សណ្ឋាគារ ៦កន្លែងនៅមណ្ឌលគិរី ត្រៀមរួចជាស្រេចដើម្បីទទួលភ្ញៀវទេសចរក្នុងពិធីបុណ្យចូលឆ្នាំចិន

ក្នុងឱកាសពិធីចូលឆ្នាំចិន-វៀតណាមនេះ ភ្ញៀវទេសចរនឹងធ្វើដំណើកម្សាន្ដតាមតំបន់រមណីដ្ឋាននានា ពិសេសខេត្តមណ្ឌលគិរី គឺតែងតែទទួលបានភ្ញៀវទេសចររាប់មុឺនសែននាក់ក្នុងមួយឆ្នាំៗ ជាមួយគ្នានេះ សណ្ឋាគារចំនួន ៦កន្លែងក្នុងខេត្តមណ្ឌលគិរី បានត្រៀមខ្លួនរួចរាល់ក្នុងការទទួលស្វាគមន៍ភ្ញៀវជាតិ និងអន្តរជាតិ។

ស្របក្នុងឱកាសនោះដែរ ក្នុងក្រុងសែនមនោរម្យ មានសណ្ឋាគារ៦កន្លែង ស្ថិតនៅមិនឆ្ងាយនោះទេពីរង្វង់មូលគោព្រៃ ដែលបានត្រៀមខ្លួនរួចជាស្រេចដើម្បីទទួលភ្ញៀវទេសចរមកកម្សានឱកាសពិធីបណ្យចូលឆ្នាំចិន វៀតណាមនាពេលខាងមុខនេះ និងមានទីធ្លាស្អាត សេវាកម្មល្អ និងផាសុខភាព។

បើតាមកាឲ្យដឹងពីលោក ស៊ាង សឿង ប្រធានមន្ទីរទេសចរណ៍ខេត្តមណ្ឌលគិរីបានប្រាប់ថា សណ្ឋាគារក្នុងសែនមនោមរម្យមាន ចំនួន៧កន្លែងកំពុងដំណើរការធ្វើអាជីវកម្មនៅពេលបច្ចុប្បន្ននេះហើយតែងតែទទួលបានភ្ញៀវទេសចរ មកស្នាក់នៅ ស្ទើរមិនលស់ថ្ងៃជាពិសេស ពិធីបុណ្យធំម្ដងៗ ភ្ញៀវទេសចរតែងតែមកសម្រាក នឹងធ្វើដំណើរកម្សាន្តទៅតាមតំបន់រមណីយដ្ឋាននានា ក្នុងខេត្តមណ្ឌលគិរី។

ប្រធានមន្ទីររូបនេះបានបង្ហាញពីឈ្មោះ សណ្ឋាគាដែលកំពុងដំណើរការរួមមាន។

១-សណ្ឋាគារ អឿន សកុណា មានបន្ទប់ស្នាក់នៅចំនួន៤៦បន្ទប់ ស្ថិតនៅសង្កាត់ស្ពានមានជ័យក្រុងសែនមនោរម្យ។

២-សណ្ឋាគារ អេង ធីតា មានបន្ទប់ស្នាក់នៅចំនួន៥០បន្ទប់  ស្ថិតនៅសង្កាត់ស្ពានមានជ័យក្រុងសែនមនោរម្យ។

៣-សណ្ឋាគារ ស្រុី លាងហុីម ធីតា មានបន្ទប់ស្នាក់នៅចំនួន២០បន្ទប់ ស្ថិតនៅសង្កាត់ស្ពានមានជ័យក្រុងសែនមនោរម្យ។

៤-សណ្ឋាគារ ពេជ្រ ទេវី  មានបន្ទប់ស្នាក់នៅចំនួន៣៤បន្ទប់ ស្ថិតនៅសង្កាត់ស្ពានមានជ័យក្រុងសែនមនោរម្យ។

៥-សណ្ឋាគារ ពេជ្រាដា មានបន្ទប់ស្នាក់នៅចំនួន២៥បន្ទប់ ស្ថិតនៅសង្កាត់ស្ពានមានជ័យក្រុងសែនមនោរម្យ។

៦-សណ្ឋាគារ ឡា រីដា  មានបន្ទប់ស្នាក់នៅចំនួន២០បន្ទប់ ស្ថិតនៅសង្កាត់ស្ពានមានជ័យក្រុងសែនមនោរម្យ ខេត្តមណ្ឌលគិរី៕

អត្ថបទ៖រៀម សុខហេង