ព័ត៌មានអន្ដរជាតិ
ចិនបំបែកកំណត់ត្រាលើការនាំចូលទុរេន ខណៈវៀតណាម ម៉ាឡេស៊ី ថៃ ប្រជែងគ្នាលើការផ្គត់ផ្គង់
ប្រទេសចិនបានបំបែកកំណត់ត្រាលើការនាំចូលទុរេនរហូតជិតដល់ ៧ ប៊ីលានដុល្លារ ក្នុងឆ្នាំ ២០២៤ ខណៈវៀតណាម និងម៉ាឡេស៊ី ប្រជែងគ្នាដើម្បីទមា្លក់ថៃចេញពីតំណែកកំពូលលើការផ្គត់ផ្គង់ផ្លែឈើប្រភេទនេះឱ្យចិន។ នេះបើតាមការចុះផ្សាយរបស់កាសែត South China Morning Post (SCMP)។
យោងតាមទិន្នន័យគយចិន ចិនបាននាំចូលទុរេនចំនួន ១៥,៦ ប៊ីលានគីឡូក្រាម ក្នុងឆ្នាំ ២០២៤ ដោយកើនឡើង ៩,៤ ភាគរយ ក្នុងអត្រាប្រចាំឆ្នាំ។ តម្លៃនៃការនាំចូល បានកើនឡើង ៤,១ ភាគរយ ដល់កម្រិតខ្ពស់បំផុតប្រមាណ ៦,៩៩ ប៊ីលានដុល្លារ។
ថៃបាននាំមុខគេលើការផ្គត់ផ្គង់ទុរេនទៅចិនជាយូរមកហើយ ដោយរួមចំណែកប្រមាណ ៦៨ ភាគរយ នៃការនាំចូលទុរេនរបស់ចិនក្នុងឆ្នាំ ២០២៣។ យ៉ាងណាមិញ អត្រានេះបានធ្លាក់ចុះមកនៅត្រឹម ៥៧ ភាគរយ កាលពីឆ្នាំមុន ដោយសារបញ្ហាគុណភាពជុំវិញការដាំច្រើនពេក និងការធ្លាក់ចុះនៃផលិតកម្មទុរេន ដោយសារតែបញ្ហាធាតុអាកាសក្ដៅខ្លាំងជាដើម។
ក្រៅពីនេះ ក៏មានបញ្ហាផ្សេងផងដែរ។ រដ្ឋបាលគយទូទៅចិនបានបញ្ជាឱ្យប្រទេសថៃ និងវៀតណាម ផ្តល់របាយការណ៍ត្រួតពិនិត្យសម្រាប់ដំណាំទុរេនរបស់ខ្លួន បន្ទាប់ពីបានរកឃើញជាតិគីមី Basic Yellow 2 ដែលជាសារធាតុបង្កមហារីក។ តាំងពីថ្ងៃទី ១០ មករា មក អាជ្ញាធរចិនបានត្រួតពិនិត្យសំណាកផ្លែឈើ «ជ្រើសរើសដោយចៃដន្យ» នៅគ្រប់ច្រកព្រំដែន។ នេះបើតាមការចុះផ្សាយរបស់បាងកកប៉ុស្តិ៍។
សារព័ត៌មានថៃមួយទៀត Vision Thai បានរាយការណ៍កាលពីសប្តាហ៍មុនថា គយចិនបានប្រគល់ទុរេនប្រហែល ១០០ កុងតឺន័រ ដែលបានដឹកជញ្ជូនទៅកាន់ប្រទេសមុនថ្ងៃទី ១០ ខែមករា ដែលបណ្តាលឱ្យមានការខាតបង់ចំនួន ៥០០ លានបាត (១៤,៦ លានដុល្លារ) សម្រាប់អ្នកផលិត។
ផ្ទុយទៅវិញ ការនាំចូលទុរេនរបស់ចិនពីវៀតណាម ដែលជាប្រទេសផ្គត់ផ្គង់ធំទី២ បានកើនឡើង៣៧,៥៦ ភាគរយ ពេញមួយឆ្នាំ ២០២៤ ក្នុងតម្លៃប្រមាណ ២,៩ ប៊ីលានដុល្លារ។
ទោះបីជាចិនជួបនូវកម្សោយតម្រូវការទូទៅក្នុងស្រុកក៏ដោយ ក៏ទុរេននៅតែពេញនិយមក្នុងប្រទេសនេះ ដែលធ្វើឱ្យការផ្គត់ផ្គង់ពីប្រទេសនៅអាស៊ីអាគ្នេយ៍កាន់តែមានការប្រកួតប្រជែង។
បន្ទាប់ពីទទួលបានការយល់ព្រមលើការនាំចូលផ្លែទុរេនស្រស់ទៅចិនកាលពីខែមិថុនាឆ្នាំមុន ម៉ាឡេស៊ីបានកត់ត្រាពីការនាំចេញទុរេនប្រមាណ ៥,៧ លានដុល្លារទៅចិន ក្នុងរយៈពេល ៦ ខែចុងក្រោយឆ្នាំ ២០២៤។ ក្រៅពីនេះក៏មានប្រទេសហ្វីលីពីនផងដែរ ដែលបង្កើនការនាំចេញទុរេនទៅចិន ខណៈឥណ្ឌូណេស៊ីកំពុងពិភាក្សាជាមួយអាជ្ញាធរចិន។
គួរគូសបញ្ជាក់ថា ខណៈចិនបានចាប់ផ្តើមដាំទុរេនផ្ទាល់ខ្លួនរបស់ខ្លួននៅក្នុងខេត្តកោះហៃណានភាគខាងត្បូងដើម្បីបំពេញតម្រូវការមួយចំនួន ទិន្នផលទុរេនប្រទេសនេះនៅតូចទាបនៅឡើយ ដោយសារដើមទុរេនត្រូវចំណាយពេលច្រើនឆ្នាំ ដើម្បីបានផល៕
ចិនបំបែកកំណត់ត្រាលើការនាំចូលទុរេន ខណៈវៀតណាម ម៉ាឡេស៊ី ថៃ ប្រជែងគ្នាលើការផ្គត់ផ្គង់
បាងកក បង្ខំចិត្តបិទសាលារៀនដល់ទៅជាង ៣៥០កន្លែង ព្រោះខ្យល់ពុល កាន់តែធ្ងន់ធ្ងរ
សេចក្ដីព្រាងច្បាប់ប្រឆាំងការមិនទទួលស្គាល់ឧក្រិដ្ឋកម្មខ្មែរក្រហមត្រូវបានគណៈរដ្ឋមន្ត្រីអនុម័ត
ពលរដ្ឋខ្មែរជាប់សែស្រឡាយចិន នាំគ្នាទៅកាត់ឆុងរំដោះគ្រោះចង្រៃ បួងសួងសុំសេចក្ដីសុខ នៅវត្តភ្នំ
សំណុំរឿងឃាតកម្មកូនដើមសម្លាប់ឪពុកចុងនៅស្រុកភ្នំព្រឹក បានបន្តទៅតុលាការកំពូល បន្ទាប់ពីម្ដាយជនជាប់ចោទប្ដឹងសារទុក្ខ
អ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
នេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
ខេត្តក្រុងចំនួន ៤ មានរាជធានីភ្នំពេញ សន្ទស្សន៍គុណភាពខ្យល់ពណ៌ក្រហម (ការបំពុលខ្លាំង)
វៀតណាម បំបែកសម្បុកក្រុមលាងលុយកខ្វក់ ក្នុងទំហំទឹកប្រាក់ ១,២ពាន់លានដុល្លារ
គាំទ្រភ្លូកទឹកភ្លូកដី! សំបុត្រទស្សនាទស្សនីយភាព «ល្ខោនបាមោជ្ជទ័យ» រឿងកុលាបប៉ៃលិន ទាំង ៤ថ្ងៃ លក់អស់ហើយ
-
ចរាចរណ៍៤ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៧ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៤ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ២២ ម៉ោង agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ១ សប្តាហ៍ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ២៤ ម៉ោង agoនេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
-
ព័ត៌មានជាតិ១ សប្តាហ៍ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៥ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់