ចរាចរណ៍

ម៉ូតូ និង រថយន្ត បុកគ្នា ស្លាប់មនុស្សម្នាក់ភ្លាមៗ នៅសង្កាត់ក្បាលកោះ

បានផុស

២ សប្តាហ៍ មុន

នៅ

ថ្ងៃអង្គារ ២១ មករា ២០២៥

ដោយ

អ៊ិន ពិសី

ម៉ូតូ ១ គ្រឿង បើករេចង្កូតទៅបុករថយន្តកំពុងជិះ ទិសដៅបញ្ច្រាសគ្នា បណ្ដាលឲ្យស្លាប់មនុស្សម្នាក់ ភ្លាមៗ ទាំងកណ្ដាលយប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ១១ និង ២៥ នាទីយប់ ថ្ងៃទី ២០ ខែមករា ឆ្នាំ ២០២៥ តាមបណ្ដោយផ្លូវជាតិលេខ ១ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ។

ប្រភពព័ត៌មានពីប្រជាពលរដ្ឋបានឲ្យដឹងថា មុនកើតហេតុមានម៉ូតូម៉ាកហុងដាឌ្រីម ១ គ្រឿង ពណ៌ខ្មៅ ពាក់ស្លាកលេខ ភ្នំពេញ 1DB-4329 តាមបណ្ដោយផ្លូវជាតិលេខ ១ ធ្វើដំណើរទិសដៅបញ្ច្រាសគ្នា ក្នុងល្បឿនលឿន ខណៈមកដល់ចំណុចកើតហេតុ បានជ្រុលទៅបុកជាមួយរថយន្តម៉ាកតូយូតា ហាយឡែនឌើ ពណ៌ស្ករ ពាក់ស្លាកលេខ ភ្នំពេញ 2W-7137 បើកតាមបណ្ដោយផ្លូវជាតិលេខ ១ ទិសដៅពីកើតទៅលិច បណ្ដាលឲ្យអ្នកជិះម៉ូតូស្លាប់ភ្លាមៗ។ ចំណែកម្ចាស់រថយន្តបង្ក ត្រូវបានសមត្ថកិច្ចធ្វើការឃាត់យកទៅសួរនាំផងដែរ។

ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ធ្វើការវាស់វែងយកម៉ូតូទៅរក្សាទុក។ ចំណែកសពជនរងគ្រោះ ត្រូវបានសមត្ថកិច្ចប្រគល់ជូនគ្រួសារយកទៅធ្វើបុណ្យតាមប្រពៃណី។

គួរជម្រាបថា គ្រោះថ្នាក់ចរាចរណ៍ បើគិតត្រឹមថ្ងៃទី ២១ ខែមករា ឆ្នាំ ២០២៥ នេះ ចំនួនអ្នកស្លាប់មានរហូតទៅដល់ជិត ១០ នាក់ហើយ សូមប្រជាពលរដ្ឋមេត្តាបង្កើនការប្រុងប្រយ័ត្នឲ្យបានខ្ពស់នៅពេលបើកបរយានយន្ត ឬ ទោចក្រយានយន្ត លើដងផ្លូវ៕

អត្ថបទ ៖ រដ្ឋា