វេជ្ជបណ្ឌិតព្រមានមនុស្ស ៤ ក្រុមក្នុងរដូវត្រជាក់ ក្រោយមានចុងភៅចិនស្លាប់នៅវ័យ ៤៦ ឆ្នាំ

អ្នកស្រាវជ្រាវផ្នែកធ្វើម្ហូប និងជាមេចុងភៅ Masayuki Murayoshi ដែលល្បីល្បាញដោយសាររូបមន្តដ៏គួរឲ្យទាក់ទាញរបស់គាត់បានទទួលមរណភាពនៅថ្ងៃទី ១២ ខែធ្នូ ក្នុងអាយុ៤៦ឆ្នាំ ដោយគេហទំព័រសាលាធ្វើម្ហូបថា លោកបានដួលនៅផ្ទះបាយដោយសារជំងឺ myocardial infarction ស្រួចស្រាវ។

Murayoshi ជារឿយៗចែករំលែកចំណង់ចំណូលចិត្តរបស់គាត់ សម្រាប់ការចម្អិនអាហារនៅក្នុងប្រព័ន្ធផ្សព្វផ្សាយផ្សេងៗ។ គាត់ត្រូវបានគេស្គាល់តាមរយៈការបង្ហាញខ្លួននៅក្នុងកម្មវិធី NHK ។ សាលាធ្វើម្ហូបរបស់គាត់ ក៏ជួយមេចុងភៅដែលប្រាថ្នាចង់រៀនសិល្បៈនៃការរៀបចំអាហារ រួមទាំងបច្ចេកទេសបុរាណ និងទំនើប។

ទោះបីជាយ៉ាងណាក៏ដោយ គ្រូពេទ្យជំនាញខាងរោគស្ត្រី Ta Gia Quyen បាននិយាយថា នៅពេលដែលសីតុណ្ហភាពធ្លាក់ចុះភ្លាមៗ ឬភាពខុសគ្នាខ្លាំងពេក វាងាយនឹងបង្កើនហានិភ័យនៃជំងឺសរសៃឈាមបេះដូង ជាពិសេសជំងឺ myocardial infarction ។ បើតាមលោកវេជ្ជបណ្ឌិត ក្រុមទាំង៤ដែលមានហានិភ័យខ្ពស់គឺ៖

– បុរសអាយុលើសពី ៤០ ឆ្នាំ និងស្ត្រីអាយុលើសពី៥០ ឆ្នាំ។

– អ្នកដែលមានប្រវត្តិគ្រួសារកើតជំងឺសរសៃឈាមបេះដូង។

– មនុស្សដែលមានទម្លាប់រស់នៅមិនល្អ ដូចជាជក់បារី ផឹកស្រា ចូលគេងយឺត។

– អ្នកជំងឺលើសឈាម ទឹកនោមផ្អែម ធាត់។

យោងតាមសារព័ត៌មាន China Times សញ្ញាព្រមាននៃការគាំងបេះដូងរួមមាន ការតឹងទ្រូង ដូចជាវត្ថុធ្ងន់កំពុងសង្កត់លើវា ពិបាកដកដង្ហើម ញើសត្រជាក់ ក្អួត និងវិលមុខ។ នៅពេលនោះអ្នកជំងឺត្រូវបញ្ឈប់សកម្មភាពទាំងអស់ហើយអង្គុយចុះដើម្បីសម្រាក។ ក្នុងករណីមានការឈឺចាប់ធ្ងន់ធ្ងរ អ្នកជំងឺ ឬសាច់ញាតិត្រូវហៅរថយន្តសង្គ្រោះបន្ទាន់។

រោគសញ្ញា atypical មួយចំនួនគឺ ឈឺ និងស្ពឹកដៃ ឈឺក្នុងថ្គាម ក្រពះ ស្មា ពោះ និងផ្នែកផ្សេងទៀត។ នេះគឺដោយសារតែការថយចុះចរាចរឈាមទៅកាន់បេះដូង។ មនុស្សជាច្រើនគិតថានេះគ្រាន់តែជាស្ថានភាពអស់កម្លាំងធម្មតាដែលគួរមិនអើពើនឹងបណ្តាលឲ្យមានផលវិបាកធ្ងន់ធ្ងរនៅពេលក្រោយ។ លើសពីនេះ អ្នកជំងឺប្រហែល ១/៤ មិនមានរោគសញ្ញាអ្វីទេ ដូច្នេះយើងគួរតែពិនិត្យសុខភាពជាប្រចាំ ដើម្បីការពារហានិភ័យ។

ទាក់ទងនឹងវិធីការពារជំងឺដាច់សរសៃឈាមខួរក្បាល លោកវេជ្ជបណ្ឌិតក៏បានសង្កត់ធ្ងន់ថា យើងត្រូវគ្រប់គ្រងទម្ងន់ ចៀសឲ្យឆ្ងាយពីបារី និងគ្រឿងស្រវឹង រក្សាអារម្មណ៍សប្បាយរីករាយ និចៀសវាងការប្រមូលផ្តុំនូវភាពតានតឹងដែលនាំឲ្យបន្ទុកដល់ខួរក្បាល និងបេះដូង។ ការផឹកទឹកមានសារៈសំខាន់ខ្លាំងណាស់សម្រាប់ដំណើរការរបស់រាងកាយ មិនត្រឹមតែបំបាត់ការស្រេកទឹកប៉ុណ្ណោះទេ ប៉ុន្តែថែមទាំងជួយឱ្យឈាមរត់បានស្រួលទៀតផង។ ការផឹកទឹកក្តៅមួយកែវពេលភ្ញាក់ពីគេង អាចការពារការស្ទះសរសៃឈាម។

លើសពីនេះ នៅក្នុងរដូវរងា អាកាសធាតុត្រជាក់នឹងជះឥទ្ធិពលអវិជ្ជមានដល់បេះដូង។ មនុស្សគ្រប់រូបត្រូវតែចាត់វិធានការដើម្បីរក្សាភាពកក់ក្តៅ ទោះបីជានៅក្នុងផ្ទះក៏ដោយ។ ជាពិសេសសូមកុំ​ក្រោក​ឡើង​លឿន​ពេក​នៅ​ពេល​ព្រឹក។ កុំ​ចេញ​ក្រៅ​លឿន​ពេក ដើម្បីចៀសវាង​ការ​ឡើង​ចុះ​ខ្លាំង​នៃ​សម្ពាធ​ឈាម៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង​​ ស្រីល័ក្ខ

ចុចអាន៖ការស្លាប់របស់តារា​ស្រី​ចិនម្នាក់ អាចជាករណីឃាតកម្មទុកមុន