លោក បណ្ឌិត អុិន ចាន់នី លើកទឹកចិត្តអតិថិជនប្រើ«អេស៊ី ស៊ូភើអេប» ដើម្បីទទួលបានសេវាកម្មថ្មីៗទំនើបទាន់សម័យ

ភ្នំពេញ៖ លោក បណ្ឌិត អុិន ចាន់នី ប្រធាននាយកប្រតិបត្តិរបស់ធនាគារអេស៊ីលីដាបានលើកទឹកចិត្តដល់អតិថិជនប្រើប្រាស់«អេស៊ី ស៊ូភើអេប» របស់ធនាគារអេស៊ីដាដើម្បីទទួលបាននូវសេវាកម្មថ្មីៗទំនើបទាន់សម័យដែលជួយសម្រួលដល់ការរស់នៅប្រចាំថ្ងៃនិងការធ្វើអាជីវកម្មបានកាន់តែប្រសើរមួយកម្រិតទៀត។

ការលើកទឹកចិត្តនេះបានធ្វើឡើងក្នុងឱកាសលោកបណ្ឌិតបានដឹក នាំថ្នាក់ដឹកនាំនិងនាយកសាខាចុះទស្សកិច្ចសិក្សានៅធនាគារអេស៊ីលីដាសាខាថ្មីទី២៦៥ស្ថិតនៅឃុំប្រម៉ោយស្រុកវាលវែងខេត្តពោធិ៍សាត់ បន្ទាប់ពីបានដាក់ឱ្យដំណើរការនៅថ្ងៃទី១ខែវិច្ឆិកាឆ្នាំ២០២៤និងពិនិត្យមើលសេវាកម្មនិង «អេស៊ី ស៊ូភើអេប» នៅស្រុកសំឡូតខេត្តបាត់ដំបងនិងនៅខេត្តប៉ៃលិន។

លោកបណ្ឌិត បានបន្តថា ធនាគារអេស៊ីលីដាបានដាក់ឱ្យដំណើរការម៉ូបាលអេបតាំងពីឆ្នាំ២០១៧ហើយបានអភិវឌ្ឍជាបន្តបន្ទាប់កាន់តែល្អប្រសើរមកជា «អេស៊ី ស៊ូភើអេប» ដែលបានដាក់ដំណើរការនៅថ្ងៃទី៣១ខែធ្នូឆ្នាំ២០២៤ដែលអេបនេះមានសមត្ថភាពបម្រើសេវាដូចទៅនឹងធនាគារពិតនៅក្នុងដៃព្រោះថាអេបនេះមិនត្រឹមតែផ្សារភ្ជាប់ជាមួយក្រុមហ៊ុនឯកជនប៉ុណ្ណោះទេថែមទាំងផ្សារភ្ជាប់ជាមួយវិស័យសាធារណៈរួមមាន ក្រសួងមន្ទីរនិងស្ថានប័ននានាផងដែរ។

ជាងនេះទៀតអេបនេះបានជួយសម្រួលផ្តល់សេវាជូនអតិថិជនប្រើប្រាស់បានយ៉ាងទូលំទូលាយប្រកបដោយជឿជាក់និងទំនុកចិត្តដោយសារមានប្រព័ន្ធការពារសុវត្តិភាពខ្ពស់។

លោកបណ្ឌិតបានអំពាវនាវដល់អតិថិជនប្រើសេវាកម្មធនាគារដោយជំនឿទុកចិត្តព្រោះយើងតែងតែស្តាប់យោបល់និងជួយគាំទ្រនិងដោះស្រាយជាមួយអតិថិជនជាប់ជាប្រចាំពិសេសយើងមានមនុស្សជាង១ម៉ឺននាក់ធ្វើការ២៤ម៉ោងអាចផ្តល់ដំណោះស្រាយបានគ្រប់ពេលវេលានិងមានប្រព័ន្ធសុខសុវត្តិភាពខ្ពស់អាចការពារប្រាក់បញ្ញើនិងជួយចាត់ចែងហិរញ្ញវត្ថុអតិថិជនប្រកបដោយប្រសិទ្ធភាពព្រោះថារយៈពេលជាង៣០ឆ្នាំមកនេះធនាគារបានលូតលាស់ជាមួយអតិជន។ លើសពីនេះយើងបានបណ្តុះបណ្តាលបុគ្គលិកជាបន្តបន្ទាប់ដើម្បីជួយពន្យល់ដល់អតិថិជនឱ្យចេះប្រើបច្ចេកវិទ្យាថ្មីៗដើម្បីការពារបន្ថែមពីលើប្រព័ន្ធសុវត្តិភាពរបស់ធនាគារផងដែរ៕