ជីវិតកម្សាន្ដ

លោក យ៉ែម សំអូន ចេញមកបញ្ជាក់ ខណៈមានអ្នកចង់សម្ភាសន៍សួរនាំរឿងកូនស្រី

បានផុស

៤ សប្តាហ៍ មុន

នៅ

ថ្ងៃពុធ ៨ មករា ២០២៥

ដោយ

ដោយមានការសួរនាំច្រើនពីបណ្ដាអ្នកសារព័ត៌មាន និងផេកផ្សព្វផ្សាយមួយចំនួន ចង់ជួបសម្ភាសន៍ផ្ទាល់ជាមួយកូនស្រីសំណព្វចិត្ត Veronica Yem តារាចម្រៀងជើងចាស់ លោក យ៉ែម សំអូន ដែលជាឪពុក បានចេញមុខបញ្ជាក់ថា បើចង់ដឹង ឬ សួរនាំព័ត៌មានជុំវិញកូនស្រីគឺអាចសួរពីលោកបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការកត់សម្គាល់ តារាចម្រៀងប្រុសជើងចាស់ទឹកដមសំឡេងពីរោះក្រអួនក្រអៅមិនចេះរីងស្ងួត លោក យ៉ែម សំអូន តែងបំពេញតួនាទីយ៉ាងល្អ និងបង្ហាញពីការបារម្ភក្នុងនាមជាឪពុកចំពោះកូនស្រីជាទីស្រលាញ់ ខណៈដែលលោក និងភរិយាអ្នកនាង យ៉ាន លីនដា បានរស់នៅជួបជុំគ្រួសារវិញផងនោះ។

ឆ្លើយតបទៅកាន់អ្នកចង់ដឹងជុំវិញរឿងរ៉ាវផ្ទាល់ខ្លួនរបស់កូនស្រី លោក យ៉ែម សំអូន បានឲ្យដឹងថា ក្នុងនាមលោកជាឪពុក សូមឆ្លើយតបជូនចំពោះអ្នកសារព័ត៌មាន និងវេបសាយផេកផ្សព្វផ្សាយមួយចំនួន ដែលបានឆាតមកកូនស្រីលោកឈ្មោះ Veronica Yem ក៏ដូចជាឆាតមកលោក ដើម្បីសុំ facebook កូនស្រី ចង់សម្ភាសន៍ពីចំណាប់អារម្មណ៍របស់គាត់។

លោក យ៉ែម សំអូន បានបញ្ជាក់ថា «ខ្ញុំសូមបញ្ជាក់ជូនថា កូនស្រីរបស់ខ្ញុំ នាងអត់ដែលចេះលេង facebook ទេ ក្រៅពីគ្រាន់តែមានសម្រាប់គ្រួសារប៉ុណ្ណោះ ហើយនាងក៏និយាយភាសាខ្មែរមិនបានច្រើនដែរ បើអក្សរគឺរឹតតែចេះតែម្ដង ដូច្នេះបើបងប្អូនចង់មានព័ត៌មានអ្វីពីគាត់អាចសួរពីខ្ញុំបាន»។

កាលពីថ្មីៗ កន្លងទៅ អ្នកនាង យ៉ាន់ លីនដា ដែលជាភរិយាលោក យ៉ែម សំអូន បានធ្វើដំណើរមកកាន់ប្រទេសកម្ពុជាវិញ បន្ទាប់ពីផ្សះផ្សាចំណងស្នេហ៍ ១០ ឆ្នាំ ដែលបានកន្លងផុតទៅ ជាពិសេសអ្នកនាងមកលើកនេះដើម្បីរស់នៅជុំគ្រួសារ និងគ្រប់គ្រងទ្រព្យសម្បត្តិ ព្រមទាំងការងាររកស៊ីរបស់លោក យ៉ែម សំអូន ដែលជាស្វាមី៕

អត្ថបទ ៖ ចាន់រ៉ា