ព័ត៌មានអន្ដរជាតិ

ការវិនិយោគបរទេសនៅថៃ កើនឡើងកប់ពពកនៅឆ្នាំនេះ ជាង ១១០ ភាគរយ

បានផុស

២១ វិនាទី មុន

នៅ

ថ្ងៃពុធ ២៥ ធ្នូ ២០២៤

ដោយ

នាយកដ្ឋានអភិវឌ្ឍន៍អាជីវកម្មថៃ បានឲ្យដឹងកាលពីថ្ងៃអង្គារ ក្រុមហ៊ុនបរទេសសរុបចំនួន ៨៨៤ បានទទួលការអនុម័តឱ្យវិនិយោគក្នុងប្រទេសថៃ នៅរយៈពេល ១១ ខែដើមឆ្នាំ ២០២៤ ក្រោមច្បាប់ធុរកិច្ចបរទេសឆ្នាំ ១៩៩៩។ នេះបើតាមការចុះផ្សាយរបស់កាសែត The Nation។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការវិនិយោគទាំងនេះ សរុបជាទឹកប្រាក់ប្រមាណ ២១៣,៩៦ ប៊ីលានបាត ដោយកើនឡើងប្រមាណ ១១៨ ភាគរយ ធៀបនឹងរយៈពេលដូចគ្នាកាលពីឆ្នាំមុន។

អគ្គនាយកនៃនាយកដ្ឋាន លោក Oramon Sapthaweetham បាននិយាយថា ចំនួនក្រុមហ៊ុនបរទេសដែលត្រូវបានអនុម័តនៅឆ្នាំនេះ មានចំនួន ៦១២ ក្រុមហ៊ុន ដោយបានកើនឡើងចំនួន ៤៤ ភាគរយ ធៀបនឹងឆ្នាំមុន។ ទោះជាយ៉ាងណាក៏ដោយ ការជួលជនជាតិថៃឱ្យបម្រើការ បានធ្លាក់ចុះរហូតដល់ជាង ៤០ ភាគរយ មកត្រឹម ៣ ៦៧១ នាក់ នៅឆ្នាំនេះ។

ប្រទេសដែលជាប្រភពនៃការវិនិយោគធំៗ រួមមាន ជប៉ុន សិង្ហបុរី ចិនដីគោក សហរដ្ឋអាមេរិក និងក្រុងហុងកុង។ លោក Oramon បាននិយាយថា អាជីវកម្មដែលទទួលបានការវិនិយោគពីបរទេសខ្ពស់រួមមាន ការរចនាវិស្វកម្មសម្រាប់ឧស្សាហកម្មរថយន្ត ការផ្គុំអេឡិចត្រូនិក និងអគ្គិសនី សេវាកម្មកម្មវិធីវេទិកា ការផលិតគ្រឿងបន្លាស់សម្រាប់ឧស្សាហកម្មរថយន្ត ដែក និងប្លាស្ទិកជាដើម៕