អាជីព

ល្បិចប្រើពេលសម្ភាសន៍ធានាធ្វើឲ្យគេចង់ជ្រើសរើសយើងរំលងបេក្ខជនផ្សេង

បានផុស

៤ years មុន

នៅ

ថ្ងៃពុធ ១៧ មីនា ២០២១

ដោយ

សាង ស្រីល័ក្ខ

ចរចាប្រាក់ខែជារឿងផ្សិង ប៉ុន្តែរឿងសំខាន់សម្ភាសជាប់សិន!

ចំណុចគន្លឹះទាំង៥នេះអាចជួយបេក្ខជន ទទួលបានការងារក្នុងក្ដីស្រមៃ សឹងថាគ្រប់ទីកន្លែងដែលបានទៅសម្ភាសន៍។ គន្លឹះទាំងនោះមានអ្វីខ្លះទៅ?

១.ទំនុកចិត្ត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កុំទម្លាប់និយាយភ័យព្រួយឬចាញ់ច្រាបអ្នកជួបយើងដំបូង។ ជឿខ្លួនយើងសិនទើបគេផ្សេងដែលនៅនឹងមុខយើង ព្រមជឿយើងតាមក្រោយដែរ។ បើមិនឲ្យគេមិនជឿជាក់យើងបានផង យើងម៉េចនឹងត្រូវគេជ្រើសរើសរំលងបេក្ខជនផ្សេង?

២ ស្លៀកនិងតុបតែងខ្លួនសក្ដិសមនឹងតួនាទី

តួនាទីដំបូងរបស់HRគឺពិនិត្យសម្បកក្រៅយើងហ្នឹងហើយ។ ការតុបតែងបង្ហាញថាយើងជាមនុស្សប្រភេទណា។ គ្មានអ្នកណាត្រូវការបុគ្គលិកឡូយឆាយទេ គេត្រូវការបុគ្គលិកដែលតុបតែងសមរម្យ ថ្លៃថ្នូរ។ កុំលាបក្រែមម្សៅជ្រុល កុំទម្លាក់សក់រំសុះរំសាយនិងកុំពាក់កែងហួសពេក។

៣ ដឹងព័ត៌មានអំពីភារកិច្ចនៃតួនាទីដែលគេកំពុងរក

កំហុសធំរបស់ខ្មែរយើង គឺខ្វល់ពីប្រាក់ខែជាងការទទួលខុសត្រូវ។ ការទទួលខុសត្រូវខ្លះខុសជំនាញពេក មិនអាចធ្វើឲ្យយើងឆ្លើយតបបានល្អទេ។ មុនដាក់ពាក្យនិងមុនសម្ភាសគួរដឹងថា តើយើងពិតជាសាកសមអត់នឹងការងារមួយនោះ។ មានទំនុកចិត្តពេលណាឆាប់ប្រាប់អ្នកដែលកំពុងសម្ភាសនោះភ្លាមថាគេរកមនុស្សត្រូវហើយ។

៤ បុគ្គលិកលក្ខណៈ

ពេលខ្លះអ្នកសម្ភាសយើងមានតួនាទីលំដាប់ទាបជាងយើងពិតមែន តែមិនមែនមានន័យថា គេមិនអាចសម្រេចចិត្តក្នុងការយកយើងឬអត់ឡើយ។ គេជាមន្ត្រីធនធានមនុស្ស តូចឬធំក្តី គេមានល្បិចអាចកំណត់ការជាប់ធ្លាក់របស់យើង អាស្រ័យគំនិតគេដែលពេញចិត្តឬមិនពេញចិត្តអាកប្បកិរិយាដំបូងរបស់យើង។ អ្នកខ្លះចូលសម្ភាសជាអ្នកគ្រប់គ្រង ហើយធ្វើឬកដូចជាមេធំតាំងពីថ្ងៃដំបូងនៃការសម្ភាស ប្រាកដណាស់ គ្មានអ្នកណាចូលចិត្តមនុស្សឬកទេ។

៥ កន្លែងចាស់

ការគោរពនានានឹងធ្លាក់ភ្លាម ប្រសិនអ្នកបញ្ចេញអាការៈពេបជ្រាយរិះគន់កន្លែងចាស់របស់ខ្លួននៅនឹងមុខកន្លែងថ្មីដែលមិនទាន់ទាំងជាប់ផងនោះ។ ប្រសិនគេសួរថា ហេតុអ្វីបានឈប់ ចូរនិយាយថា ចង់បានការរីកចម្រើនថ្មី បង្កើតបណ្ដាញបន្ថែម។ល។ មនុស្សដែលចេះសរសើរកន្លែងចាស់រមែងទទួលបានការចាប់អារម្មណ៍ខ្ពស់ជាងបេក្ខជនដទៃ៕

ប្រែសម្រួល៖ចម្រើនតារា

ចុចអាន៖៤ វិធីដែលរហ័សទាន់ចិត្ត នឹងរកស៊ីអនឡាញឲ្យមានគេទទួលស្គាល់ច្រើន

Related Topics:សម្ភាសន៍ការងារ