ព័ត៌មានអន្ដរជាតិ

លោក Yoon ត្រូវចោទប្រកាន់ផ្លូវការពីបទ«អំពើបះបោរ»ដែលប្រឈមទោសប្រហារជីវិតឬជាប់ទោស១ជីវិត

បានផុស

២ ខែ មុន

នៅ

ថ្ងៃចន្ទ ២៧ មករា ២០២៥

ដោយ

អគ្គរដ្ឋអាជ្ញានៃតុលាការក្រុងសេអ៊ូលបានចោទប្រកាន់ប្រធានាធិបតីកូរ៉េខាងត្បូង លោក Yoon Suk Yeol ពីបទបះបោរជាផ្លូវការ នៅពេលដល់កំណត់ត្រូវដោះលែងត្រឹមថ្ងៃចន្ទនេះពីការឃុំខ្លួនបណ្តោះអាសន្នដើម្បសាកសួរចម្លើយនៅតុលាការក្រុងសេអ៊ូល។

ប្រធានាធិបតីកូរ៉េខាងត្បូង លោក Yoon Suk Yeol។ Reuter

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចោទប្រកាន់បទល្មើស «បះបោរ» ដែលអាចនឹងធ្វើឲ្យប្រធានាធិបតីកូរ៉េខាងត្បូង លោក Yoon Suk Yeol មានទោសប្រហារជីវិត ឬក៏មានទោសជាប់ពន្ធនាគារពេញ១ជីវិត នៅពេលការស៊ើបអង្កេតរកឃើញថា គាត់មានពិរុទ្ធភាពលើការប្រកាសច្បាប់អាជ្ញាសឹកកាលថ្ងៃទី៣ខែធ្នូឆ្នាំ២០២៤។

នយោបាយប្រទេសកូរ៉េខាងត្បូងបានធ្លាក់ចូលក្នុងវិបត្តិចាប់តំាំងពីប្រធានាធិបតី Yoon Suk Yeol បានប្រកាសប្រើច្បាប់អាជ្ញាសឹក ដើម្បីបង្ក្រាបបក្សប្រឆាំងកាលថ្ងៃទី៣ខែធ្នូ២០២៤ ប៉ុន្តែត្រូវសភាបោះឆ្នោតទម្លាក់ច្បាប់នោះតនៅប៉ុន្មានម៉ោងក្រោយមក។

លោក Yoon ត្រូវបានចាប់ខ្លួនដ៏ចម្រូបចម្រាសកាលពីថ្ងៃទី១៥ខែមករា ដោយការិយាល័យស៊ើបអង្កេតពុករលួយសម្រាប់មន្ត្រីជាន់ខ្ពស់ (CIO)។ បន្ទាប់ពីការឃុំខ្លួននៅទីនោះផុតរយៈពេល៤៨ម៉ោង ដោយលោក Yoon ប្រើប្រាស់សិទ្ធិរក្សាភាពស្ងប់ស្ងាត់ និងបដិសេធការសហការជាមួយ CIO រដ្ឋអាជ្ញាធរតុលាការក្រុងសេអ៊ូលក៏ចេញដីកាឃុំខ្លួនបន្តដើម្បីសាកសួរចម្លើយ។

ប្រធានាធិបតីដែលត្រូវព្យួរអំណាច លោក Yoon Suk Yeol ដែលបានបដិសេធសហការជាមួយអង្គភាពអនុវត្តច្បាប់នានាក្នុងការឆ្លើយបំភ្លឺ ដោយការអះអាងថា អង្គភាពទាំងនោះមិនមានអំណាចអនុវត្តលើរូបលោកជាប្រធានាធិបតីក្នុងអំណាចឡើយ។ ក្រោយតុលាការក្រុងសេអ៊ូលឃុំខ្លួន លោក Yoon ដែលធ្លាប់បដិសេធចូលរួមសវនាការរបស់តុលាការធម្មនុញ្ញដោយព្រួយបារម្ភចំពោះសុវត្ថិភាពនោះ ក៏បានសម្រេចចិត្តសហការជាមួយតុលាការធម្មនុញ្ញក្នុងការចូលសវនាការវិញ។

ក្រោយការចេញដីកាចោទប្រកាន់នោះ លោក Han Min-soo អ្នកនាំពាក្យតកណបក្សប្រជាធិបតេយ្យដែលជាគណបក្សប្រឆាំងដ៏ធំ បាននិយាយថា ៖«ការដាក់ទោសមេគំនិតនៃអំពើបះបោរនៅទីបំផុតឥឡូវនេះចាប់ផ្តើម»។ យោងតាមការផ្សាយរបស់ BBC នៅថ្ងៃចន្ទនេះ។

ទោះជាបែបណា ក្រុមអ្នកច្បាប់របស់ប្រធានាធិបតី Yoon បានរិះគន់ចំពោះការចោទប្រកាន់នេះនិងបានសន្យាលាតត្រដាងភាពខុសច្បាប់ក្នុងការស៊ើបអង្កេតនោះ។

បច្ចុប្បន្ននេះ តុលាការធម្មនុញ្ញដែលមានសមាជិកចៅក្រម៨រូបនៃសមាជិកចៅក្រមសរុប៩រូប បានដំណើរការនីតិវិធីសវនាការព្យួរអំណាចរបស់ លោក Yoon Suk Yeol ហើយសាលក្រមរបស់តុលាការធម្មនុញ្ញគ្រោងនឹងចេញនៅក្នុងខែមីនា២០២៥។ សាលក្រមតុលាការធម្មនុញ្ញគឺមានតែរឿងពីរប៉ុណ្ណោះគឺប្រគល់អំណាចឲ្យលោក Yoo វិញ ឬក៏តម្កល់ការព្យួរអំណាចរបស់សភាជាផ្លូវការ៕

ដោយ រ៉ាន់ រើយ