ព័ត៌មានអន្ដរជាតិ

TASS: ត្រាំបញ្ជាឲ្យរៀបចំសន្ទនាតាមទូរស័ព្ទជាមួយ ពូទីន នៅថ្ងៃឡើងកាន់អំណាច

បានផុស

១ ខែ មុន

នៅ

ថ្ងៃចន្ទ ២០ មករា ២០២៥

ដោយ

ទីភ្នាក់ងារព័ត៌មានរុស្ស៊ី TASS បានផ្សព្វផ្សាយអត្ថបទមួយរបស់ CNN នៅថ្ងៃ លោក ដូណាល់ ត្រាំ ស្បថចូលកាន់ដំណែងជាប្រធានាធិបតីអាមេរិក ដែលមានសេចក្តីថា ប្រធានាធិបតីជាប់ឆ្នោតអាមេរិកលោក ដូណាល់ ត្រាំ (Donald Trump) បានណែនាំក្រុមរបស់គាត់ឱ្យរៀបចំការសន្ទនាតាមទូរស័ព្ទជាមួយមេដឹកនាំរុស្ស៊ីលោក វ្ល៉ាឌីមៀរ ពូទីន (Vladimir Putin) ក្នុងថ្ងៃដំបូង បន្ទាប់ពីការចូលកាន់ដំណែងរបស់គាត់ដែលបានកំណត់នៅថ្ងៃទី២០ខែមករា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីរាយការណ៍នោះ បានលើកឡើងថា៖«លោក ត្រាំ បានណែនាំជំនួយផ្ទាល់របស់គាត់ឱ្យរៀបចំការហៅទូរស័ព្ទជាមួយប្រធានាធិបតីរុស្ស៊ី វ្ល៉ាឌីមៀរ ពូទីន ក្នុងរយៈពេលប៉ុន្មានថ្ងៃបន្ទាប់ពីគាត់បានស្បថចូលកាន់តំណែង»។

យោងតាមការផ្សព្វផ្សាយ គោលដៅមួយនៃការសន្ទនាគឺ «ដើម្បីពិភាក្សាការប្រជុំដោយផ្ទាល់នៅប៉ុន្មានខែខាងមុខនេះ» ដើម្បីព្យាយាមបញ្ចប់ជម្លោះនៅអ៊ុយក្រែន។

នៅម៉ោង៩និង២៣នាទីយប់ថ្ងៃចន្ទ ប៉ុស្តិ៍បណ្តាញសង្គម Telegram របស់សារព័ត៌មាន RT ដែលគេដឹងថា ជារបស់រុស្ស៊ី បានផ្សព្វផ្សាយសារអបអរសាទររបស់ប្រធានាធិបតី វ៉្លាឌីមៀរ ពូទីន ដែលមានខ្លឹមសារចង់បាននូវការសន្ទនាប្រកបដោយភាពស្មើភាព សន្តិភាព និងការគោរពគ្នា។

តាមខ្លឹមសារថតវីដេអូផ្សព្វផ្សាយដោយ RT បានលើកឡើងថា៖«’រំពឹងថាការសន្ទនានឹងឈរលើមូលដ្ឋានស្មើភាព និងគោរពគ្នាទៅវិញទៅមក។ រុស្ស៊ីចង់បានសន្តិភាពយូរអង្វែងនៅអ៊ុយក្រែន»

លោក ដូណាល់ ត្រាំ មិនបានបដិសេធកាលពីថ្ងៃទី៧ខែមករាថា ការដោះស្រាយបញ្ហាអ៊ុយក្រែនអាចចំណាយពេលលើសពី២៤ម៉ោងដែលជាពេលវេលាដែលគាត់បានកំណត់ក្នុងអំឡុងពេលយុទ្ធនាការបោះឆ្នោតរបស់គាត់។

លោក ត្រាំ បានប្រកាសថា គ្រោងនឹងជួបពិភាក្សាជាមួយលោក ពូទីន អំពីវិបត្តិអ៊ុយក្រែន ក្នុងរយៈពេលប្រាំមួយខែ បន្ទាប់ពីលោកចូលកាន់តំណែង។ លោក Keith Kellogg បេសកជនពិសេសរបស់ប្រធានាធិបតីជាប់ឆ្នោតអាមេរិក ទទួលបន្ទុកអ៊ុយក្រែន បាននិយាយថា លោកចង់បំពេញតាមកាលកំណត់ត្រឹមរយៈពេល១០០ថ្ងៃ៕

ដោយ រ៉ាន់ រើយ