បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ

អំឡុងពេលចុះហត្ថលេខាលើបទបញ្ជាប្រតិបត្តិក្នុងការិយាល័យអូវ៉ាល់ ប្រធានាធិបតិអាមេរិកលោក ដូណាល់ ត្រាំ បានឆែកមើលថតតុ ហើយក៏ឃើញសំបុត្រមួយ​ច្បាប់ដែលអតីតប្រធានាធិបតី ចូ បៃដិន បន្សល់ទុកឲ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំបូងឡើយលោកមិនចាប់អារម្មណ៍ទេ ប៉ុន្តែលោកស្រាប់តែភ្ញាក់ពេលអ្នកសារព័ត៌មានសួរថា តើលោក បៃដិន មានទុកសំបុត្រឲ្យទេ។ លោកត្រាំឆ្លើយថា «ខ្ញុំមិនដឹងដែរ» រួចក៏បើកថតតុឃើញសំបុត្រមួយច្បាប់ហើយក៏លាន់មាត់ថា «wow»។

លោកត្រាំ ក៏ចាប់កាន់សំបុត្រដែលមានស្រោមសរសេរលេខ៤៧ (សម្គាល់ជាប្រធានាធិបតីទី៤៧របស់អាមេរិក) បង្ហាញទៅអ្នកសារព័ត៌មានប៉ុន្តែលោកនិយាយថា ខ្លួនសូមអានសំបុត្រនេះដោយឯកជនសិន មុននឹងសម្រេចថាតើ ត្រូវចែករំលែកជាសាធារណៈដែរឬក៏អត់។

ការទុកសំបុត្រជា​លាយលក្ខណ៍​អក្សរ ឲ្យអ្នកស្នងតំណែងនៅក្នុងការិយាល័យអូវ៉ាល់ គឺមិនមែនជារឿងចម្លែកទេសម្រាប់សហរដ្ឋអាមេរិក ព្រោះប្រទេសនេះមានប្រពៃណីដូច្នេះ ជាយូរមកហើយ។  

ប្រពៃណីនេះចាប់ផ្តើមតាំងតែពីឆ្នាំ១៩៨៩មកម្ល៉េះ នៅពេលលោក Ronald Reagan ទុកសំបុត្រមួយច្បាប់ឲ្យលោក George H.W. Bush ដែលសរសេរថា «កុំឲ្យតួកគី បំបាក់ទឹកចិត្តអ្នកឲ្យសោះ» លុះក្រោយមកប្រធានាធិបតីអាណត្តិក្រោយៗ ក៏ធ្វើបែបនេះជាបន្តបន្ទាប់៕

អត្ថបទ៖ សុខ សុវណ្ណ

ចុចអាន៖ រដ្ឋមន្ត្រី​សំខាន់ៗរបស់​​រដ្ឋបាល​​លោក ដូណាល់ ត្រាំ នៅ​ក្នុង​អាណត្តិ​ទី​២