ស្រោមបារហែករបស់ Rihanna លក់បានជាងមួយពាន់ដុល្លារ

កាលពីថ្មីៗនេះ Rihanna និងមិត្តប្រុស A$AP Rocky ត្រូវបានគេប្រទះឃើញចាកចេញពី Carbone ក្នុងទីក្រុង Miami បន្ទាប់ពីទទួលទានអាហារពេលល្ងាចដ៏រ៉ូមែនទិកក្នុងកំឡុងពេលសម្រាកចុងសប្តាហ៍នៅ Art Basel ។

នៅរាត្រីថ្ងៃណាត់ជួប តារាចម្រៀងវ័យ ៣៦ ឆ្នាំរូបនេះ បានជ្រើសរើសរ៉ូបពណ៌ខ្លី MM6 Maison Margiela ហើយបញ្ចូលវាជាមួយនឹងស្រោមបាហែកពណ៌ត្នោតមួយគូពីម៉ាក Balenciaga ជាមួយនឹងតម្លៃលក់រាយរហូតដល់ ១,៤៩០ដុល្លារ។ មនុស្ស​ជា​ច្រើន​មាន​ការ​ភ្ញាក់​ផ្អើល ​នៅ​ពេល​ដែលស្រោមបាមួយគូនេះមានតម្លៃថ្លៃខ្លាំង សឹងតែស្មើនឹងសំលៀកដែលមានយីហោប្រេនៗ។

ទោះជាយ៉ាងណា ប្រេន Balenciaga គឺជាម៉ាកយីហោមួយក្នុងចំណោមម៉ាកដែលបន្សល់ទុកនូវចំណាប់អារម្មណ៍យ៉ាងជ្រាលជ្រៅនៅក្នុងដួងចិត្តរបស់អ្នកស្រលាញ់វិស័យហ្វេសិន ជាមួយនឹងទំនិញមួយនៃប្រភេទដែលត្រូវបានផ្សព្វផ្សាយក្នុងតម្លៃខ្ពស់ ។

មិនត្រឹមប៉ុណ្ណឹងទេ​ យីហោនេះបានដាក់លក់កាបូប Monday Shopper ក្នុងឆ្នាំ ២០២២ ជាមួយនឹងការរចនាដូចជាកាបូបនីឡុងពណ៌ខៀវ និងស ងាយស្រួលប្រើ ជាមួយនឹងឈ្មោះម៉ាកដែលបានបោះពុម្ពលើផ្ទៃកាបូបដែលមានតម្លៃ ១,២១៨ដុល្លារ។

កាបូបទី២ របស់ Balenciaga ដែលធ្វើឲ្យអ្នកប្រើប្រាស់រំភើប ត្រូវបានរចនាឡើងដូចជាកញ្ចប់អាហារសម្រន់ ដែលយកគំរូតាមគំរូដើម ដែលចេញលក់ក្នុងឆ្នាំ ២០២៣ក្នុងតម្លៃ១,៨០០ ដុល្លារ។។ គេដឹងថា ដើម្បីអាចប្រើរូបភាពនេះ Balenciaga តម្រូវឲ្យមានការអនុញ្ញាតពីម៉ាកអាហារសម្រន់ Lay’s។

ធាតុមួយទៀតដែលបង្កើតភាពចម្រូងចម្រាសជាសកលសម្រាប់ Balenciaga ដែលម៉ាកយីហោបានណែនាំនៅក្នុងកម្មវិធី Fall-Winter 2024 គឺជាខ្សែដៃមួយដែលមានឈ្មោះថា Gaffer Bangle ដែលមានតម្លៃ ៣,០០០ ដុល្លារ។

កាបូបដែលធ្វើឲ្យឈ្មោះរបស់ Balenciaga គួរឲ្យចាប់អារម្មណ៍ គឺជាកាបូបដែលមានខ្សែពណ៌ខ្មៅ ដែលមានរាងស្រដៀងនឹងថង់សំរាម។ ការរចនានេះត្រូវបានដាក់ឲ្យដំណើរការនៅឆ្នាំ ២០២២ ហើយផលិតផលនេះត្រូវបានគេចំអកថាជា ថង់សំរាមថ្លៃបំផុតនៅលើពិភពលោក ដែលមានតម្លៃ ១,៧៩០ ដុល្លារ។ ផលិតផល​ផលិត​ពី​ស្បែក​កំភួន​ជើង​មាន ៤ ពណ៌ ខៀវ ស ខ្មៅ លឿង៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង​​ ស្រីល័ក្ខ

ចុចអាន៖តារាសម្ដែងសាច់ចាំ Tom Cruise ទទួលពានរង្វាន់កិត្តិយស ពីកងទ័ពជើងទឹកអាមេរិក