រ ទទឹង ៧ ម៉ែត្រ និងកម្រាស់ ៧ ហ៊ុន។ ដោយឡែកប្រមាណជា ១ គីឡូម៉ែត្រទៀត ត្រូវទទួលខុសត្រូវដោយក្រុមហ៊ុនម៉ៅការស្ថាបនាផ្សេងទៀត។ បច្ចុប្បន្នកំណាត់ផ្លូវដែលមន្ទីរកិច្ចសន្យាកែលម្អ ត្រូវបានជួសជុលចប់អស់ហើយ។
លោក អន ដាវុធ បន្តថា រដ្ឋបាលខេត្តកោះកុង និងមន្ទីរសាធារណការ បានរួមសហការគ្នា ដើម្បីលើកកម្ពស់គុណភាពផ្លូវមានសុវត្ថិភាពសម្រាប់ការធ្វើចរាចរណ៍ ពិសេសបង្កើនភាពទាក់ទាញអ្នកទេសចរមកលេងកម្សាន្តនៅខេត្តកោះកុងកាន់តែច្រើន។
ចំណែកឯក្រុមហ៊ុនម៉ៅការ KLK ទទួលការអ៊ុតកៅស៊ូ AC ប្រវែងជាង ៤០០ ម៉ែត្រ ដែលនៅសេសសល់ បានឱ្យដឹងនៅថ្ងៃទី ១៧ ខែធ្នូ ឆ្នាំ ២០២៤ នេះថា ក្រុមការងាររបស់លោកកំពុងមមាញឹកអ៊ុតកៅស៊ូលើកំណាត់ផ្លូវសិរីកានេះដែលនៅសេសសល់តែប្រវែងជាង ៤០០ ម៉ែត្រ ឱ្យទាន់ទៅតាមគម្រោងផែនការ ចាប់ពីផ្លូវកែងស្ថានីយប្រេងសូនឹង រហូតដល់កែងផ្លូវចូលស្ថានីយវិទ្យុ និងទូរទស្សន៍បាយ័នប្រចាំខេត្ត។ ជាក់ស្ដែង មូលហេតុមានយឺតយ៉ាវបន្តិច ក៏ព្រោះតែក្រុមការងារ ដឹកជញ្ជូនកៅស៊ូពីខេត្តព្រះសីហនុរយៈចម្ងាយឆ្ងាយទម្រាំដល់ទីតាំងស្ថាបនាផ្លូវ និងម្យ៉ាងទៀតសម្រុកអ៊ុតកៅស៊ូចូលទៅផ្ទះ សម្តេចពិជ័យសេនា ប្រវែងជាង ៤ គីឡូម៉ែត្រ៕
អត្ថបទ ៖ សិរីវឌ្ឍនៈ
នៅមណ្ឌលគីរី ម្ចាស់អាហារដ្ឋានមួយចំនួនសន្យាមិនដំឡើងថ្លៃសម្រាប់ភ្ញៀវទេសចរមកលេងកម្សាន្តពេលឆ្លងឆ្នាំ
មនុស្ស ១២ប្រភេទ មិនគួរយកខ្លួនបៀត ឬជួយដាច់ខាត
Agoda៖ វៀតណាមក្លាយជាទិសដៅទេសចរណ៍ឆ្លងឆ្នាំដ៏ពេញនិយមមួយ សម្រាប់ភ្ញៀវអន្តរជាតិ
ប្រពៃណីផលិតកុលាលភាជន៍(ស្មូនក្អម ឆ្នាំង) នៅកម្ពុជាប្រឈមការបាត់បង់
មន្ត្រីជាន់ខ្ពស់ការងារ បន្តអំពាវនាវម្ចាស់ផ្ទះជួល និងអ្នកលក់ទំនិញ កុំតម្លើងថ្លៃតាមប្រាក់ឈ្នួលកម្មករ
ស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
ឆេះផ្ទះលក់ទូរស័ព្ទដៃ២ទីតាំងទាំងស្រុង ផ្អើលពលរដ្ឋជិតវត្តសន្សំកុសល
អាមេរិក រកឃើញ ថ្នាំបន្តក់ភ្នែកមួយប្រភេទ មានមេរោគផ្សិត អាចបណ្តាលឲ្យខ្វាក់ ឬស្លាប់
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
ខ្មាន់កាំភ្លើងបាញ់ប្រហារជាច្រើនគ្រាប់លើជនបរទេសម្នាក់ស្លាប់ពេលបញ្ជូនដល់មន្ទីរពេទ្យ
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ៧ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម២ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៦ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៦ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម១៨ ម៉ោង agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ