អាជ្ញាធរសង្កាត់ភ្លេីងឆេះរទេះ បន្តស្ថាបនាផ្លូវបេ​តុង​ជូនពលរដ្ឋមួយខ្សែទៀត

លោក​ សុិន វុទ្ធី ចៅសង្កាត់​ភ្លេីងឆេះរទេះ​ នៃរដ្ឋបាលខណ្ឌកំបូល បានពិនិត្យសិក្សា​ដាក់គ្រឿងចក្រឈូសឆាយ​ កាយរៀបប្រព័ន្ធលូថ្មី និងចាក់ផ្លូវបេតុងមួយខ្សែទៀតក្នុងគម្រោងមូលនីធិឆ្នាំ២០២៤ ដេីម្បីសម្រួលដល់ប្រជាពលរដ្ឋធ្វេីដំណេីរក៏ដូចជាប្រកបរបរផ្សេងៗ។

លោកចៅសង្កាត់បានឱ្យដឹងថា​ ផ្លូវមួយខ្សែ​ខាងលេីស្ថិតនៅភូមិភ្លើងឆេះរទេះលិច​ បានរងនូវការខូចខាតដោយសារជំនន់ទឹកភ្លៀងនារដូវវស្សា​ កង្វះប្រព័ន្ធលូ​ ពិបាកដល់ប្រជាពលរដ្ឋធ្វេីដំណេីរ និងប៉ះពាល់ដល់ការប្រកបរបរប្រចាំថ្ងៃ​ ទេីបដាក់គ្រឿងចក្រឈូសឆាយសម្រួល​ កាយដីដាក់ប្រព័ន្ធលូថ្មី​ និងចាក់ផ្លូវបេតុង ដេីម្បីសម្រួលដល់ប្រជាពលរដ្ឋ​ បញ្ចៀសការ​ជន់លិចនារដូវរស្សា។

តាមការឲ្យដឹងពីលោកចៅសង្កាត់នៅរសៀលថ្ងៃទី១៨​ ខែធ្នូ​ ឆ្នាំ២០២៤​នេះ​ ផ្លូវដែលស្ថាបនាជាផ្លូវបេតុង​ និងដាក់ប្រព័ន្ធលូថ្មី​ខាងលេីមានប្រវែង១៣០ម៉ែត្រ​ ទទឹង៥ម៉ែត្រ​ ស្ថិតនៅភូមិភ្លេីងឆេះរទេះលិច​ សង្កាត់ភ្លេីងឆេះរទេះ​ ខណ្ឌកំបូល​ រាជធានភ្នំពេញ​ ដោយប្រេីប្រាស់ថវិកាមូលនីធិអភិវឌ្ឍន៍សង្កាត់ឆ្នាំ២០២៤​ ។

លោកសុិន វុទ្ធី ចៅសង្កាត់បានបញ្ជាក់ទៀតថា​ ការស្ថាបនាផ្លូវបេតុងក្នុងមូលដ្ឋានភូមិភ្លេីងឆេះរទេះលិចនេះ​ គឺស្ថាបនាបានចំនួន៦ខ្សែហេីយ​ សរុបប្រវែង១ពាន់ម៉ែត្រ​ ដោយប្រេីប្រាស់ថវិកាមូលនីធិភិវឌ្ឍន៍សង្កាត់ក្នុងឆ្នាំ២០២៤។

ជាមួយគ្នានោះផងដែរអាជ្ញាធរ​ក៏បានសំណូមពរដល់ប្រជាពលរដ្ឋទាំងអស់ក្នុងមូលដ្ឋានមេត្តជួយថែរក្សា​ ទុកដាក់សំរាមនិងវិចខ្ចប់ឲ្យបានត្រឹមត្រូវ​ ជៀសវាងបោះចោលគ្មា​នសណ្តាប់ធ្នាប់​ បង្កផលប៉ះពាល់ដល់បរិស្ថាន​ ហេីរចូលប្រព័ន្ធលូ​ បង្កការកកស្ទះចរន្តទឹក​៕

អត្ថបទ៖ សុខា