ព័ត៌មានជាតិ
បណ្ឌិត យង់ ពៅ៖ MOU រវាងរាជបណ្ឌិត្យសភាកម្ពុជា និងសាកលទ្យាល័យកួយចូវ បង្ហាញពីមិត្តភាពដែកថែបប្រទេសទាំង២
នៅថ្ងៃទី១៧ ខែធ្នូ ឆ្នាំ២០២៤ បណ្ឌិត យង់ ពៅ អគ្គលេខាធិការ នៃរាជបណ្ឌិត្យសភាកម្ពុជា តំណាងបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានចុះអនុស្សរណៈនៃការយោគយល់គ្នា (MOU) រវាងរាជបណ្ឌិត្យសភាកម្ពុជា និងមហាវិទ្យាល័យច្បាប់នៃសាកវិទ្យាល័យកួយចូវ (ខេត្តកួយចូវ) Law School of Guizhou University ដោយលោកបានបញ្ជាក់ថា ការចុះ (MOU)នេះ មានប្រយោជន៍សំខាន់ដល់ប្រទេសទាំង២ និងបង្ហាញពីមិត្តភាពដែកថែបរវាង កម្ពុជា-ចិន។
លោកបណ្ឌិត បានឱ្យ កម្ពុជាថ្មី ដឹងថា ការចុះអនុស្សរណៈយោគយល់គ្នានេះ ផ្តល់ប្រយោជន៍សំខាន់ មិនត្រឹមតែស្ថាប័នទាំង២ទេ ពោល គឺជាប្រយោជន៍រួមរបស់កម្ពុជា-ចិន ប្រយោជន៍សម្រាប់សង្គម ប្រជាជន និងប្រទេសក្នុងទំនាក់ទំនងមិត្តភាពដែកថែប និងឆកោណត្បូងពេជ្រនៃកិច្ចសហប្រតិបត្តិការប្រទេសទាំង២។ លោកបណ្ឌិត បាននិយាយថា៖ “ដូច្នេះ នេះជាការបញ្ជាក់អំពីកិច្ចសហប្រតិបត្តិការរវាងកម្ពុជា-ចិន ក្នុងគុណភាពខ្ពស់ ដូចដែលរដ្ឋាភិបាលទាំង២បានលើកឡើង និងការកសាងជោគវាសនារួម។ អ៉ីចឹង ការកសាងជោគវាសនារួម ត្រូវតែអ្នកវិទ្យាសាស្ត្រ ក៏ត្រូវរួមធ្វើកិច្ចការជាមួយគ្នាផងដែរ”។
ចំពោះការចុះអនុស្សរណៈយោគយល់គ្នារវាងរាជបណ្ឌិត្យសភាកម្ពុជា និងមហាវិទ្យាល័យច្បាប់ នៃសាកវិទ្យាល័យកួយចូវ បណ្ឌិត យង់ ពៅ បានបញ្ជាក់ថា ក្រៅពីគោលបំណងធំនៃកិច្ចសហប្រតិបត្តិការប្រទេសទាំង២ ក៏មានគោលបំណងសំខាន់រវាងស្ថាប័នទាំង២ គឺការផ្លាស់ប្តូរកម្មវិធីសិក្សាជំនាញច្បាប់ រដ្ឋបាលសាធារណៈ ចាប់ពីថ្នាក់បរិញ្ញាបត្ររវាងគ្នា។ ជាមួយគ្នានេះ ក៏មានគម្រោងផ្លាស់ប្តូរសាស្ត្រាចារ្យបង្រៀន និងនិស្សិតទៅវិញទៅមកនៅឆ្នាំបន្តបន្ទាប់ទៀតផងដែរ។
បន្ថែមពីនេះ ស្ថាប័នទាំង២ក៏មានបំណងសិក្សាស្រាវជ្រាវរួមគ្នាលើច្បាប់ពាណិជ្ជកម្ម លើផ្នែកកម្មសិទ្ធិបញ្ញាអន្តរជាតិ ព្រោះប្រជាជនចិនក៏បានមកវិនិយោគនៅកម្ពុជាច្រើន ហេតុនេះ លោកបណ្ឌិតថា ភាគីទាំង២ត្រូវសិក្សាស្រាវជ្រាវរួមគ្នាលើវិស័យច្បាប់ និងវិស័យផ្សេងទៀតក្នុងការផ្តល់ភាពងាយស្រួលដល់វិនិយោគិនចិន ដែលមកវិនិយោគនៅកម្ពុជាបានយល់ច្បាស់ពីទិដ្ឋភាពសង្គម ច្បាប់ និងនយោបាយនៅកម្ពុជាចៀសវាងមានបញ្ហាផ្សេងៗកើតឡើង។
លោកបណ្ឌិត យង់ ពៅ ក៏បានបញ្ជាក់ទៀតថា ក្រៅពីការផ្លាស់ប្តូរលើការសិក្សាស្រាវជ្រាវខាងលើ ក៏មានការការផ្លាស់ប្តូរសមិទ្ធផលវិទ្យាសាស្ត្រ ស្នាដៃបោះពុម្ព និងសមិទ្ធផលវិទ្យាសាស្ត្រផ្សេងៗទៀត ដែលជាការចាំបាច់មួយក្នុងការផ្លាស់ប្តូរ និងការស្រាវជ្រាវវិទ្យាសាស្ត្រថែមទៀតផង៕
ដោយ៖ អុន ស្រីមាន
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៨ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៨ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?