ព័ត៌មានអន្ដរជាតិ
ឥណ្ឌូណេស៊ី និងឥណ្ឌា សម្លឹងការប្រើប្រាស់រូបិយប័ណ្ណជាតិ សម្រាប់ពាណិជ្ជកម្មទ្វេភាគី
ប្រទេសឥណ្ឌូណេស៊ី និងឥណ្ឌា កំពុងសម្លឹងមើលការប្រើប្រាស់រូបិយប័ណ្ណជាតិរបស់ខ្លួនរួមមានប្រាក់រូពៀ និងរូពី សម្រាប់ពាណិជ្ជកម្មឆ្លងដែនទ្វេភាគី ដោយមិនចាំបាច់ពឹងផ្អែកលើប្រាក់ដុល្លារ។ នេះបើតាមការចុះផ្សាយរបស់កាសែត Jakarta Globe កាលពីថ្ងៃចន្ទ។
កាលពីឆ្នាំមុន ធនាគារឥណ្ឌូណេស៊ី និងធនាគារបម្រុងនៃប្រទេសឥណ្ឌា បានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីការទូទាត់ដោយប្រើរូបិយប័ណ្ណក្នុងស្រុក។ កិច្ចព្រមព្រៀងនេះ អាចឱ្យអ្នកនាំចេញ និងអ្នកនាំចូល បង់ប្រាក់ជាប្រាក់រូពៀឥណ្ឌូណេស៊ី ឬប្រាក់រូពីឥណ្ឌា។ ប៉ុន្តែមិនទាន់បានអនុវត្តនៅឡើយទេ។
ការពិភាក្សាជុំវិញបញ្ហាចុងក្រោយនេះ ធ្វើឡើងបន្ទាប់ពីប្រធានាធិបតីឥណ្ឌូណេស៊ី លោក ប្រាបូវូ ស៊ូប៊ីយ៉ានតូ ធ្វើដំណើរទស្សនកិច្ចទៅទីក្រុងញូវដេលីកាលពីចុងសប្ដាហ៍ ដោយជួបជាមួយនាយករដ្ឋមន្រ្តីឥណ្ឌា លោក ណារិនដ្រា ម៉ូឌី។
សេចក្ដីថ្លែងការណ៍ក្រោយជំនួបរវាងមេដឹកនាំទាំង២ បានបង្ហាញពី ការប្រើប្រាស់រូបិយប័ណ្ណជាតិសម្រាប់ពាណិជ្ជកម្មទ្វេភាគីយ៉ាងដូច្នេះថា៖ «[មេដឹកនាំទាំង២] បានសង្កត់ធ្ងន់លើសារៈសំខាន់នៃការពន្លឿនការអនុវត្ត។ ពួកគេបានបង្ហាញទំនុកចិត្តថា ការប្រើប្រាស់រូបិយប័ណ្ណក្នុងស្រុកសម្រាប់ប្រតិបត្តិការទ្វេភាគី នឹងជំរុញពាណិជ្ជកម្មរវាងឥណ្ឌូណេស៊ី និងឥណ្ឌាបន្ថែមទៀត និងធ្វើឱ្យសមាហរណកម្មហិរញ្ញវត្ថុកាន់តែស៊ីជម្រៅរវាងសេដ្ឋកិច្ចទាំង២»។
ការណ៍គួរឱ្យកត់សម្គាល់នោះគឺថា ជំនួបរវាងលោក ប្រាបូវូ និងលោក ម៉ូឌី ធ្វើឡើងក្រោយឥណ្ឌូណេស៊ីក្លាយជាសមាជិកនៃប្លុកសេដ្ឋកិច្ច BRICS ដែលព្យាយាមធ្វើបដិដុល្លារូបនីយកម្ម។ ប្លុកនេះរួមមាន ប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូង ខណៈសមាជិកផ្សេងទៀតមានដូចជាអេហ្ស៊ីប អេត្យូពី អ៊ីរ៉ង់ និងអារ៉ាប់រួមជាដើម។
លើបញ្ហានៃការធ្វើបដិដុល្លារូបនីយកម្មជាមួយប្លុក BRICS គេឃើញមានការព្រួយបារម្ភមួយចំនួនសម្រាប់ទំនាក់ទំនងពាណិជ្ជកម្មអាមេរិក និងឥណ្ឌូណេស៊ី ខណៈប្រធានាធិបតី លោក ដូណាល់ ត្រាំ នាពេលកន្លងមក បានសន្យាដាក់ពន្ធ ១០០ ភាគរយ លើទំនិញនាំចូលពីប្រទេសដែលព្យាយាមងាកចេញពីការប្រើប្រាស់ប្រាក់ដុល្លារ។
យ៉ាងណាមិញ បច្ចុប្បន្ននេះ ឥណ្ឌូណេស៊ីមានប្រតិបត្តិការទ្វេភាគីសម្រាប់ការទូទាត់រូបិយប័ណ្ណជាតិ ជាមួយប្រទេសចិន ជប៉ុន ម៉ាឡេស៊ី និងថៃ រួចហើយ។ កាលពីពេលថ្មីៗនេះ ឯកអគ្គរដ្ឋទូតរុស្ស៊ីប្រចាំប្រទេសឥណ្ឌូណេស៊ី លោក Sergei Tolchenov បានបង្ហើបថា សមាជិកស្ថាបនិក BRICS នៅទីក្រុងមូស្គូ បាន និងកំពុងពិភាក្សាគ្នា ដើម្បីធ្វើកិច្ចព្រមព្រៀងប្រើប្រាស់រូបិយប័ណ្ណក្នុងស្រុកជាមួយទីក្រុងហ្សាកាតាផងដែរ៕
រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង
អ្នករងរបួសដោយអគ្គិភ័យ ឆេះក្លិបកម្សាន្ដ មីតណាយព្រីមៀរ ៥នាក់ ទទួលបានថវិកាពីអភិបាលរាជធានីភ្នំពេញ
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
ពលរដ្ឋកម្ពុជាថ្កោលទោស ស៊ន តារា ដែលកំពុងវង្វេងប្រវត្តិសាស្រ្តដោយលើកឡើងថា “អាមេរិកមិនដែលទម្លាក់គ្រាប់បែកសម្លាប់ខ្មែរ”
អ្នកនាំពាក្យ ថា មានអ្នកជាប់កាតព្វកិច្ច៧រូបមិនទាន់មកប្រកាសទ្រព្យសម្បត្តិ និងបំណុល
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
កំណត់ត្រាពេទ្យ ថា សាន់ឆាយ បដិសេធមិនព្យាបាល២ដង ហើយញៀនថែសម្រស់លែងគិតសុខភាព
ត្រាំ ស៊ីញេ ដកអាមេរិក ចេញពីក្រុមប្រឹក្សាសិទ្ធិមនុស្ស UN
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
-
សន្តិសុខសង្គម១៦ ម៉ោង agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១៦ ម៉ោង agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៥ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច