សន្តិសុខសង្គម

ឆ្លងចរន្ត ឆេះឃ្លាំងអេតចាយ ០១ កន្លែង យ៉ាងសន្ធោសន្ធៅ ផ្អើលស្ទឹងមានជ័យទី ០២ ទាំងកណ្ដាលយប់

បានផុស

២ សប្តាហ៍ មុន

នៅ

ថ្ងៃចន្ទ ២៧ មករា ២០២៥

ដោយ

អគ្គិភ័យឆាបឆេះឃ្លាំងស្តុកអេតចាយ ០១ កន្លែង យ៉ាងសន្ធោសន្ធៅ បង្កឲ្យមានការភ្ញាក់ផ្អើលដល់កម្លាំងជំនាញពន្លត់អគ្គិភ័យចុះមកអន្តរាគមន៍បាញ់ពន្លត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានបង្កឲ្យមានការភ្ញាក់ផ្អើលកាលពីវេលាម៉ោង ១២ និង ៤០ នាទី រំលងអធ្រាត្រ ឈានចូលថ្ងៃទី ២៧ ខែមករា ឆ្នាំ ២០២៥ ស្ថិតតាមបណ្ដោយផ្លូវបេតុង ភូមិឫស្សីទី ៣ សង្កាត់ស្ទឹងមានជ័យទី ០២ ខណ្ឌមានជ័យ រាជធានីភ្នំពេញ។

ប្រភពព័ត៌មានពីប្រជាពលរដ្ឋបានឲ្យដឹងថា មុនកើតហេតុ គេបានឮសំឡេងផ្ទុះ ០២ ដង ចេញពីឃ្លាំងស្តុកអេតចាយ ០១ កន្លែង នៅក្បែរលំនៅដ្ឋានរបស់ពួកគាត់។ ខណៈនោះ ក៏មានផ្សែងហុយខ្មួលខ្មាញ់លាយឡំអណ្ដាតភ្លើងយ៉ាងសន្ធោសន្ធៅ ផ្អើលប្រជាពលរដ្ឋជួយយកទុយោទឹកមកបាញ់ ប៉ុន្តែដោយសារស្ថានភាពកាន់តែខ្លាំងឡើងៗ ភ្លាមៗ ក៏បានរាយការណ៍ជូនសមត្ថកិច្ចជំនាញ ឲ្យជួយចុះអន្តរាគមន៍បាញ់ពន្លត់ ដើម្បីកុំឲ្យមានការរាលដាលកាន់តែខ្លាំង។

អគ្គិភ័យនេះដែរ បានឆាបឆេះប្រភេទសំណង់ខាងលើនេះ គឺ ដែកស័ង្កសី ទំហំ (១០ ម៉ែត្រ x ២៥ ម៉ែត្រ) ឆេះឃ្លាំងស្តុបអេតចាយអស់ទាំងស្រុង និងបានប្រើប្រាស់រថយន្តពន្លត់អគ្គិភ័យចំនួន ០៥ គ្រឿង ក្នុងនោះរួមមាន រថយន្តពន្លត់អគ្គិភ័យរបស់ការិយាល័យរាជធានីភ្នំពេញ ចំនួន ០៤ គ្រឿង និងរថយន្តជំនួយមកពីក្រុមហ៊ុន ស្រាបៀរកម្ពុជា ចំនួន ០១ គ្រឿង បាញ់រលត់ជាស្ថាពរ។ ចំពោះមូលហេតុ កម្លាំងសមត្ថកិច្ចជំនាញ បានធ្វើការស្រាវជ្រាវរកឃើញថា បណ្ដាលមកពីការឆ្លងចរន្តអគ្គិសនីបង្កជាអគ្គិភ័យ៕

អត្ថបទ ៖ រដ្ឋា