ព័ត៌មានអន្ដរជាតិ
ឥណ្ឌូណេស៊ី ចាប់ផ្ដើមកម្មវិធីចែកអាហារឥតគិតថ្លៃ ដើម្បីប្រយុទ្ធប្រឆាំងនឹងជំងឺក្រិន
គម្រោងដ៏មានមហិច្ឆិតាក្នុងទំហំទឹកប្រាក់ ២៨ពាន់លានដុល្លារ ត្រូវបានរដ្ឋាភិបាលថ្មីរបស់ឥណ្ឌូណេស៊ី ចាប់ផ្ដើមដំណើរការហើយនៅថ្ងៃចន្ទទី៦ខែមករាឆ្នាំ២០២៥ ដើម្បីជួយដល់កុមារ និងស្ត្រីមានផ្ទៃពោះជិត ៩០លាននាក់ សម្រាប់ប្រយុទ្ធប្រឆាំងនឹងកង្វះអាហារូបត្ថម្ភ និងជំងឺក្រិន។
គំនិតផ្ដួចផ្ដើមនៃកម្មវិធីអាហាររូបត្ថម្ភឥតគិតថ្លៃ ធ្វើឡើងដោយលោកប្រធានាធិបតី Prabowo Subianto ដែលទើបជាប់ឆ្នោតកាលពីឆ្នាំមុន។ លោក Subianto បាននិយាយថា កម្មវិធីនេះមានគោលបំណងប្រយុទ្ធប្រឆាំងនឹងកំណើនភាពក្រិន ដែលប៉ះពាល់ដល់កុមារឥណ្ឌូណេស៊ីចំនួន ២១,៥% ដែលមានអាយុក្រោម ៥ឆ្នាំ ហើយនឹងបង្កើនប្រាក់ចំណូលរបស់កសិករ និងតម្លៃនៃការប្រមូលផលរបស់ពួកគេ។
លោក Subianto បានសន្យាថានឹងបង្កើនកំណើន GDP ពី ៥% ឡើងដល់ ៨%។
អំឡុងសុន្ទរកថានៅថ្ងៃឡើងកាន់តំណែងកាលពីខែតុលាឆ្នាំ២០២៤ លោក Subianto បានប្រាប់ថា កុមារជាច្រើនមានកង្វះអាហារូបត្ថម្ភ ហើយលោកបានប្ដេជ្ញាផ្តល់អាហារថ្ងៃត្រង់ និងទឹកដោះគោដោយឥតគិតថ្លៃដល់សិស្សចំនួន ៨៣លាននាក់នៅសាលារៀនជាង ៤០ម៉ឺនកន្លែងនៅទូទាំងប្រទេស។ លោកបានបញ្ជាក់ថា នេះគឺជាយុទ្ធសាស្រ្តរយៈពេលវែងរហូតដល់ឆ្នាំ២០៤៥ ដើម្បីអភិវឌ្ឍធនធានមនុស្សរបស់ឥណ្ឌូណេស៊ី ដែលជាប្រទេសដែលមានប្រជាជនជាង ២៨២លាននាក់ និងជាប្រទេសសេដ្ឋកិច្ចធំបំផុតរបស់អាស៊ីអាគ្នេយ៍។
សូមបញ្ជាក់ថា គម្រោងកម្មវិធីដ៏ធំរបស់លោក Subianto ក្នុងការផ្ដល់អាហារដោយឥតគិតថ្លៃ អាចមានតម្លៃលើសពី ២៨ពាន់លានដុល្លារ។ យ៉ាងណា លោក Subianto បានអះអាងថា ក្រុមការងាររបស់លោកបានគិតគូរទុកជាមុនរួចហើយអំពីការចំណាយ ដែលឥណ្ឌូណេស៊ីអាចមានសមត្ថភាពធ្វើទៅបាន។
លោក Dadan Hindayana ប្រធានអង្គភាពអាហារូបត្ថម្ភជាតិ បានឲ្យដឹងថា គោលដៅរបស់រដ្ឋាភិបាល គឺដើម្បីឈានដល់សិស្សសាលា និងស្ត្រីមានផ្ទៃពោះចំនួន ១៩,៤៧លាននាក់នៅឆ្នាំ២០២៥ ជាមួយនឹងកញ្ចប់ថវិកា ៤,៣ពាន់លានដុល្លារ ដើម្បីរក្សាឱនភាពប្រចាំឆ្នាំនៅក្រោមពិដានច្បាប់ចំនួន ៣% នៃផលិតផលក្នុងស្រុកសរុប។
លោក Hindayana បានបន្ថែមថា ថវិកាទាំងនោះនឹងត្រូវយកទិញអង្ករប្រមាណ៦,៧លានតោន សាច់មាន់១,២លានតោន សាច់គោ៥០ម៉ឺនតោន ត្រី១លានតោន បន្លែផ្លែឈើ និងទឹកដោះគោ៤លានគីឡូលីត្រ ព្រមទាំងការសាងសង់ផ្ទះបាយយ៉ាងតិច ៥ ០០០កន្លែងទូទាំងប្រទេស៕
ដោយ៖ ឈាង
ប្រជាពលរដ្ឋ សហជីព និងកម្មករ ថ្កោលទោសទណ្ឌិត សម រង្ស៊ី ដែលអំពាវនាវឱ្យមានការងើបបះបោរប្រឆាំងនឹងរាជរដ្ឋាភិបាលស្របច្បាប់
អ៊ីស្រាអែលបើកការវាយឆ្មក់យ៉ាងសាហាវទៅលើជំរុំជនភៀសខ្លួន Jenin ក្នុងតំបន់ West Bank
តួកគីចាប់ខ្លួនម្ចាស់សណ្ឋាគារ និងអ្នកពាក់ព័ន្ធ ខណៈកំហឹងសាធារណៈផ្ទុះឡើងខ្លាំង
ជប៉ុនផ្ដល់ជំនួយជាង៥លានដុល្លារ ដើម្បីគាំទ្រលិទ្ធិប្រជាធិបតេយ្យនៅកម្ពុជា
លោក Yoon ចូលពេទ្យយោធា ក្រោយចេញពីសវនាការតុលាការធម្មនុញ្ញ
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៣ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ