សន្តិសុខសង្គម

សមត្ថកិច្ចប៉ុស្តិ៍ចោមចៅទី ៣ ចុះរដ្ឋបាល ឃាត់ខ្លួនមនុស្ស ៣ នាក់ ពាក់ព័ន្ធការប្រើប្រាស់ថ្នាំញៀន

បានផុស

៤ សប្តាហ៍ មុន

នៅ

ថ្ងៃពុធ ៨ មករា ២០២៥

ដោយ

កាលពីព្រឹកថ្ងៃទី ៨ ខែមករា ឆ្នាំ ២០២៥ នេះ ដើម្បីរក្សាបាននូវសុវត្ថិភាពដល់ប្រជាពលរដ្ឋ ក៏ដូចជាបង្ក្រាបក្រុមក្មេងទំនើង អ្នកប្រើប្រាស់ និងជួញដូរគ្រឿងញៀន កម្លាំងសមត្ថកិច្ចបានចុះរដ្ឋបាលក្នុងភូមិព្រៃទា ១ សង្កាត់ចោមចៅទី ៣ ខណ្ឌពោធិ៍សែនជ័យ ឃាត់ខ្លួនជនសង្ស័យប្រុស-ស្រី ៣ នាក់ ព្រមទាំងដកហូតវត្ថុតាងថ្នាំញៀនមួយចំនួនផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យឃាត់ខ្លួនរួមមាន ៖ ទី១.ឈ្មោះ កែវ សុវណ្ណស្រីពេជ្រ ភេទស្រី អាយុ ១៣ ឆ្នាំ ស្នាក់នៅបន្ទប់ជួល ភូមិព្រៃទា ១ សង្កាត់ចោមចៅទី ៣ ខណ្ឌពោធិ៍សែនជ័យ។ ទី២.ឈ្មោះ សឹង្ហ ឌី ភេទប្រុស អាយុ ២៨ ឆ្នាំ ស្នាក់នៅបន្ទប់ជួល ភូមិព្រៃទា ១ សង្កាត់ចោមចៅទី ៣ ខណ្ឌពោធិ៍សែនជ័យ មានស្រុកកំណើតនៅខេត្តព្រៃវែង។ ចំណែកម្នាក់ទៀតមិនទាន់ស្គាល់អត្តសញ្ញាណនៅឡើយទេ។

សមត្ថកិច្ចបានឲ្យដឹងថា ដើម្បីរក្សាសុខសុវត្ថិភាពជូនប្រជាពលរដ្ឋក្នុងមូលដ្ឋាន ទប់ស្កាត់បទល្មើស លួច ឆក់ ប្លន់ ក៏ដូចជាបង្ក្រាបក្រុមក្មេងទំនើង អ្នកប្រើប្រាស់ និងជួញដូរគ្រឿងញៀន ទើបកាលពីព្រឹកថ្ងៃទី ៨ ខែមករា ឆ្នាំ ២០២៥ នេះ កម្លាំងសមត្ថកិច្ចសហការជាមួយកម្លាំងប្រជាការពារសង្កាត់ មេភូមិ ដឹកនាំដោយ លោក ថេង កុសល នាយប៉ុស្តិ៍នគរបាលចោមចៅទី ៣ ចុះរដ្ឋបាលតាមបន្ទប់ជួលឆែកឆេររកឃើញថ្នាំញៀនចំនួន ២ កញ្ចប់តូច និងឃាត់ខ្លួនជនសង្ស័យចំនួន ៣ នាក់ ក្នុងនោះ ស្រី ២ នាក់ និងម៉ូតូធុនធំ ១ គ្រឿង។