សេដ្ឋកិច្ច
ចុងឆ្នាំ២០២៤នេះ ទីផ្សារដូងក្រអូបមានតម្រូវការខ្ពស់
ម្ចាស់កសិដ្ឋានដាំដូងក្រអូបមួយ ស្ថិតនៅស្រុកសំពៅលូន ខេត្តបាត់ដំបង បានប្រាប់ឱ្យដឹងថា សម្រាប់ចុងឆ្នាំ២០២៤នេះ ទីផ្សារដូងក្រអូប ហាក់មានតម្រូវការខ្ពស់ បើធៀបនឹងរដូវវស្សាកន្លងទៅ ដោយសង្កេតឃើញថាមានឈ្មួញជាច្រើន បានចុះមកទិញដល់ចម្ការផ្ទាល់។

ជាម្ចាស់ចម្ការដូងក្រអូប «Darling Farm» កញ្ញា កេង សុចិន្តា បានប្រាប់ កម្ពុជាថ្មី ថា សម្រាប់ចុងឆ្នាំ២០២៤នេះ ការលក់ចេញដូងក្រអូបស្រស់នៅក្នុងចម្ការរបស់កញ្ញា ហាក់មានតម្រូវការខ្ពស់ បើធៀបនឹងរដូវវស្សាកន្លងទៅ ដោយកញ្ញាសង្កេតឃើញថាមានឈ្មួញចុះមកទិញដល់ចម្ការផ្ទាល់ ដើម្បីយកទៅលក់បន្តទៀត។ ចិន្តា បន្តថា ចំពោះការប្រមូលផលវិញ រយៈពេលពេលមួយខែ កសិដ្ឋានរបស់កញ្ញា ធ្វើការប្រមូលផលដូងស្រស់ ៤ដង ឬអាចថា៣ដង ក្នុងមួយខែ។

សម្រាប់ការប្រមូលផល បើគិតជារយៈពេល១ខែនេះដែរ កសិដ្ឋានអាចប្រមូលផលបានចន្លោះ ៨០០០ផ្លែ ទៅ ១០ ០០០ផ្លែ។ ចំពោះតម្លៃវិញក៏មិនសូវខុសគ្នាប៉ុន្មានពីពេលកន្លងទៅ តម្លៃគឺគិតទៅតាមទំហំចាប់ពី១៥០០រៀល ទៅ ២០០០រៀល ក្នុងមួយផ្លែ។

កញ្ញា កេង សុចិន្តា បានប្រាប់ឱ្យដឹងទៀតថា ទាក់ទងនឹងទីផ្សារដូងក្រអូបនេះ កសិដ្ឋានរបស់កញ្ញា ត្រឹមតែអាចផ្គត់ផ្គង់បានសម្រាប់ខេត្តមួយចំនួន ក្នុងនោះមានដូចជា៖ ខេត្តបាត់ដំបង សៀមរាប និងរាជធានីភ្នំពេញ តែប៉ុណ្ណោះ។

ម្ចាស់ចម្ការរូបនេះ ក៏បានបង្ហើបឱ្យដឹងដែរថា សម្រាប់ឆ្នាំ២០២៥ខាងមុខនេះ កញ្ញាក៏មានគម្រោងបង្កើតនូវកន្លែងកែច្នៃផ្លែដូងស្រស់ និងវេចខ្ជាប់ សម្រាប់នាំចេញទៅកាន់ផ្សារទំនើបផ្សេងៗ ក្នុងប្រទេសកម្ពុជា ផងដែរ។

គួរបញ្ជាក់ថា កសិដ្ឋានដូងក្រអូប «Darling Farm» មានទីតាំងស្ថិតនៅ ស្រុកសំពៅលូន ខេត្តបាត់ដំបង បច្ចុប្បន្នមានផ្ទៃដីដាំដុះសរុបចំនួន ៥ហិកតា ដែលជាមធ្យមកសិដ្ឋានអាចប្រមូលផលផ្លែដូងស្រស់ បានចន្លោះពី ៨០០០ផ្លែ ទៅ ១០ ០០០ផ្លែ ក្នុង១ខែ៕
អត្ថបទ ៖ សួស សិត

-
ព័ត៌មានអន្ដរជាតិ៥ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ១៦ ម៉ោង ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ១៦ ម៉ោង ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៥ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍១ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល