Liu Shishi បដិសេធ​ពាក្យ​ចចាម​អារ៉ាម​​លែង​លះ​ជាមួយតារាប្រុស Nicky Wu​

តារាសម្ដែងស្រីចិន Liu Shishi បាននិយាយអំពីពាក្យចចាមអារ៉ាមលែងលះជាមួយតារាសម្ដែង Nicky Wu​ ដែលបណ្តាលឲ្យមានការចាប់អារម្មណ៍ជាសាធារណៈកាលពីពេលថ្មីៗនេះ។ យ៉ាងណា ដើម្បីឆ្លើយតបនឹងពាក្យចចាមអារ៉ាមដែលផ្សព្វផ្សាយអំពីការលែងលះ ក្រុមហ៊ុនគ្រប់គ្រងរបស់តារាស្រីបានបដិសេធជាផ្លូវការថាជាព័ត៌មានមិនពិតឡើយ។

ឯកសារ​ដែល​ចេញ​នោះ​បញ្ជាក់​ថា​ព័ត៌មាន​នេះ​មិន​ពិត​ និង​បង្ក​ឲ្យមាន​ការ​យល់​ច្រឡំ​ជា​ច្រើន។ ក្រុមហ៊ុនក៏បានផ្ញើសំណើរលុបព័ត៌មានមិនពិត រួមទាំងមតិអវិជ្ជមានអំពីរូបរាងរបស់​ Liu Shishi ផងដែរ។​ឯកសារក្រុមហ៊ុនរបស់ តារាស្រីវ័យ៣៧ឆ្នាំបានចង្អុលបង្ហាញយ៉ាងច្បាស់ នូវខ្លឹមសារមិនពិតដែលកំពុងត្រូវបានផ្សព្វផ្សាយ រួមមាន នាងត្រូវបានលែងលះគ្នា និង រូបរាងរបស់នាងផ្លាស់ប្តូរជាដើម។

ក្រុមហ៊ុនបានសង្កត់ធ្ងន់ថា ការផ្សព្វផ្សាយពាក្យចចាមអារ៉ាមមិនពិតរបស់អ្នកបោះពុម្ពផ្សាយបានធ្វើឲ្យប៉ះពាល់ដល់នាង យ៉ាងធ្ងន់ធ្ងរ ទាក់ទាញការចាប់អារម្មណ៍ និងការបញ្ចេញមតិមិនពិតពីអ្នកលេងអ៊ីនធឺណិត រំលោភលើសេចក្តីថ្លៃថ្នូររបស់ស្ត្រី។ ជាមួយគ្នានេះ ព័ត៌មាននេះក៏បង្កើតឥទ្ធិពលអវិជ្ជមានលើមតិសាធារណៈផងដែរ។

មុននេះ ពាក្យចចាមអារ៉ាមអំពីការលែងលះរវាង Liu Shishi​ និង Nicky Wu​ បានធ្វើឲ្យមានការចាប់អារម្មណ៍ជាសាធារណៈនៅក្នុងប្រទេសចិន។ ពាក្យគន្លឹះស្វែងរកអំពីគូស្នេហ៍បានឡើងដល់លេខ១នៅលើចំណាត់ថ្នាក់ Hotsearch របស់ Weibo ។

ព័ត៌មាននេះបានមកពីអ្នកសរសេរប្លក់មួយរូប ដោយមានតម្រុយថា «តារាស្រីដែលទើបតែឈ្នះពានរង្វាន់ «ទេពធីតាខៀវ» របស់ អាយឃ្យូ យី បានបញ្ចប់នីតិវិធីលែងលះជាមួយស្វាមី ដោយរង់ចាំថ្ងៃប្រកាស។ អ្នក​ដែល​ទទួល​បាន​ពាន​រង្វាន់​នេះនោះ​គឺ Liu Shishi។

បន្ទាប់ពីការសង្ស័យអំពីការលែងលះបានកើតឡើង ប្រព័ន្ធផ្សព្វផ្សាយចិនបានរកឃើញព័ត៌មានថាក្រុមហ៊ុនរួមគ្នារវាង Liu Shishi​ និង Liu Shishi ហាក់ដូចជាបានឈប់ដំណើរការហើយ។ ទោះ​បី​ជា​យ៉ាង​ណា​គូស្នេហ៍​មួយ​គូ​នេះ​នៅ​តែ​រក្សា​ភាព​ស្ងៀមស្ងាត់​នៅ​ចំពោះ​មុខ​ពាក្យ​ចចាម​អារ៉ាម​ពី​មហាជន។

គួរបញ្ចាក់ដែរថា Liu Shishi​ និង Liu Shishi បានណាត់ជួបគ្នាជាសាធារណៈក្នុងឆ្នាំ ២០១៣ បន្ទាប់ពីបានសហការគ្នាក្នុងរឿង Bu Bo Kinh Tam ។ ក្នុងឆ្នាំ ២០១៥តារាសម្តែងរូបនេះបានបញ្ចប់នីតិវិធីចុះបញ្ជីអាពាហ៍ពិពាហ៍ជាមួយមិត្តប្រុសរបស់នាងដែលមានអាយុ ១៧ ឆ្នាំ។ ប្តីប្រពន្ធនេះមានកូនប្រុសតែមួយ។ ក្នុងរយៈពេលជាង ១០ ឆ្នាំជាមួយគ្នា តារាគូស្នេហ៍មួយគូនេះ ត្រូវបានលេចឮពាក្យចចាមអារ៉ាមថា បែកគ្នាម្តងហើយម្តងទៀត។ ​យ៉ាង​ណា អ្នក​ទាំង​ពីរ​បាន​បដិសេធ​ដោយ​បញ្ជាក់​ថា​ទំនាក់​ទំនង​នៅ​តែ​ល្អ​ប្រសើរ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង​​ ស្រីល័ក្ខ

ចុចអាន៖គូស្នេហ៍​តារា​ថៃ៥ដួង ប្រកាស​ចែកផ្លូវគ្នា​ក្នុង​ឆ្នាំ ២០២៤ ទោះធ្លាប់មើលចិត្តគ្នាដល់ទៅ១៥ឬ២០ឆ្នាំក្ដី