សន្តិសុខសង្គម

ក្មេងទំនើង ២ ក្រុម កាប់គ្នា ផ្អើលដល់សមត្ថកិច្ចចុះឃាត់បាន ៥ នាក់ យកមកសួរនាំ

បានផុស

២ សប្តាហ៍ មុន

នៅ

ថ្ងៃពុធ ២២ មករា ២០២៥

ដោយ

ក្មេងទំនើង ២ ក្រុម បានឌឺដងដាក់គ្នា រហូតបង្កជាហិង្សាវាយតប់គ្នា និងបន្តយកកាំបិតកាប់គ្នាឲ្យរងរបួស ផ្អើលដល់សមត្ថកិច្ចចុះអន្តរាគមន៍ឃាត់បានចំនួន ៥ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះដែរបង្កឲ្យមានការភ្ញាក់ផ្អើលកាលពីវេលាម៉ោង ១០ និង ៣០ នាទីយប់ ថ្ងៃទី ២១ ខែមករា ឆ្នាំ ២០២៥ ស្ថិតនៅចំណុចភូមិអង្គ សង្កាត់ចោមចៅ ៣ ខណ្ឌពោធិ៍សែនជ័យ រាជធានីភ្នំពេញ។

ប្រភពពីកន្លែងកើតហេតុបានឲ្យដឹងថា នៅមុនពេលកើតហេតុក្រុមក្មេងទំនើងខាងលើបានឌឺដងដាក់គ្នាម្ដងរួចមកហើយ តែមិនធ្វើអ្វីដាក់គ្នានោះទេ។ លុះបន្ទាប់មក ស្រាប់តែភាគីម្ខាង បានដើរកាត់ មុខភាគីម្ខាងទៀត ក៏ត្រូវបានខាងភាគីម្ខាងទៀត នាំគ្នាព្រួតវាយ និងយកកាំបិតបុ័ងតោទៅកាប់ បណ្តាលឲ្យរងរបួសស្រាល។

ប្រភពបានបន្តថា ហេតុការណ៍ប្រយុទ្ធគ្នានេះបានផ្អើលដល់ប្រជាពលរដ្ឋទាក់ទងប្ដឹងទៅសមត្ថកិច្ចមូលដ្ឋានចុះមកអន្តរាគមន៍ភ្លាមៗ ឃាត់ក្មេងទំនើងបានចំនួន ៥ នាក់ ដឹកតាមម៉ូតូរ៉ឺម៉កទៅប៉ុស្តិ៍ ដើម្បីសួរនាំ។

បច្ចុប្បន្នក្រុមក្មេងទំនើង ៥ នាក់ នេះ ត្រូវបាននគរបាលប៉ុស្តិ៍ចោមចៅទី ៣ កសាងសំណុំរឿងបញ្ជូនខ្លួនទៅកាន់ផ្នែកជំនាញ នៃអធិការដ្ឋាននគរបាលខណ្ឌពោធិ៍សែនជ័យ ដើម្បីចាត់ការបន្តតាមនីតិវិធីច្បាប់៕

អត្ថបទ ៖ សំណាង