រក​​ឃើញ​បុរសម្នាក់​ឆ្លងកូវីដ១៩ ធ្លាប់​ពាក់ព័ន្ធតារាកប្លែង CTN

បុរសម្នាក់​ត្រូវបាន​​រក​​ឃើញ​វិជ្ជមានកូូវីដ១៩ បន្ទាប់ពី​ធ្លាប់​បាន​ពាក់ព័ន្ធនឹងអ្នក​នាង អ៊ីត​ តារា​កំប្លែងនៅ CTN។នេះបើតាមទំព័រហ្វេសបុក​​ផ្លូវការ​លោក ជា ពិសី​ អភិបាល​ខណ្ឌឫស្សីកែវ​បានផ្សាយ​មុន​នេះ។

ប្រភពបាន​ឱ្យ​ដឹង​ថា អ្នកមានវិជ្ជមាន មេរោគកូវីដ១៩ នៅព្រឹកថ្ងៃទី១៧ ខែមីនា ឆ្នាំ២០២១ (វេលាម៉ោង ០៨ និង៥០ នាទី) ក្នុងមូលដ្ឋានខណ្ឌឫស្សីកែវ បានរកឃើញអ្នកមានវិជ្ជមាននឹងមេរោគកូវីដ១៩ ចំនួន០១នាក់ បុរស អាយុ ៤១ ឆ្នាំ (ពាក់ព័ន្ធជាមួយអ្នកជម្ងឺ សេង ចិន្តា ហៅអ៉ីត ជាតារាកំប្លែង CTN) ដែលមានទីតាំងនៅ ផ្លូវជាតិលេខ៥ ភូមិផ្សារតូច សង្កាត់ទួលសង្កែទី១ ខណ្ឌប្ញស្សីកែវ រាជធានីភ្នំពេញ។

បច្ចុប្បន្នអ្នកជម្ងឺម្នាក់នេះត្រូវបានបញ្ជូនទៅព្យាបាល នៅអតីតសណ្ឋាគារអ៉ីនធើខនទីណង់តាល់ (The Great Duke)។ ចំពោះអ្នកពាក់ព័ន្ធជាមួយអ្នកជម្ងឺ មានចំនួន ០៣ នាក់ (ស្រី ០៣ នាក់) បន្តទៀត មន្ត្រីសុខាភិបាលនឹងត្រៀមយកសំណាកទៅពិនិត្យ ដើម្បីទប់ស្កាត់ការរីករាលដាលនៃមេរោគកូវីដ១៩ជាបន្តទៀតនៅទីតាំងខាងលើ ជាចុងក្រោយ អាជ្ញាធរ បានសម្រេចបិទទីតាំងនេះជាបណ្ដោះអាសន្ន៕