ប្រមុខ​រាជរដ្ឋាភិបាល​ដាក់​បទ​បញ្ជា​ឲ្យ​រៀប ចំ​បង្កើត​គណៈកម្មការ​ចំពោះ​កិច្ច ដើម្បី​រៀបចំ​ដំណើរ​ការចាក់​វ៉ាក់សាំង​ឲ្យ​បានល្អ

មានប្រសាសន៍​តាមរយៈ​សារ​ជា​សំឡេង​នា ​ល្ងាច​ថ្ងៃទី​១៦ ខែមីនា ឆ្នាំ​២០២១​នេះ សម្ដេច​អគ្គមហាសេនាបតី​តេ​ជោ ហ៊ុនសែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ដាក់បទបញ្ជា​ឲ្យ​រៀប ចំ​បង្កើត​គណៈកម្មការ​ចំពោះ​កិច្ច ដើម្បី​រៀបចំ​ដំណើរ​ការចាក់​វ៉ាក់សាំង​ឲ្យ​បានល្អ ក្នុងនោះ មាន​ស្រី​វេជ្ជបណ្ឌិត ឱ វណ្ណឌី​ន ជា​ប្រធាន ។

សម្ដេច​បាន​លើកឡើងថា កន្លងទៅ​ទាក់ទង​ទៅ​នឹង​ដំណើរការ​វ៉ាក់សាំង ដំណើរការ​លទ្ធកម្ម និង​ការស្វែងរក​កំពុងតែ​ដំណើរការ​ទៅ​យ៉ាងសកម្ម ហើយ​ក្នុងពេល​ជាមួយគ្នា​នេះ​ដែរ ដំណើរការ​ផ្នែក​ចាក់​វ៉ាក់សាំង​ក្នុង​ជំហាន​ដំបូង ក៏​ទទួលបាន​លទ្ធផល​ល្អប្រសើរ ទាំង​លើ​ផ្នែក​កងទ័ព និង​ផ្នែក​ស៊ីវិល ប៉ុន្តែ​ដើម្បី​ឲ្យ​ការងារ​នេះ​ទៅមុខ​យ៉ាង​ល្អប្រសើរ សម្តេច​ស្នើ​ឲ្យ​មានការ​រៀបចំ​គណៈកម្មកា​រ​ចំពោះ​កិច្ច​មួយ ដើម្បី​ទទួលបន្ទុក​រ៉ាប់រង​ក្នុងការ ក្នុង​ការចាក់​វ៉ាក់សាំង ទាំង​ផ្នែក​ស៊ីវិល ទាំង​ផ្នែក​កងទ័ព និង​ផ្នែក​នគរបាល​។

ជាមួយគ្នា​នោះ​សម្ដេច​អគ្គមហាសេនាបតី​តេ​ជោ ហ៊ុន សែន បានស្នើ​សុំ​ឲ្យ​តែងតាំង​លោកស្រី​វេជ្ជបណ្ឌិត ឱ វណ្ណឌី​ន ធ្វើជា​ប្រធាន​គណៈកម្មការ​ចំពោះ​កិច្ច​ទទួលបន្ទុក​គ្រប់គ្រង ដឹកនាំ​ការចាក់​វ៉ាក់សាំង នៅ​ក្របខ័ណ្ឌ​ទូទាំងប្រទេស​។ ដោយ​រៀបចំ​ផែនការមេ​បន្ត​ពី​ការងារ​ដែល​កំពុង​ធ្វើ​សព្វថ្ងៃនេះ​។

បើតាម​សម្ដេច​តេ​ជោ ហ៊ុន សែន នាពេលខាងមុខ​វាក់​សាំង​នឹង​មកដល់​ជា​បន្តបន្ទាប់​ដែល​ចាំបាច់​ត្រូវមាន​ផែនការមេ​មួយ​ជាក់លាក់ ដូច្នេះ​សម្ដេច​ស្នើសុំ​ឲ្យ​លោក ស្រី​វេជ្ជបណ្ឌិត ឱ វណ្ណឌី​ន ធ្វើជា​ប្រធាន​គណៈកម្មការ​នេះ ហើយ​លោកស្រី​ត្រូវ​ស្នើសុំ​រដ្ឋមន្ត្រី ឬ​ទៅ​សម្ដេច​ផ្ទាល់ ដើម្បី​តែងតាំង​អ្នកណា​ផ្សេងទៀត ទាំង​នៅក្នុង​ក្រសួងសុខាភិបាល ទាំង​នៅក្នុង​ក្រសួង​ពាក់ព័ន្ធ ដូចជា​ក្រសួង​សេដ្ឋកិច្ច និង​ហិរញ្ញវត្ថុ ក្រសួងការពារជាតិ និង​ក្រសួង មហាផ្ទៃ​ជាដើម ដើម្បី​ចូលរួម​នៅក្នុង​គណៈកម្មការ​នេះ​។ សម្ដេច​បញ្ជាក់ថា បើ​មិន​ធ្វើ​ដូច្នេះ​ទេ ការងារ​នៅ​សាំញ៉ាំ និង​ចល័ត​មិន​រហ័ស

​សម្ដេច​តេ​ជោ​បាន​បញ្ជាក់ថា ពេលនេះ​យើង​មាន​អង្គភាព​ពីរ ដែល​ត្រូវ​រៀបចំ ដែល​អង្គភាព​មួយ គឺជា​អង្គភាព​ដឹកនាំ​ធ្វើ​លទ្ធកម្ម សម្រាប់​ការទិញ​សម្រាប់​ការរក​ជំនួយ​ផ្សេងៗ ដែល​ត្រូវសុំ​យោបល់​ពីស​ម្ដេច រាប់ទាំង​ការសុំ​យោបល់​នៅថ្ងៃនេះ​ដែល​ត្រូវ​ទិញ​៤ លាន​ដូ​ស​។ សម្ដេច​បន្តថា ពេលនេះ គឺ​ការរៀបចំ​ផែនការមេ​ឲ្យ​បាន​ច្បាស់ និង​ស្របទៅតាម​ស្ថានភាព​ជាក់ស្ដែង ដែល​បាននិងកំពុង​កើតឡើង។

ជាមួយគ្នា​នោះ​ សម្ដេច​បានស្នើ​សុំ​ឲ្យ​លោក ម៉ម ប៊ុនហេង ពិភាក្សាគ្នា​ជាមួយ​លោក ស្រី​វេជ្ជបណ្ឌិត ឱ វណ្ណឌី​ន ថា​ត្រូវការ​អ្នកណា​ទៀត ក្នុងការ​ចូលរួម​គណៈ​កម្ម​ការ​ចំពោះ​កិច្ច​នេះ​។ ជាមួយគ្នា​នោះ​សម្ដេច​ស្នើ​សុំ​ឲ្យ​រៀបចំ​រដ្ឋលេខាធិការ អនុរដ្ឋលេខាធិការ មួយចំនួន​ចូលរួម​នៅក្នុង​កិច្ច​ការងារ​ណា ដែលមាន​លក្ខណៈ​ជា​កិច្ចការ​ប្រយុទ្ធប្រឆាំង​កូ​វីដ​១៩ ដើម្បី អោយ​ដំណើរការ​ប្រព្រឹត្តទៅបាន​រលូន​។

ដោយឡែក​នៅ​តាម​រាជធានី ខេត្ត អាច​មាន​អនុគណៈកម្មការ​ចំពោះ​កិច្ច ក្នុង ករណី​ចាំបាច់ ដើម្បីឱ្យ​តាម​ខេត្ត​មានការ​ទទួលខុសត្រូវ និង​តាម​ស្ថាប័ន​នីមួយៗ​មានការ​ទទួលខុសត្រូវ​។ ដោយឡែក​នៅតាម​ស្ថាប័ន​ផ្សេងៗ​គាត់​ត្រូវ​មាន​អនុគណៈកម្មការ ដើម្បី​រៀបចំ​ចាក់​វ៉ាក់សាំង​ឲ្យ​បុគ្គលិក​របស់​ខ្លួន ជាពិសេស​ទាក់ទង​ទៅ​នឹង​ក្រសួង​ការងារ​និង​បណ្ដុះបណ្ដាល​វិជ្ជាជីវៈ ដែល​ចាំបាច់​ត្រូវ​ចាក់​វ៉ាក់សាំង​ឲ្យ​កម្មករ​កម្មការិនី​នាពេលខាងមុខ ដែល​ចាំបាច់​ត្រូវ​រៀបចំ​បញ្ជី​រោងចក្រ​នៅ​តំបន់​ណា ដែល​ត្រូវ​ចាក់​មុន ហើយ​រោងចក្រ​នៅ​តំបន់​ណា ដែល​ត្រូវ​ចាក់​ក្រោយ ហើយ​ក្នុងនោះ កម្មករ​កម្មការិនី​ក្រៅ​ប្រព័ន្ធ ក៏ត្រូវ​ចាក់​ផងដែរ ដែល​ទទួលបាន​ការយ​ក​ចិត្ត​ទុកដាក់ ដូច​ពេល​កន្លងទៅ ដែល​យើង​បាន​ចាក់ឱ្យ​កម្មករ​ប្រមូល​សំរាម​នៅ​ទីក្រុង​ភ្នំពេញ​។

ដោយឡែក​ក្រសួង​អប់រំ​យុវជន និង​កីឡា ទីក្រុង​ភ្នំពេញ​ក៏បាន​សម្រេច​ឲ្យ​មានការ​ចាក់​វាក់​សាំង​ជូន​គ្រូបង្រៀន​នៅ​ទីក្រុង​ភ្នំពេញ​ខេត្តកណ្ដាល​ខេត្តព្រៃវែង​ខេត្តកោះកុង ខេត្ត​ព្រះសីហនុ សម្រាប់​ក្រុម​គ្រូបង្រៀន ប៉ុន្តែ​ដំណើរការ​នេះ​ត្រូវ​បញ្ជាក់​ឲ្យ​បាន​ច្បាស់ ហើយ​ក្រសួង​អប់រំ​ត្រូវ​ទទួលខុសត្រូវ​ផ្នែក​ការចាក់​វ៉ាក់សាំង​ឲ្យ​គ្រូបង្រៀន និង​សិស្ស​និស្សិត​។

​សម្ដេច​តេ​ជោ ហ៊ុន សែន បានលើកឡើង​ទៀតថា រាជធានី ខេត្ត ត្រូវ​ទំនាក់ទំនង​ជួប​ជាមួយ​មូលដ្ឋាន ដូចជា​អ្នកលក់ដូរ អ្នករត់​តាក់ស៊ី អ្នក​រត់​កង់​បី និង​អ្នកមាន​អាទិភាព​មួយចំនួនទៀត​។ សម្ដេច​បាន​បន្តថា ក្រៅពី​គណៈកម្មការ​ចំពោះ​កិច្ច​នៅ​ថ្នាក់ជាតិ ដែលមាន​លោកស្រី​វេជ្ជបណ្ឌិត ឱ វណ្ណឌី​ន ជា​ប្រធាន ក៏​គប្បី​បង្កើត​គណៈកម្មការ​ចំពោះ​កិច្ច​នៅតាម​ស្ថាប័ន​ថ្នាក់ជាតិ និង​អនុគណៈកម្មការ​ចំពោះ​កិច្ច​នៅ​ថ្នាក់ជាតិ និង​នៅតាម​រាជធានី ខេត្ត ផងដែរ ដើម្បី​ទទួលខុសត្រូវ​លើ​ដំណើរ​ការចាក់​វ៉ាក់សាំង​។ ពីព្រោះ​កម្ពុជា​យើង​មាន​គម្រោង​ចាក់​វ៉ាក់សាំង​យ៉ាងតិច​១០ លាន​នាក់ ដែលជា​គម្រោង​មួយ​ច្រើន ហើយ​ចាំបាច់​ត្រូវមាន​ការទទួលខុសត្រូវ​មួយ​។

​ជាមួយគ្នា​នោះ​សម្ដេច​បាន​ប្រាប់​ឲ្យ​លោកស្រី​វេជ្ជបណ្ឌិត ឱ វណ្ណឌី​ន ច្បាម​យក​នូវ​កិច្ចការ​ចាប់ពី​ម៉ោង​នេះ ទៅ​ដែល​កំពុងដំណើរការ​ចាក់​វ៉ាក់សាំង​នាពេលនេះ ហើយ​សម្រាប់​គ្រូពេទ្យ​ប្ដី​ប្រពន្ធ​ត្រូវតែ​បានទទួល​បាក់​សាំង​ទាំងអស់ ដែល​បញ្ហា​នេះ​យើង​មាន​គោលការណ៍​រួចហើយ​។

ចំណែក​គ្រូបង្រៀន​ត្រូវ​ចាក់​នៅ​តំបន់​ដែលមាន​ហានិភ័យ​មុន ហើយ​ផ្នែក​ក​ពន្ធដារ គយ អគ្គិសនី រដ្ឋាករទឹក កម្មករ សហជីព បេឡា​ជាតិ​សន្តិសុខ​សង្គម បាន​ចូល​ដាក់ បញ្ចូល​ទៅក្នុង​ផែនការ​រួចហើយ​។

​ជាមួយគ្នា​នោះ​សម្ដេច​អគ្គមហាសេនាបតី​តេ​ជោ ហ៊ុន សែន បានដាក់​ក្តី​សង្ឃឹមថា​ការងារ​នេះ នឹង​ប្រព្រឹត្តទៅបាន​ដោយ​ល្អ​ល្អ​។ សម្ដេច​បាន​បញ្ជាក់ថា នេះ​គឺជា​បទបញ្ជា​ដែល​សម្ដេច​ដាក់ជូនទៅ​ក្រសួង សុខាភិបាល ដើម្បី​ចាត់ចែង​ជាមួយ​បណ្ដា​ទទួលខុសត្រូវ​នៅតាម​ស្ថាប័ន​ដើម្បី​តម្រង់​ឆ្ពោះទៅរក​ការប្រយុទ្ធប្រឆាំង​ជំងឺ​កូ​វីដ​១៩ ដែល​ត្រូវមាន​ការបែងចែក​ឲ្យ​បាន​ច្បាស់ លាស់ ពីព្រោះ​វាក់​សាំង​នឹង​មកដល់​ប្រមាណ​១​លាន​៥ សែន​ដូ​ស នាពេលខាងមុខ​ហើយ ក៏​អី​នឹង​មកដល់​ជា​បន្ត បន្ទាប់​ទៀត​។ ជាមួយគ្នា​នោះ​កម្ពុជា​ក៏​គ្រោង​នឹង​ទិញ​វ៉ាក់សាំង​ពី​អាមេរិក (​ច​ន​សុន​) ផងដែរ​៕

ដោយ ៖ កោះ​កែវ