អ្នកចូលរួមកម្មវិធីសុំរៀបការរបស់តារាចម្រៀងគូស្នេហ៍ G-Devith និង បូព្រឹក្ស បង្ហើបថ្ងៃមង្គលអ្នកទាំងពីរ

ចំណងស្នេហាជិត ១០ឆ្នាំ រវាងកំពូលតារាចម្រៀងរ៉េបគូស្នេហ៍ លោក ជី ដេវីត និង​អ្នកនាង ទេព បូព្រឹក្ស ទីបំផុត បានសម្រេចដឹកដៃគ្នារៀបចំកម្មវិធីមង្គលឆាប់ៗខាងមុខនេះហើយ ពោលគឺអំឡុងពាក់កណ្តាលឆ្នាំ២០២៥ ។ នេះបើតាមសិល្បករសិល្បការិនី ដែលបានចូលរួមកម្មវិធីស្នើសុំរៀបការរបស់អ្នកទាំងពីរ បានបញ្ជាក់។

ក្រោយចូលរួមជាសាក្សីនៃកម្មវិធីសុំរៀបការរបស់ តារាចម្រៀងគូស្នេហ៍ល្បីឈ្មោះលោក ជី ដេវីត និង​អ្នកនាង ទេព បូព្រឹក្ស សិល្បករសិល្បការិនី ក៏ដូចជាមិត្តភក្តិរបស់អ្នកទាំងពីរ បានបញ្ចេញសារជូនពរគូស្នេហ៍នេះព្រោងព្រាត ទន្ទឹមនឹងការបង្ហើបថ្ងៃពិសេសរបស់អ្នកទាំងពីរផងដែរ។

តាមរយៈសារជូនពរជាច្រើន អ្នកដែលចូលរួមក្នុងកម្មវិធីសុំរៀបការលោក ជី ដេវីត និង​អ្នកនាង ទេព បូព្រឹក្ស បានបង្ហើជាមួយនឹងកាលបរិច្ឆេទដូចៗគ្នា “Save the date 06/06/2025 និង 07/06/2025” ដែលមានន័យថា ទំនងជាថ្ងៃមង្គលរបស់តារាចម្រៀងគូស្នេហ៍មួយគូនេះ។

គួររំលឹកថា កាលពីពេលកន្លងទៅថ្មីៗនេះ អ្នកទាំងពីរ បានឱ្យតម្រុយពីការចង់រៀបចំកម្មវិធីមង្គលការរបស់អ្នកទាំងពីរជារឿយៗ និងទើបតែបង្ហាញរូប Pre-Wedding លើកទី២របស់ខ្លួន លើទឹកដីអង្គរផងដែរ ខណៈកាលពីឆ្នាំ២០១៩ តារាចម្រៀងគូស្នេហ៍មួយគូនេះ បានបង្ហាញរូប Pre-Wedding ម្តងរួចទៅហើយ ដែលបានថតនៅទីតាំងកោះម៉ាឌីវ ។

យ៉ាងណា ទោះបីជារំលងពេលច្រើនឆ្នាំ ដែលអ្នកទាំងពីរទើបសម្រេចចិត្តរៀបចំមង្គលការនៅឆ្នាំនេះក៏ដោយ អ្នកគាំទ្រ មិត្តភក្តិ ក៏ដូចជាសិល្បសិល្បការិនី បានសម្តែងក្តីរំភើបនៃចំណងស្នេហ៍ដ៏មួយនេះ និងជូនពរអ្នកពីរដោយក្តីពេញចិត្តផងដែរ។ ខណៈថ្ងៃពិសេសរបស់អ្នកទាំងពីរ ទំនងជារៀបចំធ្វើនៅថ្ងៃទី ០៧ ខែមិថុនា ឆ្នាំ២០២៥ ខាងមុខ៕