ព័ត៌មានជាតិ
មេសហជីព ជំរុញកម្មករខិតខំបំពេញការងារបន្ថែមទៀត ដើម្បីបង្កើនផលិតភាពការងារ កាន់តែប្រសើរ ឆ្លើយតបប្រាក់ឈ្នួលថ្មី
មេសហជីព បានជំរុញឱ្យកម្មករ-និយោជិត យកចិត្តទុកដាក់ខិតខំបំពេញការងារបន្ថែមទៀត ដើម្បីបង្កើនផលិតភាពការងារកាន់តែប្រសើរ ឆ្លើយតបនឹងប្រាក់ឈ្នួលថ្មី ខណៈចាប់ពីដើមឆ្នាំ ២០២៥ ខាងនេះតទៅ កម្មករ-និយោជិត នឹងទទួលបានប្រាក់ឈ្នួលអប្បបរមាថ្មីចំនួន ២០៨ ដុល្លារ ក្នុង ១ ខែ។
លោក សំ សឿន ប្រធានសហភាពពលកម្មជាតិកម្ពុជា បានមានប្រសាសន៍នៅរសៀលថ្ងៃទី ២៧ ធ្នូ នេះថា ចាប់ពីខែមករា ឆ្នាំ ២០២៥ ខាងមុខនេះតទៅ ប្រាក់ឈ្នួលអប្បបរមាថ្មីរបស់កម្មករ-និយោជិត នឹងទទួលបានចំនួន ២០៨ ដុល្លារ ក្នុង ១ ខែ កើនឡើង ៤ ដុល្លារ ធៀបឆ្នាំ ២០២៤។
លោកបានបន្តថា «ក្នុងនាមសហជីព ខ្ញុំពិតជាមានភាពរីករាយដែលរាជរដ្ឋាភិបាលបានតម្លើងប្រាក់ឈ្នួលថ្មី ២០៨ ដុល្លារនេះ សម្រាប់ឆ្នាំ ២០២៥ ខាងមុខនេះ។ កំណើន នៃប្រាក់ឈ្នួលនេះវាពិតជាបានផ្តល់នូវអត្ថប្រយោជន៍ជាច្រើនជួយដល់ជីវភាពរស់នៅរបស់កម្មករ-និយោជិត ក៏ដូចជាជួយបង្កើននូវសេដ្ឋកិច្ចគ្រួសារ និងសង្គមជាតិផងដែរ»។
លោកបានណែនាំដល់កម្មករ-និយោជិត មេត្តាយកចិត្តទុកដាក់ក្នុងការបំពេញការងារ ត្រូវគោរពនូវវិន័យ និងការចាត់តាំងរបស់រោងចក្រ ក៏ដូចជាប្រធានរបស់ខ្លួន ដើម្បីទទួលយកនូវបច្ចេកទេស និងបទពិសោធថ្មីៗ ដើម្បីធ្វើយ៉ាងណាបង្កើនផលិតភាពការងារកាន់តែកើនឡើង និងមានគុណភាពខ្ពស់ ព្រមទាំងចេះយោគយល់ និងអធ្យាស្រ័យគ្នាទៅវិញទៅមក ដើម្បីសម្រេចបានសហគ្រាសមួយជាកន្លែងសុខសាន្តមួយ ដែលជាបំណងប្រាថ្នា និងជាការកំណត់គោលនយោបាយរបស់រាជរដ្ឋាភិបាល ក្រោមការដឹកនាំរបស់ សម្តេចធិបតី ហ៊ុន ម៉ាណែត។
លោកបានបន្ថែមថា «នៅពេលរោងចក្រមានការបង្កើនផលិតភាព និងគុណភាព និងការបំពេញការងារបានល្អនោះ បងប្អូនកម្មករ-និយោជិត នឹងទទួលបានឱកាស និងអត្ថប្រយោជន៍កាន់តែប្រសើរជាងច្បាប់ការងារដែលបានកំណត់ ក៏ដូចជាទទួលបានការតម្លើងប្រាក់ឈ្នួលជារៀងរាល់ឆ្នាំ ហើយក្រុមប្រឹក្សាប្រាក់ឈ្នួលនឹងរៀបចំកិច្ចប្រជុំប្រាក់ឈ្នួលទៀងទាត់ ដើម្បីតម្លើងប្រាក់ឈ្នួលជូនបងប្អូនកម្មករ-និយោជិត ផងដែរ»។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានអំពាវនាវដល់ម្ចាស់ផ្ទះជួល ក៏ដូចជាអ្នកលក់ទំនិញ កុំតម្លើងថ្លៃទំនិញ និងតម្លើងថ្លៃផ្ទះជួលទៅតាមប្រាក់ឈ្នួលអប្បបរមារបស់បងប្អូនកម្មករ-និយោជិត។ ត្រូវរក្សាតម្លៃ ឬបញ្ជរចុះតម្លៃ ដើម្បីចូលរួមចំណែកលើកស្ទួយដល់ជីវភាពបងប្អូនកម្មករ-និយោជិត និងក្រុមគ្រួសារ ឱ្យបានកាន់តែប្រសើរឡើងជាមួយរាជរដ្ឋាភិបាល។
លោក កត្តា អ៊ន បានបន្តថា ប្រាក់ឈ្នួលអប្បបរមាថ្មីចំនួន ២០៨ ដុល្លារ ក្នុង ១ ខែ នឹងចាប់ផ្ដើមអនុវត្តពីខែមករា ឆ្នាំ ២០២៥ ខាងមុខនេះតទៅ កើន ៤ ដុល្លារ បើធៀបទៅនឹងឆ្នាំ ២០២៤ ហើយបើគិតទាំងអត្ថប្រយោជន៍ផ្សេងៗ ទៀត ជាមធ្យមកម្មករ-និយោជិតម្នាក់ៗ នឹងទទួលបានប្រាក់ឈ្នួលយ៉ាងតិចចាប់ពី ២៣០ ដុល្លារ ទៅ ៣០០ ដុល្លារ ក្នុង ១ ខែៗ៕
អត្ថបទ ៖ សំអឿន
រដ្ឋមន្ត្រីមហាផ្ទៃបង្ហើបពីការសិក្សាកែសម្រួលការជ្រើសរើស និងលក្ខណៈសម្បត្តិថ្នាក់ដឹកនាំភូមិ
Justin ស្រាប់តែ Unfollow ភរិយានិងប៉ាក្មេក ខណៈគេសង្ស័យថា ចំណងអាពាហ៍ពិពាហ៍រង្គោះរង្គើ
ឥណ្ឌូណេស៊ីពិន័យ Google ជាង ១២ លានដុល្លារ ដោយចោទពីបទ «អនុវត្តអាជីវកម្មមិនស្មើភាពគ្នា»
រថយន្តកូរ៉េដឹកជ្រូក បើកគេចម៉ូតូឆ្លងផ្លូវ ជ្រុលបុកខឿនចែកទ្រូងផ្លូវខ្ទាតប៉ះម៉ូតូដួល របួសធ្ងន់ម្នាក់
ក្រសួងកសិកម្ម ឧបត្ថម្ភថវិកា ២៥០០ ដុល្លារ ជួយអន្តរាគមន៍បូមទឹកសង្គ្រោះស្រូវប្រាំងនៅស្រុកឆ្លូង
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ