ព័ត៌មានអន្ដរជាតិ
និន្នាការពលរដ្ឋម៉ាឡេស៊ីទៅធ្វើការនៅសិង្ហបុរីកើនឡើង ដោយសារតែប្រាក់ខែថ្លៃ អាចសន្សំទុកពេលចូលនិវត្តន៍
សារព័ត៌មានក្នុងតំបន់ផ្សេងៗបានរាយការណ៍ថា និន្នាការពលរដ្ឋម៉ាឡេស៊ីទៅធ្វើការនៅក្នុងប្រទេសសិង្ហបុរីបានកើនឡើង ដោយសារតែប្រាក់ខែនៅបុរីរដ្ឋអាស៊ីអាគ្នេយ៍មួយនេះខ្ពស់ ដែលអាចឱ្យពួកគេសន្សំប្រាក់ទុកពេលចូលនិវត្តន៍។
សារព័ត៌មានសិង្ហបុរី CNA បានស្រង់សម្ដីជនជាតិម៉ាឡេស៊ីម្នាក់ ឈ្មោះ Gunavathi Chinasamy វ័យ ២៩ ឆ្នាំ ដែលនិយាយថា នាងអាចរកប្រាក់បានប្រមាណ ១ ៨៤៥-២០៦៧ ដុល្លារអាមេរិក/ខែ សម្រាប់តំណែងជានាយិកាប្រតិបត្តិនៅទីភ្នាក់ងារការងារមួយក្នុងប្រទេសសិង្ហបុរី។ នាងអះអាងថា មុខតំណែងដូចគ្នានេះ ទទួលបានប្រាក់ខែតែជាមធ្យម ៦៦៨ ដុល្លារអាមេរិក/ខែ នៅក្នុងប្រទេសរបស់ខ្លួន។
ប្រភពមួយរូបទៀត ឈ្មោះ Lee Yen Nee វ័យ ៣៦ ឆ្នាំ បានផ្ដល់អំណះអំណាងដល់កាសែត Nikkei ក្នុងន័យដូចគ្នា ដោយបាននិយាយថា៖ «ប្រសិនបើខ្ញុំសម្រេចចិត្តត្រឡប់ទៅប្រទេសម៉ាឡេស៊ីវិញដើម្បីចូលនិវត្តន៍ ពិតណាស់ ប្រាក់សន្សំមកពីធ្វើការនៅសិង្ហបុរី នឹងអាចជួយខ្ញុំបាន»។ អ្នកស្រីបន្ថែមថា៖ «ធ្វើការនៅសិង្ហបុរីប្រហែលជាអាចឱ្យខ្ញុំ ចូលនិវត្តន៍មុនកំណត់ផង»។
សារព័ត៌មាន AsiaOne បានរាយការណ៍ដោយដកស្រង់សម្តីពីមន្រ្តីនៃភ្នាក់ងារជ្រើសរើសបុគ្គលិកសិង្ហបុរី ManpowerGroup Singapore ថា ចំនួនដាក់ពាក្យការងារចន្លោះពីធ្នូ ឆ្នាំ ២០២៣ ដល់ខែមករា ឆ្នាំ ២០២៤ បានកើនឡើងទ្វេរដង ធៀបនឹងរយៈពេលដូចគ្នានៃឆ្នាំ ២០២២-២០២៣។
ចំណែកឯទិន្នន័យពីក្រុមហ៊ុន Cultivar Staffing & Search ដែលជាក្រុមហ៊ុនជ្រើសរើសបុគ្គលិកផ្សេងទៀត បានបង្ហាញថា បេក្ខជនម៉ាឡេស៊ីដែលមានក្នុងការប្រកាសការងារនៅត្រីមាសទី ១ ឆ្នាំ ២០២៤ បានកើនឡើង ៣០ ភាគរយ ធៀបនឹងរយៈពេលដូចគ្នាកាលពីឆ្នាំមុន។
មូលហេតុដែលធ្វើឱ្យពលរដ្ឋម៉ាឡេស៊ីប្រើប្រទេសសិង្ហបុរី ដើម្បីសន្សំប្រាក់របស់ពួកគេ គឺថា សិង្ហបុរីមានសេដ្ឋកិច្ចរឹងមាំ ប្រព័ន្ធចូលនិវត្តន៍ល្អ ប្រាក់ខែខ្ពស់ និងឱកាស និងបរិយាកាសការងារដ៏ប្រសើរ ។ ជាមួយគ្នានោះ កំណើនប្រាក់ខែនៅម៉ាឡេស៊ី ដើរមិនទាន់នឹងកំណើននៃតម្លៃនៃការរស់នៅប្រចាំថ្ងៃរបស់ប្រទេស ដែលធ្វើឱ្យកម្មករមានជំនាញទាបៗ និងល្មមៗ ពិបាកនឹងសន្សំប្រាក់។
ការសិក្សារបស់រដ្ឋាភិបាលម៉ាឡេស៊ីឆ្នាំ ២០២២ បានរកឃើញថា ២/៣ នៃប្រជាជនម៉ាឡេស៊ីដែលរស់នៅ និងធ្វើការក្នុងប្រទេសសិង្ហបុរី ទទួលបានប្រាក់ខែចន្លោះពី ១ ១០៤-២ ៦៤៩ ដុល្លារអាមេរិក ខណៈ ២០ ភាគរយ ទៀត រកបានចន្លោះពី ២ ៦៤៩- ៧ ៣៦០ ដុល្លារអាមេរិក។
ផ្ទុយទៅវិញ ការស្ទង់មតិរបស់គេហទំព័រប្រៀបធៀបប្រាក់ខែ Salary Explorer បានបង្ហាញថា ៦៥ ភាគរយ នៃអ្នកធ្វើការនៅម៉ាឡេស៊ីរកបានចន្លោះ ៨៥៨-២ ២០៤ ដុល្លារអាមេរិក/ខែ ខណៈ ២០ ភាគរយ រកបានត្រឹម ៨៥៨ ឬតិចជាងនេះ/ខែ៕
ចេញសម្ដែងរឿងយូរក្រែលហើយ តារាជើងចាស់ Lee Soon Jae ទើបឈ្នះរង្វាន់ ក្នុងវ័យ ៩០ ឆ្នាំ
តម្លៃប្រេងអន្តរជាតិបន្តហក់ឡើង ជុំវិញទណ្ឌកម្មរបស់អាមេរិកលើការផ្គត់ផ្គង់ប្រេងរុស្ស៊ី
NLC ប្រកាសគាំទ្រច្បាប់ដាក់ក្រុមប្រឆាំងជ្រុលនិយមទៅជាក្រុមភេរវករ
បុណ្យសាសនាធំបំផុតនៅឥណ្ឌា រំពឹងមនុស្សចូលរួម ៤០០លាននាក់ដើម្បីងូតទឹកពិសិដ្ឋ
ត្រូវនឹងបុណ្យ៧ថ្ងៃ Ruthko ផង ផេកនៅតែចាក់ឡាយកម្មវិធីឃើញវត្តមាននៅរស់រវើក ធ្វើឲ្យអ្នកគាំទ្រមើលទាំងទឹកភ្នែក
ជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
នគរបាលបញ្ជូនអ្នកបើករថយន្ដបុកម៉ូតូស្លាប់ឪពុកកូន៣នាក់នៅផ្លូវ៦០ម៉ែត្រទៅតុលាការ
មនុស្សស្លាប់ដោយសារភ្លើងឆេះព្រៃនៅ LA កើនដល់២៤នាក់ ខណៈ តួលេខអាចហក់ឡើងខ្ពស់ទៀត
យុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
រោងចក្រផលិតសំបកកង់រថយន្តថ្មីមួយទៀត តម្លៃជាង ៥០០ លានអាមេរិក បើកការដ្ឋានសាងសង់នៅខេត្តស្វាយរៀង
-
ព័ត៌មានជាតិ៤ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍១ សប្តាហ៍ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ចរាចរណ៍៣ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៥ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ២ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៣ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៥ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៣ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ