ព័ត៌មានអន្ដរជាតិ

នាយករដ្ឋមន្ត្រីថៃជាបុគ្គលទី១ចាក់វ៉ាក់សាំង AstraZeneca នៅថៃ

បានផុស

៤ years មុន

នៅ

ថ្ងៃអង្គារ ១៦ មីនា ២០២១

ដោយ

លោកនាយករដ្ឋមន្ត្រីថៃ ប្រាយុទ្ធ ចាន់ អូចា បានក្លាយជាបុគ្គលទី១ដែលចាក់វ៉ាក់សាំង AstraZeneca ដើម្បីការពារកូវីដ-១៩ នៅក្នុងប្រទេសអាស៊ីអាគ្នេយ៍មួយនេះដែលបានចាក់នៅថ្ងៃទី១៦ ខែមីនា បន្ទាប់ពីថៃបានផ្អាកកាលពីថ្ងៃសុក្រកន្លងទៅជុំវិញសុវត្ថិភាពរបស់វា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើមឡើយ លោក ប្រាយុទ្ធ និងសមាជិកគណៈរដ្ឋមន្ត្រីរបស់លោកបានគ្រោងចាក់នៅថ្ងៃសុក្រ សប្តាហ៍កន្លងទៅ មុនពេលប្រទេសថៃបានផ្អាកដំណើរការប្រើប្រាស់វ៉ាងសាំង AstraZeneca បន្ទាប់ពីមានព័ត៌មានជុំវិញកកស្ទះឈាមដែលបណ្តាលមកពីការចាក់វ៉ាក់សាំងនេះនៅប្រទេសអឺរ៉ុបមួយចំនួន។

ទោះជាយ៉ាងណា នៅថ្ងៃចន្ទ ម្សិលមិញ លោករដ្ឋមន្ត្រីសុខាភិបាលថៃបាននិយាយថា ដំណើរការប្រើប្រាស់វ៉ាក់សាំង AstraZeneca នឹងបន្ត បន្ទាប់ពីប្រទេសជាច្រើននិយាយថា គ្មានបញ្ហាកកស្ទះឈាមឡើយ ហើយនៅថ្ងៃអង្គារនេះ លោកនាយករដ្ឋមន្ត្រី និងមន្ត្រីនៃទីស្តីការគណៈរដ្ឋមន្ត្រីបានចាប់ផ្តើមទទួលការចាក់វ៉ាក់សាំងនេះហើយ។

លោក ប្រាយុទ្ធ បានប្រាប់អ្នកកាសែតនៅវិមានរដ្ឋាភិបាលមុនពេលលោកចាក់នៅលើដៃឆ្វេងថា ៖«ថ្ងៃនេះ ខ្ញុំបង្កើនទំនុកចិត្តសម្រាប់សាធារណជន»។

ក្រោយចាក់វ៉ាក់សាំងរួច លោក ប្រាយុទ្ធ ដែលនឹងឈានដល់វ័យ៦៧ឆ្នាំក្នុងខែនេះ បាននិយាយថា លោកមានអារម្មណ៍ល្អធម្មតា បន្ទាប់ពីចាក់ហើយ។

ផែនការចាក់វ៉ាក់សាំងរបស់ប្រទេសថៃពឹងផ្នែកខ្លាំងលើវ៉ាក់សាំង AstraZeneca ដែលនឹងត្រូវផលិតដោយក្រុមហ៊ុនក្នុងស្រុកមួយដែលជាក្រុមហ៊ុនរបស់ស្តេចថៃសម្រាប់បំរ៉ុងចំនួន៦១លានដូសដល់ប្រជាជនថៃ។ ប៉ុន្តែការផលិត វ៉ាក់សាំង AstraZenecaក្នុងប្រទេសថៃ មិនទាន់រួចរាល់ទេដែលដល់ខែមិថុនាទើបរួចរាល់៕