ព័ត៌មានអន្ដរជាតិ
បក្សប្រឆាំងកូរ៉េខាងត្បូងបង្ហាញផែនការបោះឆ្នោតតែងតាំងចៅក្រមតុលាការធម្មនុញ្ញ៣រូប ជាឯកតោភាគី
សេចក្តីរាយការណ៍របស់សារព័ត៌មានកូរ៉េ បានឲ្យដឹងថា គណបក្សប្រជាធិបតេយ្យដែលជាបក្សប្រឆាំងធំបំផុតនិងក្តោបក្តាប់សមាជិករដ្ឋសភាស្ទើរទាំងស្រុង មានផែនការអនុម័តជាឯកតោភាគីតែងតាំងចៅក្រមតុលាការធម្មនុញ្ញចំនួន៣រូបដើម្បីបំពេញកន្លែងចៅក្រមដែលផុតអាណត្តិ ដើម្បីដំណើរការក្តីលើសំណុំរឿងចោទប្រកាន់លោក Yoon Suk Yeol។
ការប្រកាសនេះកើតមានឡើងក្រោយសមាជិកសភារបស់គណបក្សអំណាចប្រជាជន (PPP) របស់ប្រធានាធិបតី Yoon Suk Yeol បានប្រកាន់គោលជំហររារាំងដល់ដំណើរការសម្រេចសេចក្តីលើនីតិវិធីបញ្ចប់អំណាចជាផ្លូវការរបស់ប្រធានាធិបតី Yoon ដែលសភាជាតិកូរ៉េបោះឆ្នោតទម្លាក់កាលពីថ្ងៃទី១៤ខែធ្នូ។
សភាកូរ៉េខាងត្បូងដែលគ្រប់គ្រងជិត២ភាគ៣នៃសមាជិកសភាទាំង៣០០នៅថ្ងៃពុធនេះ ប្រុងបោះឆ្នោតទម្លាក់អំណាច នាយករដ្ឋមន្ត្រី និងជាប្រធានាធិបតីស្តីទី លោក Han Duck-soo ទៀត ដោយសារតែលោក Han មិនចេញក្រឹត្យដើម្បីប្រកាសឲ្យប្រើច្បាប់ស្តីពីការបង្កើតក្រុមស៊ើបអង្កេតពិសេស ដែលនឹងពិនិត្យករណី ប្រធានាធិបតី Yoon Suk Yeol និងភរិយារបស់ប្រធានាធិបតី។ ប៉ុន្តែតាមសេចក្តីរាយការណ៍របស់ Korea Herald ផែនការបោះឆ្នោតទម្លាក់នោះត្រូវផ្អាកវិញនៅ២ម៉ោងក្រោយមក។
លោក Han Duck-soo ដែលបច្ចុប្បន្នកាន់តួនាទីជាប្រធានាធីបតីស្តីទី និងជានាយករដ្ឋមន្ត្រីដែលតែងតាំងដោយប្រធានាធិបតី Yoon Suk Yeol បានបង្អាក់ការចង់បានរបស់សភាជាតិកូរ៉េដែលបញ្ជូនច្បាប់បង្កើតក្រុមស៊ើបអង្កេតពិសេសមួយដើម្បីពិនិត្យមើលផ្លូវច្បាប់លើករណីលោក Yoon ដែលប្រកាសដាក់ច្បាប់អាជ្ញាសឹកខុសរដ្ឋធម្មនុញ្ញ និងនាំទៅរកភាពវឹកវរក្នុងប្រទេស។
គណបក្សប្រជាធិបតេយ្យធំជាគេនៅក្នុងរដ្ឋសភា បានអះអាងថា ខ្លួនអាចបោះឆ្នោតទម្លាក់ប្រធានាធិបតីស្តីទីត្រឹមតែសំឡេង១៥១ប៉ុណ្ណោះនៅក្នុងរដ្ឋសភាក្នុងចំណោមសមាជិកសភា៣០០សំឡេង។ បច្ចុប្បន្ននេះ គណបក្សប្រឆាំងធំបំផុតក្នុងប្រទេសកូរ៉េខាងត្បូងមានសមាជិកសភារហូតដល់ទៅ១៧០ ដែលគ្រប់គ្រាន់សម្រាប់ការបោះឆ្នោតទម្លាក់ប្រធានាធិបតីស្តីទី ដែលកាន់តួនាទីជានាយករដ្ឋមន្ត្រី។
ប៉ុន្តែគណបក្សកាន់អំណាចបានអះអាងផ្ទុយថា សមាជិកសភាយ៉ាងតិច២០០ត្រូវការដើម្បីអនុម័តទម្លាក់ប្រធានាធិបតីស្តីទី Han Duck-soo ដែលដាក់លក្ខខណ្ឌទាមទារឲ្យមានការសម្របសម្រួលនយោបាយរវាងអំណាចសភានិងអំណាចប្រធានាធិបតីដែលមានជម្លោះនាពេលនេះ៕
ដោយ រ៉ាន់ រើយ
នគរបាលខណ្ឌពោធិ៍សែនជ័យ ចុះល្បាតតាមភូមិសាស្ត្រ ឃាត់ខ្លួនក្មេងទំនើង ៥ នាក់
កម្ពុជា-វៀតណាម រៀបចំតាំងពិព័រណ៍ផលិតផលសក្តានុពលរួមគ្នារយៈពេល៥ថ្ងៃ នៅក្នុងខេត្តមណ្ឌលគិរី
គម្រោងសាងសង់ផ្លូវក្រវាត់ព្រំដែន សម្រេចបានលទ្ធផលមួយចំនួន បន្ទាប់ពីបើកការដ្ឋានជិត ២ ខែ
ឡើងដឹកនាំជាអភិបាលខេត្តព្រះសីហនុបន្តពីលោក គួច ចំរើន លោក ម៉ាង ស៊ីណេត ប្រាប់ពីផែនការក្នុងការដឹកនាំអភិវឌ្ឍខេត្តព្រះសីហនុ
នគរបាលខណ្ឌជ្រោយចង្វារឃាត់ខ្លួនក្រុមបង្ហោះម៉ូតូតាមផ្លូវសាធារណៈ៧នាក់
ស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
ឆេះផ្ទះលក់ទូរស័ព្ទដៃ២ទីតាំងទាំងស្រុង ផ្អើលពលរដ្ឋជិតវត្តសន្សំកុសល
អាមេរិក រកឃើញ ថ្នាំបន្តក់ភ្នែកមួយប្រភេទ មានមេរោគផ្សិត អាចបណ្តាលឲ្យខ្វាក់ ឬស្លាប់
នាយករដ្ឋមន្ត្រីបញ្ជាឱ្យពិនិត្យធ្វើវិសោធនកម្មច្បាប់រឹតបន្ដឹងលើសកម្មភាពក្មេងទំនើង
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ៧ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម២ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៦ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៦ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម១៧ ម៉ោង agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ