កីឡា
លោក ខូវ ឆាយ ថា សហព័ន្ធមិនអាចហាមសង្វៀនណាចងជើងកីឡាករបានឡើយ
សហព័ន្ធកីឡាប្រដាល់គុនខ្មែរមិនមែនជាអ្នកសម្រេចចិត្តលើការចាប់គូប្រកួតរបស់សង្វៀនឯកជនឡើយដោយបានត្រឹមតែសម្របសម្រួល និងអនុវត្តតាមច្បាប់កីឡាប៉ុណ្ណោះ ប៉ុន្តែការសម្រេចលើការចាប់គូកីឡាករ កីឡាការិនីម្នាក់ៗអាស្រ័យលើសាមីខ្លួន ក្លិប និងម្ចាស់កម្មវិធីផ្ទាល់។
លោក ខូវ ឆាយ ប្រធានសហព័ន្ធគុនខ្មែរបានឲ្យដឹងថា ៖«ការចាប់គូភាគច្រើន យើងទុកអាទិភាពឲ្យម្ចាស់កម្មវិធីជាមួយនឹងក្លិបសាមីរបស់កីឡាករ។ ពួកគាត់អាចពិភាក្សាគ្នាអំពីការចាប់គូដែលមានសហព័ន្ធយើងជាអ្នកសម្របសម្រួល ប៉ុន្តែសហព័ន្ធមិនអាចសម្រេចបានទេ។ ហេតុអ្វីបានជាសហព័ន្ធមិនអាចសម្រេចបាន ដោយសារតែអ្នករៀបចំកម្មវិធីជាអ្នកចេញថវិកា»។
លោកបានបន្តទៀតថា ៖«យើងមិនអាចប្រាប់ថា កុំយកកីឡាករនេះ គួរយកកីឡាករនោះ។ សហព័ន្ធជាអ្នកសម្របសម្រួលផ្នែកបច្ចេកទេស ការរៀបចំកម្មវិធី គណៈកម្មការរៀបចំការប្រកួត អាជ្ញាកណ្តាល ចៅក្រម ដឹកនាំធ្វើយ៉ាងណាឲ្យកម្មវិធីប្រព្រឹត្តទៅដោយជោគជ័យ ប៉ុន្តែកីឡាករប្រកួតជាមួយកីឡាករណាគឺអាស្រ័យលើកីឡាករផ្ទាល់ និងអ្នករៀបចំកម្មវិធី។ ពួកគាត់អាចសម្រេចចិត្តថា តើការចរចាត្រូវគ្នា តាំងពីតម្លៃខ្លួន តាំងពីតម្លៃក្លិប និងពេលវេលា»។
«ពេលខ្លះ យើងចង់ឲ្យកីឡាករបានស្មើគ្នា ប៉ុន្តែរៀបចំទៅអត់មានការគាំទ្រ ដូច្នេះអ្នករៀបចំកម្មវិធីក៏អត់ព្រមដែរ។ យើងធ្លាប់បានស្នើឲ្យមានថ្នាលប្រកួតច្រើន ប៉ុន្តែដល់ពេលកីឡាករថ្នាលប្រកួត មិនសូវមានការគាំទ្រ។ កម្មវិធីខ្លះមានគោលដៅឲ្យមានអ្នកគាំទ្រផ្ទុះខ្លាំងរហូតដល់៥០ម៉ឺននាក់ ១លាននាក់ជាដើម ប៉ុន្តែដាក់កម្មវិធីថ្នាលទៅ ទស្សនិកជនអត់ទស្សនា ដូច្នេះអ្នករៀបចំខកចិត្ត ពីព្រោះលទ្ធផលផ្ទុយពីគោលបំណងដែលចង់បាន។ ពេលខ្លះយើងបានស្នើច្រើន តែស៊ីសងទៅលើការចរចារវាងម្ចាស់កម្មវិធី និងក្លិបរបស់កីឡាករ កីឡាការិនីផ្ទាល់»។
នៅពេលសួរថា តើសហព័ន្ធមានដំណោះស្រាយយ៉ាងណាពាក់ព័ន្ធនឹងកម្មវិធីប្រកួតខ្លះចុះកិច្ចសន្យាយកកីឡាករល្អៗទុក? លោក ខូវ ឆាយ បានឆ្លើយតបថា ៖«យើងកំពុងសិក្សាពាក់ព័ន្ធចំណុចនេះ ពីព្រោះករណីទីផ្សារសេរី យើងមិនអាចហាមឃាត់កីឡាករមិនឲ្យចុះកិច្ចសន្យាជាមួយក្រុមហ៊ុននេះ មិនឲ្យចុះកិច្ចសន្យាជាមួយក្រុមហ៊ុននោះ ពីព្រោះសហព័ន្ធមិនមែនជាម្ចាស់កីឡាករទេ។ សហព័ន្ធគ្រាន់តែជាអ្នកទទួលខុសត្រូវលើការអភិរក្ស និងអភិវឌ្ឍគុនខ្មែរ។ ក្លិបរបស់ពួកគាត់ទើបជាអាណាព្យាបាលផ្ទាល់របស់កីឡាករ»។
«ប្រសិនបើក្លិបអនុញ្ញាត សហព័ន្ធមិនអាចហាមឃាត់បានទេ។ កត្តាជីវភាពរបស់ពួកគាត់ ពួកគាត់ជាអ្នកសម្រេចដោយខ្លួនឯង។ ថាតើមានក្រុមហ៊ុន មានសង្វៀនផ្តល់កិច្ចសន្យា វាល្អសម្រាប់ពួកគាត់អត់? ករណីមួយចំនួនយើងអនុវត្តទៅ ហាមឃាត់ទៅ វាប៉ះពាល់ដល់ដៃគូអភិវឌ្ឍដែលជាស្ថានីយ៍ទាំងអស់នេះ។ ដូច្នេះចំណុចនេះ យើងបានពិភាក្សាគ្នាច្រើនលើកហើយថាតើយើងគួរអនុវត្តដូចម្តេច។ បើយើងអនុវត្តទៅ វាប៉ះពាល់យ៉ាងណាដល់កីឡាករដែលពួកគាត់ត្រៀមសម្រាប់កម្មវិធីរបស់ពួកគាត់»។
លោកបានបន្ថែមថា ៖«ករណីនេះនៅប្រទេសណាក៏មានដែរ។ មិនមែនមានតែនៅកម្ពុជាទេ នៅប្រទេសថៃក៏មាន នៅអាមេរិក អឺរ៉ុប កម្មវិធីកម្រិតពិភពលោកក៏មាន គឺគេមានកីឡាករប្រចាំកម្មវិធីរបស់គេតែម្តង»។
សព្វថ្ងៃនេះមានកីឡាករគុនខ្មែរមួយចំនួនជាតំណាងផ្សព្វផ្សាយ (BA) របស់ផលិតផលដែលប្រកួតបានតែកម្មវិធីដែលឧបត្ថម្ភដោយផលិតនោះប៉ុណ្ណោះ។ បើក្រឡេកនៅលើពិភពលោកមានកម្មវិធីជាច្រើនដែលមានកីឡាករផ្ទាល់ខ្លួនដូចជាសង្វៀនប្រដាល់សកលអាមេរិក Top Rank, សង្វៀន UFC សង្វៀន ONE Championship និងសង្វៀន Thai Fight ជាដើម៕
អត្ថបទ៖ វីរបុត្រ
លោក ខូវ ឆាយ ថា សហព័ន្ធមិនអាចហាមសង្វៀនណាចងជើងកីឡាករបានឡើយ
មន្ទីរវប្បធម៌ខេត្តកំពង់ឆ្នាំង ប្រកាសបើកវគ្គបង្រៀនជំនាញសិល្បៈ៤ប្រភេទ ដើម្បីលើកស្ទួយវប្បធម៌ខ្មែរ
តើអ្វីជាតួនាទីសំខាន់របស់អគ្គាធិការដ្ឋានក្រសួងមហាផ្ទៃ?
ខេត្តមណ្ឌលគិរី អាកាសធាតុនឹងចុះត្រជាក់ រហូតដល់១៥°C រយៈពេល ៣ថ្ងៃបន្ថែមទៀត
សម្ភារប្រើប្រាស់កែច្នៃពីអ្នកស្រុកខេត្តសៀមរាប ដឹកតាមរម៉កលក់ ទទួលការគាំទ្រពីពលរដ្ឋខ្មែរគ្រប់ទិសទី
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
គណៈសង្ឃនាយកចាត់ទុកមនោគមវិជ្ជារបស់សមាគមទេវ សក្ខី ភគវន្ត ធ្វើឱ្យមានភាពច្របូកច្របល់ដល់កិច្ចបដិបត្តិសាសនា
អ្នកនាំពាក្យ ពន្យល់មូលហេតុពីការផ្អាកប្រឡងសិស្សពូកែក្នុងឆ្នាំសិក្សា ២០២៤-២០២៥
ដុតទៀនធូបសែនចូលឆ្នាំចិន ចាក់សោរទុកចោលក្លាយជាអគ្គិភ័យឆេះផ្អើលអ្នកជិតខាង
-
ចរាចរណ៍៤ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៤ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ២ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានជាតិ១ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ៣ ម៉ោង agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ១៦ ម៉ោង agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានអន្ដរជាតិ៦ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង